今日 係呢個調位既日子 唉 雖然唔想調 但都無法 未調之前 諗住開心野果一段時間 諗住開開心心咁過
但個衰人盧錦堂就係到係咁畫我隻手 都唔知佢發咩癲 無啦啦拎枝筆係咁畫 我果陣真係無奈到咩咁 無即刻
縮番隻手 但之後佢愈黎愈過分 跟住我睇番我果隻可憐既手 點知 "片"體"輪"傷 連我自己都無眼睇......跟住到
左小息去洗手 激死啦 都洗唔到 剩番好多印呀~~>< 見到海盈 佢問我係邊個整我啦 佢估係熊仔 真聰明
但佢下一句話 " 唔係ma 熊仔好乖架喎 係唔係你整佢先呀..." = n = 有無搞錯 海盈竟然為左呢個爛熊仔而
話我 而係呢件事 我學到人世間係充滿險惡架 唉 跟住佢之後都仲唔放過我 ...... 一場同學 係唔係咁先 你
話呀 唔公平呀 係閱讀堂陣 諗住好心借本書比佢 唔該都無聲 仲話本野唔好睇喎 但我今日都有討回番公
道架 邊個叫佢令到我唔happy 我拎番把界刀再次恐嚇佢 但今次激氣得制 桔佢 呵呵 呢一之既恐嚇遊戲我
贏左兩句對唔住 呵呵 問你死未
調位啦 十分之唔期待 但個爛熊仔同我相反 我好差咩 下?! 今次調位我極之唔鍾意呀 我又要同鄭浩德坐
我好唔開心 差d係班到喊左出黎 開頭第一次同佢坐都無咩既 但梗係有d覺得佢怪怪地 調左同熊仔坐之後
愈覺得唔妥佢 點解? 佢好煩 上英文堂要交既野 咁佢未做啦 小息果陣 大大聲叫我 " 美如 ! " 咩事呀佢
問野都唔使咁架 而家同佢好熟咩 最過分既係 佢竟然叫我過去佢果到教佢做功課! 佢當我係咩呀 好唔中意呢
種感覺 好似我係佢邊個咁 我死都唔制 最煩係玉婷同茵茵 成日話我同佢咩喎 有好多次 我幾乎想鬧啊玉
婷 但都忍住 諗住過一排就會無事 但都唔係既 好炆呀我 我呢生人最唔鍾意既就係比人話同邊個邊個有d咩
關係 愈大個就愈覺得幼稚 調左新位之前 諗到頭先啊sir講隔離果個好似係佢 就好似一頭凍水淋落黎 都
唔知呢次同佢坐係唔係之前既一次調位有關 佢send過內聯比 miss 話想同我坐 好後悔果陣都話想同佢坐
番 跟住大家成班都齊齊坐新位 玉婷見到我地又一齊住 (好死唔死 佢同茵茵都同我坐得好近 ) 就好似話 "你地
又一齊坐呀 咁有緣既 " 最恐怖既係 我隔離果位話 " 都幾有緣架 ........" 我呀 當頭雞皮都起哂 嚇死我啦
仲有 陳施穎坐係我後而既隔離 我同佢真係同病相憐 一樣係唔想坐係佢附近 跟住放學啦 見到啊熊仔
我同佢講我好唔開心..." 佢今次好傷我呀 佢話 "做咩唔調遠d......" 無良心既佢 嗚嗚 ~ (佢坐係我 左手邊
既人既隔離 ..... 我吃醋 !! 因為熊仔比我既感覺好似我細佬 調位之後 心痛呀!!!~ (當時人見到我話佢
唔好嬲喎........呵呵) 唉 將書擺係locker陣 又見到鄭浩德 佢話我變左喎 我係呃 咁又點 之後o拿o拿
聲走出呢個開始令我討厭既課室 唔想見到佢 放學之後 打電話比人借相機 個個都無 唔借咪唔借lo 個個
都話無位影 使唔使咁呀 搞到我嬲上加嬲 ........ 跟住daddy番到黎 我即刻叫佢快d買 費是問人!!
跟住打電話果陣 打左比陳施穎 傾下傾下講到我個位 忍唔住 喊左出黎 雖然呢件係小事 但我都有眼淚出
證實我真係唔妥佢 流左十幾滴眼淚 收番d眼淚 事實 都無得改變 但大o拿o拿成一個月呀 點挨呀 雖然呢個
月係有假期放姐 但都唔知老師會唔會乘機等多一個月先再調 希望唔好比我講中 忍唔住 又同媽咪講 佢叫
我唔好理隔離果個 我會!!!
| 
今日 本來較左鬧鐘7:00a.m.起身 但我太過眼訓 到左about 8:00a.m.先至起
