係係..佔篇數用...
由於要等6月6號考完試先有得再玩電腦(E+係偷偷地上,所以無時間打字啦T^T...)
所以預早講聲
廢事有人以為我放棄左..
雖然無人睇但係我都會繼續的= =

尋日有少少野做所以遲左一日更...唔好意思~
話說今個星期有四日假
但係都忙到死
得個星期四稍微得閑少少= =
星期四留係屋企打機所以基本上都無野做
星期五出左去遊戲展
但係根本都無野睇既= =
佢個到有份參展既ONLINE GAME我都無玩(除左女神,但係已經放棄左)
又無特別嘉賓表演
同JASCO行左10分鐘就走左,悶到爆= =
跟住差唔多5.30左右某W無啦啦打來叫我去亞洲玩DJMAX
但係佢去到玩左一局就完全放棄晒
之前仲話自己有幾中意玩添~~
挑~~不外如是~~
跟住星期六返左學校參加奪寶奇兵
行到腳都斷
第一站係去慈幼個邊既「聖老楞左教堂」
都唔知咩來既= =
好彩中央有世遺地圖
行左半鐘終於到左
第二站係八角亭
由於距離唔係好遠所以一陣就到左所以無咩好提= =
第三站係「澳門回歸賀禮陳列館」
聽個名就知唔會係好野...
根本連係邊都唔知= =
好彩我電話有得上網查下先知係文化中心個邊= =
然後個站竟然要返YW= =
激死..好彩KEN IP CALL左佢阿爸來車我地
唔係的話真係腳都斷= =
最後一站先到大炮台..
真係激死..點解唔一早就比我地去左個到先阿....
跟住返到粵華報到先算完= =
不過成績可想而知= =
跟住個晚去左同水魚慶生~
去左皇朝個頭唱K
足足3點先走到(AM= =)打錯打錯....改正返@@
15人食左$2100
之後因為有兩支「黑牌」無開到所以可以退錢
後來先知一支成$298.......
註1:期間有某神秘人物參與..不過按照佢意願唔講得出來,所以..
註2:草莓係全場唯一一個飲醉左既人,醉到老媽子都唔認得= =
註3:我同新苗哥係全場唯一兩個全晚滴酒不沾既人,強悍吧= =

係係~~
破產既一個星期..
皆因沉迷玩DJ...
今個星期除左六同日兩日落雨無出去之外日日都走去亞洲打機...
真係罪過罪過.....
玩左差唔多我成日月零用錢..
痛死我啦T^T
不過都好彩有少少成績.
不過當然係係打機方面= =
有好多首歌都係我個名第一架XD

左邊係部機個樣,中間係我張ID CARD ,右邊......機名...

轉回正題....
打擊太大啦今個星期....
地理得48分....
英文拉埋又唔合格.....
歷史仲要55分..
話就話改正有分+..
但係仙姑比唔比埋個小小分都係一個大問題T^T
然後星期五又受傷不淺.....
好大打擊阿今個星期...
然後因為平時唔放假就無得打機
結果我上個星期六DL晒星戰-複製戰紀落來
聽講尼套全3D卡通真係一集都有血有汗
一集製作成本成幾十萬(好似係以美金計...)
咁大製作無理由唔睇掛
點知一睇就不得了
正到唔知點形容......
為左防止下星期「鬧饑荒」
所以今個星期DL左「續•夏目友人誌」同埋「魯路修R2」來睇= =
不過好在星期四就開始放四日假所以都唔多擔心今個星期會有饑荒XD
仲有好多功課未做阿..
九條三角題
五個英文EX
兩頁大字T^T
做功課去了..
今晚鐵定手殘了...

上個星期中測所以成個星期無得打機=口=
經過一星期半奮戰狀態
然後成績估計如下
中文實合格
英文7成炒
代數三角100%合格
地理70%合格
會計有危機
經濟唔會低於70分
歷史應該無估錯都係炒
其他都無咩問題
然後星期六冒雨出街
走到去M記會合某兩個人
之後係到坐左成粒鐘
我都唔知坐係到做咩
然後某人又來埋
跟住出左發去佰八伴
個到無左地方打機好鬼悶阿
但係好似唔係7定8層
但係每層都好細
總括來講就及唔上舊趾啦~
就咁行左差唔多一粒鐘就走人囉
然後去左金隆食野~
當日某仁兄同我講亞洲個到出左DJ MAX街機
然後今日就去左玩
估唔到第一日玩就做左散財童子= =
4粒鐘就散左唔記得70定80蚊
勁肉赤...
不過都值得既~
因為真係勁好玩~~
直到我走個陣為止
我都仲係見到我總分排名係就部機第三名(NORMAL MODE)XD
E+諗住等五月一出ID CARD就買張來用~~
因為太正啦@@
從來都無一部街機令我有動力長玩XD
可能長時間係機鋪
D音響超勁= =
搞到我7點返到屋企個頭勁痛..
所以唔打住啦...
休息下先.....

下個星期二開始要中測啦
應該都幾忙下
到目前唯一確定左既係.....
聽日開始無得打電腦啦T^T(詛咒某禁我打機既人ing....)
要到中測完左先有得打啦..嗚嗚....
由於係測到星期六最後一日
所以下次上網要等到18號先有得ON啦T^T
無論邊個都好...
得閑就搵我出去玩啦T^T
中測期間照樣奉陪阿=口=
雖然下個星期無電腦打
不過仲有偶的小P係我身邊XD
上個星期一早預左會有唔打得電腦既情況架啦
所以一早入晒貨~~
DL晒D動漫來睇啦XD
例如《瑪利亞狂熱》
小說就有《涼宮春日的嘆息》
同埋《涼宮春日的最走》XD
如無意外下星期仲會買多本
應該買第六期《涼宮春日的動搖》XD
E+除左小說第6~9(姐係三期)
其他已經齊晒
漫畫目前出到第六期
估計遲下仲會買埋《小涼宮春日的憂鬱》
四格爆笑漫哦
強力推推推推薦XD
又係時候再見了T^T
下次就係18號啦Orz