今日係open day，我就點都要返去幫手架啦∼

8：30返到去，上到去，冇人，但播緊音樂，即係有人返左啦∼等左陣，pamela 梨左，司徒嘉恩都係。過左冇幾耐，d小學生殺到上梨啦，唉∼真係無聊啦∼d 小學征問梨問去都係o個條問題，d 花真定假架？有個人仲o係度同我地argue添，話d花一定係假既！跟住有d人仲o係度摘葉添，仲問可唔可以摘朵花！我果陣真係勁無奈呀∼仲有d人係好市儈既，一入到梨就話，有冇禮物架？咁梗係冇啦∼插花班可以有咩野禮物o者。點知佢即刻走人，望都唔望下！我記得有個人問我，d 花假架？咁我梗係答真架啦∼點知，佢同我講，哦∼真既假花∼哇，我真係俾佢激死呀∼好，佢要咁講嘛，我就回返佢一句，係真既真花。睇下佢仲點駁我！ 跟住有一個人，我真係好欣賞佢架∼佢係一個男仔，但竟然佢知道既花名比我地仲多！唔知佢屋企係唔係開花店既呢？仲有一個人令我有d感動，佢又係男仔，但竟然對插花有好大興趣，其他同學都走啦，佢仲o係度研究緊d花，跟住走o個陣仲好唔捨得。 成個上晝都好多人梨，仲有我既母校添－－胡素貞下晝班。我見返好多好多以前既風紀，真係好啦∼仲有人記得我個名∼ 陳敏兒一見到我，仲攬到我實一實。跟住又見到梁藉文，李詩敏，譚靄喬，李家麒，黃青慧，好開心XDDDDDDDDDDD 。下晝就冷清左d，冇咁多人。

講完d小學生又講下d leader啦∼唉∼我對佢地真係又愛又恨。愛既係，我感激佢地會帶班小學生梨；悽既係，佢地梨左唔夠30秒就帶人走。仲有一個leader，佢都唔知咩野人梨架，d人話睇完啦∼佢仲叫人睇多陣，又話d花幾百蚊一盤，好矜貴既！佢真係嚴重誇大失實，我地最貴盤花都係百幾蚊，邊有佢講得咁誇張！

晏晝食飯同vanessa，elke & mei~櫻去左美心，我本來唔知細妹原來會返學校幫手，如果唔係mei~櫻講起，我真係唔知囉∼食飯果陣見到陳嘉健，黃家晴同梁嘉誠，原來梁嘉誠都有返梨幫手，跟住食完飯仲睇佢打左一陣波添∼係wor∼講開陳嘉健，佢原來係leader，見到佢果陣又同佢argue左兩句，真係見親佢都冇好野.........

open day都算係學校既big funtion，而每次都一會見到一個人－－杜展維，今日都唔例外。朝早佢應該係幫排球組，但下晝唔知點解佢會做左leader，所以就係插花班見到佢，咪同佢傾左幾句囉∼

走果陣又落大雨，好采黃悅儀遮埋我，但落車後都係要淋雨，但幾好玩呀∼^0^