早上做義工, 去幼兒園同d小朋友玩, 同埋帶佢地派揮春~
每個義工拖住兩個小朋友, 我拖住一男一女, 佢地好得意~
派揮春俾陌生人對小朋友黎講其實都幾驚, 派到一張都好叻仔啦~
其中有兩個小朋友舞獅, 1個打鼓, 個獅頭同鼓比正常size細好多,
佢地係咁兜圈, 又向我地鞠躬, 好搞笑~
玩遊戲最開心呢, 佢地玩得投入, 我地睇得開心,
最後我地影番張大合照, 就走喇~

晏就同fansh去行花市, 其他人都黎唔到, 有d可惜,
不過仲有好多個新年可以行, 實有機會一齊既!
今次差唔多行哂成個花市, 勁興奮~
買左d野食, 一個揮春同埋一個震震士多啤莉cushion~
阿媽話個cushion唔抵blablabla, 唔買都買左啦~
呢排真係成個二世祖咁=P
多謝神保守天氣, 無落雨, 而且人唔算多, 感覺好舒服~

希望個個身體健康, 因為呢排好多人病~
仲有𢭃多D利是~

2:00 去柴灣檢查脊骨, 3個禮拜後會有結果, 姑娘話嚴重既要照x光, 嘩, 唔好呀~ 最多我聽話, 日日做半個鐘伸展運動同飲奶啦, 雖然唔多鍾意飲奶.....

4:35去補acct~

返屋企之後又煲綠光森林, 仲有兩集半到, 留番聽日睇~ 究竟蘇菲會唔會死呢?好想知!

聽日去行花市, 初二去澳門玩, 好耶! 呢個假期都幾好呀!

早上返崇拜

晏就同崇拜既組員食lunch,
d男仔食得勁快, 4個人食3個飯, 散左同敏敏行左陣
番屋企個陣超塞車, 企到有d唔耐煩, 後尾好在有位坐, 仲訓著左~

同阿媽去買野, 阿媽買唔到褲, 我就買左對boot~>v<
終於買到啦~ 好想快d係新年著! 

呢排係咁煲劇, 綠光森林, 超好睇, d主角雖然唔出名,
但幾靚, 尤其係susan, 可惜佢係做奸角, 幸好佢都做番好人~
幾個主角都為左遵守小時候既約定而番黎, 實在係難得,
而家既人好容易會對曾經訐下既約定無信心, 怕只是自己傻,
相信人地會遵守承諾, 寧願逃避或者忘記就算,
但主角們都好單純咁相信, 呢樣係好難得既~

返完半日學就返屋企訓左陣~
其他無整board既都要留低清潔, 我唔洗~
好想知邊班得獎?不過無都唔緊要架, 對得住自己就得啦~

原本去3e個gathering,
最後都無去, 真係唔好意思, 難得有機會都無去

跟住我同dogdog, 花花姐, 蕃薯, 波波去左 apm
睇了cj7, 好感動, 有d眼濕濕, 估唔到周星馳都會拍d咁溫情既戲
好開心睇到呢套戲, 好值得睇呀~
隻外星公仔好得意, 個'靚"仔好好戲~
最估唔到係仲有個"靚"仔係女扮男( 除左主角)-o-

跟住去food court食野, 勁多人,
隔離枱個bb(仔/女)見我地成日望住佢, 佢就理埋係媽咪背脊後面,
跟住佢媽咪即刻同我地講, 係人佢都驚架^^"
後尾個bb唔知點解喊, 不過唔係我地整喊佢~=p
點解我地次次去親街都同d bb咁有緣既?哈

行行行, 運吉運到10點幾左右就返歸喇~
finish! 

成個假期得13日, 每科都有功課做, 咁仲得了既?想做死人咩
雖然話今年唔番大陸o者, 但係都想鬆下架嘛,,,,,

angela & vivian生日快樂!
未有機會正面同你地講, 唔知你會唔會見到,
但總算表達左我既心意~

今日tine tine+suzanne一齊返我間教會, 好開心~
途中有人唔小心踩s, 希望佢整得甩d黃金啦~=v=
講道係悶d既, 事關係差傳月, 同係大堂講, 未必完全岩我地聽~
tine一眼就望到曾sir, 我好多時係教會見到,
所以都見怪不怪lu, 仲記得佢之前講道既情形真係
跟住我地係到笑某個係台上唱歌既男仔, 佢唱得好肉緊~
同你地返好開心, 希望你地會繼續返啦, katy同poki黎埋就veli good喇