今天番主日學..早了點..還是遲到..有得著..但肚痛..

之後完左比林sir點左搬bb車..但好彩有坦幫手..今天miss ho教..ok好笑..

完左有個簡單祈禱..之後一齊起名苑食...1點幾去左囉位..得我同樹熊..佢地1:35分左右先到..之後等到2點先叫野食=.=..

食到就黎4點..食完野同黃梓熊去篤波..呀mo同彭初初又好似話黎..最後都係冇黎...

得我同熊..咁就去..第1次去呢d較離既人度..總覺得怪怪的..但見佢都話起間房度人地又so妖唔到我地咁既野..咁就玩下..

1玩就係1個鐘多..今日收貴左成倍..搞到1人成57.5..好貴哩..但玩得ok開心..原來桌球ok難打..

回家後打機..唔知點解今天開始有壓力...但我總信神會帶領...

明天如何..我不知道..但我既然已經將一切交給神..包括我的一生..就讓神去管理..

或許我能讀band1..做高官..能改變世界..或許我讀band3..將來只係做個小角色...但願有神的同在起當中...

晚上..不知為何又痾又嘔..想必是我太晚睡又太早起身..仲打機呱...

但係同呀媽講我又痾又嘔..佢好似唔信..仲罵番我整dirty地方..因為我bath完整濕左d地方..

其實..在我心底..我好想有人關心我..面對會考..我都係想呀哥多d番黎食飯同訓覺陪下我姐..

面對放榜...我都係想家人有幾句安慰的話姐..

唉..點解好似一切都遙不可及..我睇住人地d父母為子女去參加講座..去計劃後路..點解我又好似冇...

老實說..家人可能想我成為一個強者..一個強者唔需要任何朋友幫手和支持..

,現實上..我會唔會真係有d咁既思想同走緊咁既方向...

但我真係唔想...一個人幾有權力都冇用...我寧願有班真心的好朋友陪我..可惜我又找不到...

今天..我多謝岳瑜兄..gary,家銘同支持我既朋友或主內肢體...

面對明天..現在我看好像是前路無光..不知如何..

但其實只有一個光的方向..就是跟著神..由神引導吧..

願我的會考放榜可以成為神所用美好的見證吧..

 今天早上玩了一陣就去左cell..

大家又討論左ok多問題..但是很愉快的..

發覺和一起研讀神的話..一起討論是甜美的..難怪詩人說喜愛神的律法畫夜思想便為有福..

之後完左..何欣彥去完旅行回來派禮物..我挑了一支樹木的鉛筆..多謝^^..

完左又回家玩一陣..之後團契..都是查經..又是美好的..

原來我果組好多人係讀中大=.=...

完左再回家玩= =...

 今天又是整天在玩..

自從做番自由人之後..好似好懶成日起home玩..

下午番左學校聽野..之後分組無聊到死..冇人理我..

借支筆都冇人肯咁..我都廢事再用字形容果班人..= =...我番唔到黎千奇唔好比我同佢地1間..= =...

之後完左有祈禱會..但是完來冇人準備..草草唱了些詩歌講了些事項就分開祈禱..

之後回家..

 今天早上至下午都是在玩..

下午下了去中心..帶埋最後1次組..

今日d小朋友有d唔係好聽話..有d可能會打架咁..

不過都順利過左...

呢次既義工真係就黎係倒貼..要自己比錢..但係有得去1次camp唔使錢..

同埋學到野..咁就ok啦...

 今天早上去左大家樂食個早餐..之後就番左公司放低d野..

正式辭左份工...

之後番黎..玩下咁..

晚上..有人叫我去祈禱會..

由於本身冇準備過..又冇通知家人等等原因..就唔太想去...

但後來都係決定去了..

感謝主..因為選擇神的事是神所喜悅的^^""

這keyboard相信起不久將來就會被扔..因為d打字果d符號亂晒..都一段時間了

 今日起身..玩左一陣..之後去踏單車..

由於單車店冇開..我就只好問方成泰借key..點知單車店開左

之後囉左車去搵埋佢地..就起行..點知一開始入錯波..去盡最快都係差人地好遠..

之後人地較番個波..但係部車都係唔夠人快..一黎我腳好快累..2黎人地架車好似踏1下就去好遠..我果架就唔得...

