尼兩個星期都無咩特別野做..
所以都一直無更新...
日日都係屈係屋企做宅男..
係咁睇動漫係咁打機..
直到尋日...
MSN無啦啦有人震我
叫我去IT SCHOOL(粵華個網)到睇下.
點知一睇..
不得了..
72條GRAMMAR+10條三角等緊我地高一升高二既人去做...
三角都話好D..話晒我三角最後一段都有70~80分不等..
但係GRAMMAR.....
我開學到最後一後都好似合格唔夠3次..
仲要次次都係豬個60~65分返來..
點做阿大佬...
於是把幾火72條選擇題豬晒佢....
下星期先公布答案..
不過我都一早知自己做成點架啦...

然後5點左右又比人叫左出去M記食野+玩UNO+鋤大D
十足十開賭開賭檔咁....
玩左2粒鐘都係UNO同鋤大D= =
原本預定左係去東昇打邊爐...
不過好彩係某D人極力反對下取消左
如果唔係,我諗我一定會破產..(←原本我都係贊成去打邊爐既其中一個人...不過睇埋下面就知..)
因為當晚10點比人急CALL左我去NEWAY唱K= =
無啦啦又消費左$81
好唔抵阿!
今日仲喉嚨痛到死.....

另外另外...
遲下星期六去報宣道堂個生活營~
7月30日~8月1日(←咁o岩好撞正動漫節...不過老媽子成日都話E+香港H1N1咁勁,又唔比我去...)
三日兩夜
比以前少左1日= =
但係錢就收足以前收開既$70......
感覺好似比人呃左咁T^T
不過一年一次(重點係阿媽出錢)就無計啦~

喲~終於都拎左成績表啦><
結果...
雖然上學期成績係差左D
但係最後個後都有19名阿竟然><
雖然對某一D人來講可能唔算得上係咩
但係對我來講已經好難得架啦XD
好似自初三以來已經未試過有名次架啦= =

然後然後...
尋日拎晒D舊書去賣
原本諗住應該都賣得唔係好多架炸..
諗住$100左右已經偷笑...
點知竟然賣到$220  @w@
賺到笑....

跟住同賭神兄答車經過一雄個陣
又諗起出左涼宮第7期漫畫...
於是...
連埋第7期小說一齊買左XD
咁就用左90蚊T^T
但係出公數......
阿媽比左錢我買書@@

跟住今日比成績表老媽子睇左之後
為左慶祝下我順利升班+19名
就叫左PIZZA來食@w@

已經半個月無掂到DJMAX啦
係時候練習下
正當我想去亞洲租返一粒鐘來玩個陣
個死人技術人員又唔係到
萬惡的技術人員阿
為啥我次次去親亞洲租機都唔見你架...
難得我肯掉錢比你洗...
萬惡既事情唔講住

今日中午同班人去左NEWAY唱K
ER...應該可以咁講...
然後無啦啦比個姐姐仔屈左張會員卡($10)...
原本話訂四個人
然後變左五個人...
都算..
多個唔多少個唔少
但係中途無啦啦又殺多三個人來= =
都唔知想點..
而重點係個d人我一個都唔識(指突然多出既一個人外+踩場三人組...)
不過我都係覺得唱K就是要夜晚唱唱通宵或唱到深夜+10幾20個人去踩場先夠熱鬧@w@

聽日要返去拎成績表啦><
只要今晚無電話來就姐係我成功左啦><
雖然我對自己既補考成績好有信心
不過都係有少少咁多多既擔心既=v=

尼兩日都好鬼緊張阿><
因為YW傳統既死亡電話會係今個星期打架啦
收到=星期六唔洗返去睇補考=直接留班
收唔到=星期六要返去睇補考(當然有可能唔洗補直升)
傳聞中就算要補考
但係只要有返而且唔係交白卷就會比你升班XD
不過E D都係聽D「前輩」講
唔知係唔係真的...
尋日已經收到風有一個同學死左
仲叫我留返D TEST PAPER同筆記比佢添= =
但如果係順學號打的話咁我就安全了@w@
因為個個同學係21號,我係7號><
但係今日都仍然有危險架
因為聽日先返學校...
今日係最危險個日...
想當年(舊年)我就係咁拎左野..
星期五之前都無人打比我.
到左星期五晚7點都未有人打比我
so我以為無事啦...
點知8點電話響起...
內容自己想像.....
結果就留左班啦XD

終於考完試啦@w@
跟住就係差唔多三個月既暑假^^
不過星期六要返去睇補考
希望星期五唔會收到追魂call啦....
今年已經係第二年架啦
所以再收到就要同YW既各位講88係咁先架啦T^T
如無意外我最大可能應該係要補考ENG
咁多科係得尼一科無咩信心= =

上個星期三同老媽子出去左搵暑期工
去到水坑尾個間7仔
原個到個個阿E係老媽子以前既工友@@
好彩識人先有得交FORM試下炸
不過未夠18歲搵暑期工都幾煩下
又要健康証明,又要家長信
星期四就交左FORM上去啦^^
佢話應該一~兩個星期應該會有回音
但係到E+已經六日啦仲未有電話來
咁睇來我都係要留係屋企做二世祖+宅頭架啦T^T

話說今日月尾好似會到我地尼個年歲層派錢~
原本諗住有暑期做的話7月尾會跟D FD去HK個個動漫節架
不過睇來E+要靠特首爺爺派個D錢去啦T^T

另外呢另外呢
係淘寶睇中左隻戒指
同NANA既娜娜手上個隻一樣架><
叫個阿哥幫我買佢又推三推四推到差唔多星期六先肯幫我「睇下」...
激死= =