|
今日發生左好多野，等我慢慢講出梨啦∼
今朝起身好大，好大雨，諗住等d雨細d就出門口，點知落左樓又大雨返，冇計啦∼都要返學架。咁我一直行，沿路一直望住個地下，點解？因為我上次唔小心踩.......死左.........一隻蝸牛
 ~~~~~我唔想再濫殺無辜囉。雨越落越大，但估唔到會有少少水浸，去到溝渠邊，d水去唔切，浸到腳跟位，我又脅留意，踩左落去，濕晒∼
 。去到巴士站對面，見到80K，梗係去追車啦∼追到成身濕晒，真係名符其實咁變左落湯雞(-_-")。
上到巴士，冇位坐，企囉∼巴士過左河之後，我突然覺得有d野係我小腿道，以為係蚊滋仔啦∼諗住撥走佢，回頭一望，竟然係一隻Live big terriable Cockroach~~~~~~~我好驚，即刻踩走佢啦∼發現佢原來好大隻架(有一個正常人既食指咁大隻
 )，佢係架巴士道走梨走去，其他人都怕左佢，讓路俾佢，但佢行行下又返返梨，爬左上道門道，哇∼佢真係好勁架，爬到上門頂都唔跌落梨，係果到停左，唔郁，我諗其無路行掛，因為見到佢d腳扇扇下，應該係搵唔到落腳點(
 ，都唔知點解突然間對cockroach咁有興趣)，唉∼經過十分鐘既驚險車程(都唔知點解今日架巴士行得咁慢)。
終於返到學校la~我一入到班房，brian就同我講maths exercise果d錢被人偷左，我聽完之後第一個反應係"關我咩事，唔係要我地夾錢嘛！"係男班長將d錢放得唔好，先會俾人偷到，邊有人會將d錢放係紙皮箱，然後將個箱就咁放係班櫃上面架，實俾人偷啦∼跟住班男仔走左落去搵大馮sir，大馮sir係geog堂上梨查，搞左半堂有多，都仲係未搵到小偷，所以就要我地夾錢填數，haha~我冇夾，因為我冇錢囉∼
Home e堂交左apron & equipment drawing，drawing 有A 呀∼仲被miss chan讚添∼
 。而apron就未知幾多分，不過都係A架啦∼嘻嘻∼第二堂home e 冇上到，就落返去課室，同嘉怡傾va d野。到左va 堂，原來唔使present，成堂係道搞d總分，平圴分。Yeah~今次平圴分高左好多，7.6分，上學期6.3乍∼va 第二堂又唔使上，又返左課室，問左ken借本history梨溫，都溫到少少既∼跟住就俾ken做緊既maths exercise既其中一條數煩住左∼由於黎sir唔俾傾計，所以我地就係到做口形梨討論e條咁煩既數，不過咁樣講野都幾辛苦，自己知自己講咩，但人地就唔明wo~黎sir成堂就叫左兩次王嘉誠既名，話佢係道傾計，不過我都冇理到佢lu， 但好似見到佢打緊機(猜測o者)。
跟住好快又放學lu~同關嘉怡一齊過左斑馬線，先記得自己把遮，咪跑返學校囉∼不過到我行返去巴士迴果陣，佢仲係度排緊隊，但係已經有810啦∼
今日好多野打呀∼好耐未試過打咁多，今日就係咁多la~(*^o^*)
p.s. 今日vanessa 冇返學，好似係病左呀∼(=︿=)
|