今日番到去 早會啦 上到課室 雖然唔想同佢坐 但無計 到左生物堂 好悶 但我都要比心機ten 唔想追唔到其他人 有dd時間 我係到諗 究竟我可唔可以搞掂呢一課呢... 星期四又話要測驗喇 上中文 默書 係默書之前 心情好差 點解 ? 我隔離果位姓鄭既竟然同我講 " 唔...美如呀 姐係咁呢 你有無興趣一陣默書大家參考咁呢...." 有無搞錯呀 仲過分既係 我話唔好果陣 佢同我講 "你識呀...?" 唔識就唔會一早收好d書啦係fa......好心啦 唔識就光明正大d啦 如果係咁 不如索性就唔好默啦 以前同我同班既 佢地都係咁啦 唔識唔默 不知幾"光明正大" 講真 我真係幾欣賞佢地架~ 同佢坐果陣 好似成日比人遺忘左咁 果個陳施穎真係服左佢 唔係好似既都去到嗲人圩 ten到我都骨 "被" 唉 世風日下呢~
夜晚 食左飯 我又係到諗野啦 我覺得自己上到中四之後 成績好明顯差左 比起以前 心散同唔多專心 但我相信呢d唔係全部都係我錯 但咁又點 如果自己真係做得好d 咁一天都光哂 但我就係無果種原動力
之後 我同媽咪講以上開問題啦 我話我想補習 好多次啦 結果都係得個桔 係呢一次 我覺得唔公平 我喊因為我唔可以補到習 我喊 因為我覺得唔公平 點解人地家境比我地差 都可以去補 仲有既就係 我既daddy對呢一件事好冷淡 媽咪叫佢比d反應 但好多次佢都粒聲唔出 到佢出聲喇 佢話叫我唔好既咁多電腦 係 我認 我認呢排花多左時間係上網 但都唔使咁講......
如果比我選擇 我真係寧願出生係d好嚴既家庭到 就算要我學呢樣果樣 我都無所謂 最重要既 係我可以讀好書 可能有人覺得我自己迫得自己太緊 但呢d都係為左一個目的姐........所以 有得補習但又唔去果d人 佢地真係好浪費......... | 
