番埋今日就放復活節 lu ^^  好野終於可以休息下啦~~我等左好耐啦!

嘩!今日一起身心情特別靚!!第一堂~數學堂~今日係測方位角果d ~~

都幾容易下~~不過就唔係好夠時間用~~到中文堂~冇咩特別~

都係冇咩人聽書~唉!! 死得啦~~到左音樂堂啦>.<"

今次唱歌有我~漢~肥輝 !! ~唉準備到我出醜既時候 la!!

我都唔知唱咩好 ==" 之後就跟佳哥唱【我不會唱歌】...... 

一出到去超驚~~唱完之後都仲有少少驚~~補充番(我驚係因為唱得好難聽)

會比人笑架>﹏<" 之後到科學堂~~終於等到佢派卷啦~~好多人好高分~~

 好采都測得唔錯~~英文堂時間又到啦~~我見到 miss 個樣好似好嬲咁~~

都冇咩人敢出聲~~原來係我地d test 測得好差!!!~~miss 話得幾個合格~~

我心諗死得啦!!今次又要"肥佬" 好采我啱啱合格~~我諗我都幾有運仔喎 ^﹏^

不過唔會次次都咁好運 = =" 所以下次要努力d先得>.<"

要同自己打打氣【加油呀!】之後miss li 就派默書同埋朱古力蛋~~終於放學 la ~

miss chan 就帶左1大袋唔知咩野入黎~~原本呢個袋裝左好多出奇蛋!!

每人有一隻~~d miss 都幾好人 哈哈 ^^番到屋企~~

我就食左粒朱古力蛋同埋出奇蛋~~都幾好未喎!!~~嘩!好野抽中左一架鹿車.......

今次係我咁大個仔以來第一次打日記 = =" 有d唔知點感覺 !! 但係又想留返d回憶~~

今日一早天氣都唔錯~~但都唔知做咩事,無啦啦一起身就好累,累到唔係好想返學~~

 我可能變懶左啦 = = !! 唉~我都已經好累~但第一堂仲要係社會堂~~悶到我抽筋~~

加上 miss 果d 吹眠曲搞到我好眼訓~~差d訓低 @.@ 己經辛苦中於頂到落堂~~

之後咁好天氣就無啦啦落雨~~真係天宮不造美~我本來諗住放學可以踢波開心下~~

點知.....唉  >.< 之後到 P.E 堂果時成個天都變黑晒,好似夜晚咁@@~~

無驚無險又到放學時間啦!! 一行出到學校先知道原來仲落緊毛毛雨~~

搞到我無晒心機~~之後返到屋企見到咁無聊就開電腦玩一陣(青外)~~

玩左無幾耐就被人組左~~就出左去睇(貓狗寵物街) 

= =" 睇睇下就訓著左~~咁就無無聊聊就過左大半日~~

死啦 = =" 聽日到我唱歌~~都唔知唱咩歌好!! ~~~

聽日既數學同科學測驗要加油~一定要 pass~~~