今日起身 凍呀~ 諗住著件黑色褸番去學校 但又怕會熱 又要拎住 會煩 但又覺得著住好d 但係番學果陣唔記得左著呀~
番到去 原本唔使早會喎 都唔知發咩神經 見到winnie 一齊上課室 仲有講有笑 幾好玩呀同佢
上到課室 凍 見到曼怡唔著件學校果件黑色薄褸 問佢拎左黎著
驅上堂之前 我地班一齊練歌 都幾好
今日既兩堂視覺藝術係我上過咁多日以黎 最開心既一日 因為蘇少嫻無番 搵左個後生既姐姐代堂 話時話 佢都幾令女架~
到午膳 落去食飯 食完之後 見到曼怡 又再次慢慢地同佢一齊搭升降機 不過今之多左陳施穎同婉婷呢兩個乘客
不過咁早上去課室 都係為左個40分鐘既chem小測 唉 終於都測左 ~ 雖然有d唔係好識
但仲有英文默書 好煩 今次係默building 難呀~ 默果陣有幾個詞都唔識 鬼知d大廈名呀
到左中文堂 今堂係做功課既 但我都做齊曬 無欠交任何一樣 同啊玉婷係到玩 過分呀 用隻腳踢我喎 我個書包仲受傷tim so that 我同佢進行左一場激戰~呵呵 但我比佢整到果陣 又笑到出唔到力 搵啊熊仔求救 點知熊仔無良心 見我咁可憐都唔幫我 虧我仲對佢咁好 >n< 跟住同婉婷傾左一陣啦 我問佢我係唔係大膽左好多 佢都話係 雖然琴日我都有問下佢 佢問我點解會變成咁 其實我自己都唔知道 不過而家大膽左 人都開心好多 可能係因為同班既人唔同左 啦 無以前中一至中三咁大壓迫感啦~而家仲係同我一班既人可能會覺d 而朋友因為成日同佢地一齊 就無咁明顯啦~
係喎 睇左呢篇日記既朋友們~不妨講下以前既我同而家既我 對我既印象 最好就 直接d啦 我已經做好心理準備架喇
到左班主任課 我地齊齊練歌 我開始中2左呢首歌喇~都係多得曼怡~ 練完之後 一齊傾表演果日既野啦 初頭有人話個個都帶聖誕帽 但又有人反對啦 話要比多 d $$$$ 唔制喎~ 而我就無舉手啦 還掂都無咩所謂 咁呢樣就行唔通啦 then有人話拎住"立"燭 同螢光捧 決定左有d人帶聖誕帽 有d人拎"立"燭 有d人拎螢光捧咁 就有好多人反對 最後最後我地全班就帶聖誕帽同拎"立"燭 而兩個班主任見好多人都為左$$$$既問題而咩啦 佢地就話每人 出 $5 唔夠既話就佢地貼~哈哈~咁先係架ma~
返到屋企上網啦 去左eric既日記 點知.......><佢寫左我個花名出黎 仲將我比人欺負既過程講埋出黎tim!!!!!!!
| 
