今日一早 8:30 起左身 (唔想起 ... )
要同媽咪同兩個細老去換張回鄉證 因為就黎過期啦~ 今次媽咪都用左唔少錢 本來以為唔使錢 係果到影相成30蚊喎 我同大果個細老影左60蚊 但之後媽咪去左隔果到 仲平......平過我地影果到10蚊 曬左曬左
好彩~唔使等好耐就搞掂 等1月6號再去拎~ 到左10:30賭啦~去食野 本來諗食麥當當 就又未夠鐘喎 大家又肚餓 就是但去左間餐廳食野 我叫左五香肉丁麵 (好食~雖然有DD辣啦~) 佢地叫左餐蛋麵 同沙嗲牛肉麵 ( 我覺得好難食~) 同一碟炸兩 食完之後 大家仲叫左碗粥一齊食TIM~ 好飽呀~~
但果到個服務員 (個女人) 態度好差 初頭叫麵果陣 有野可以加 但我點知佢問我呀 係咁話餐蛋定腿蛋 ....過分 一定無睇劉德華個廣告~
跟住行街啦~ 但其實呢一次好悶~去左卓悅買左兩支潤手膏 仲去左開心廣場12樓 果個直銷中心到睇睇 好想買部MP3 或 MP4 但又好貴喎 不過果到無快譯通買 走人
搭車番去 去左頌富商場 到睇啦 去左商務 有啦今次~ 初頭就睇中左一部7百幾蚊既 但聽佢話有d功能係無 例如漢英番譯 去睇另一個 我叫個人拎左部 1 千幾既同9百幾既 咁媽咪就比左錢我先啦 叫我自己決定買邊部 咁我就當然玩下兩部野先啦 還掂個assistant都唔mind 9百幾果個有得番譯成日文 好中2啦 但好似比另一部唔係咁好啦 個螢幕又細d 最後都決定左買千幾果部 走走下 唔記得左拎番本雜誌 又上番去拎 跟住去左千年吏 買左份禮物送番比陳施穎 呀~~~~~送禮物好煩呀 又曬錢 其實我覺得送禮物姐係代表買野比自己 但又用唔著 只係擺係到 我決定左 唔再送gift比人喇 !!!!!
番到去我係即刻試下部野 好開心 呢部都有日文架 不過就無得自己打字番譯.....
到左5點幾6點 又出左去商場 (同媽咪啦) 去睇下d christmas 裝飾~ 買左一條green既.....?果d唔知叫咩
我叫媽咪同我一齊去睇潤唇膏啦 what sun 市 好貴呀~ 諗到去藥房睇 真係便d呀~不過成22蚊 but最後都買左啦~ 果隻好似係張柏姿 拍廣告果隻 ~
o~番屋企啦~ 天都黑左 好凍呀
食飯之後 整好份gift 之前話過織條頸巾送比瑤瑤 都包埋~ 不過我其實早就織完~
做英文功課 寫左少少 頂唔順 訓左喇 | 