所以我成日都係比人孤立左...另外..我發現其實cpu的人都係好like唔顧人..

當佢地知道我架車行唔快時..佢地就拋下我自己一個..佢地有佢地沖..

仲要佢地沖完休息完我黎到就行..我就冇得休息..叫佢地聽到望一望又唔肯停....

來回都係咁..後來甚致我單車有事..都冇人理..結果我就慢慢自己踏....中途都係起度玩雙手放...呢d技術好彩仲起度..

之後回來打機..晚上語言都同人有少許吵架的火藥味..但都係以一個方法解決...就係忍@ @唔理人地岩定錯..忍左就算..

今日的事令我再次想起各家自掃門前雪..休管他人瓦上霜的說話...這情況很普遍...

面對呢個時侯..我不得不又有改變這社會的心志..因為世俗太亂...

我常在想..我是有這樣的能力去改變的..例如我會不理反對去拿錢幫助開發西彊..使那些人有書讀..生活好d..

但是我沒有權力..也沒有能耐去做上高官要職...因為世俗根本唔會讓任何清流進入...

我有點驚訝點解大個人d人會咁..各人只顧自己的事..也看不到別人對自己的恩惠...

近來..曾經有人問過我:點解你成日都咁好人..去就果個人(類似的說話)..這是帶camp時因兩個小朋友吵架我去和解的..

我很膽小..沒跟他說清是基督改變了我..

但是我認為我對其他人也有一樣的心..就是樂意去幫助..去付出很多幫人..

但點解大年紀既人就會話我錯..話我差..而小朋友就覺得我好呢?

記得出令會的那天..周天成跟我定了個一張紙巾我約定...

就是當有一天..我的理想..就是當了高官後去改變呢個社會..使世界可以更和平後...我會還100倍的紙巾給他..

雖然我也覺這個約定很無聊..但也可能是很有意思..

但當我而家冇權時比人咁屈機..咁我發現自己真係好自然有點自閉..即係都唔想同果d人講出心諗咩咁..

但我仍然好想有一大班能傾心事的朋友..

 今朝7點幾起身..之後玩左陣..番主日聚會..

之後主日學..放左冇同曄敏佢地食..同左方去食..佢呀媽請左我食..

之後去左圖書館..借左兩本書...

之後行番去幫手派單張..好熱..點知出去前就下大雨..

但都派左30min就收隊..感恩..派完冇雨..岩岩出去時又行好大聲雷又落大雨..

我覺得係一個信心的功課..

完左之後回家..同左個老闆講我唔番啦...

覺得好對唔住佢地咁..但係真係又有兩日既半日有野做..又唔係太想番..

講完可以話放下一塊心頭大石..

明天去踏單車..希望好天

 今天早上玩了一會就出左去食早餐..之後cell..

今天好快完左..之後大家傾下放榜..又為短宣祈禱..

完左回家玩一陣..番團契...完左之後去食左d野..回家再玩..

星期一又要番工啦..我真係好唔想呀><..

但係番多5日姐..仲有兩日係番半晝應該..

撐下去><><....~~

 由上星期日至星期四中午..我去左教會夏令會..

本身覺得入令會有一個好難接受的問題..就係個廁所好dirty..

對於好多人黎講可能已經叫ok..但對我呢d有潔癖的人真係唔易受..但感恩..總算過到又有得著..

令會有一個感慨..就係下年我地一班中五的弟兄可唔可以全部保留呢?聽見周天成的不信..真的很心痛..

他問過我理想係咩..我理想係做一個改變世界的政治家...我唔排除呢個世界仲有其他好好既領導人..但如果我做..一定多數事都以人民利益著想..致力世界和平..

或者大家覺得我好傻好自大..但人點睇我唔介意..呢個係我夢想..我覺得如果有一天人可以唔使讀屬世上既書..又冇貸幣制度..咁就唔會有太多爭鬥..

出令會的那晚..去了林sir家..由林sir出錢買了kfc..我吃了不少..但冇吃薯蓉--...大家傾下放榜的事..

我覺得運生bb講得岩..早兩年同遲兩年出去都冇咩所謂..係信的始終會信...希望我也有這麼美愿的見證..

7月25日

今日早上一早8點幾就落左去中心..等埋d小朋友就去麥理浩夫人度假村..

d game唔夠time玩晒..但係一切都ok順利..感恩..

d細路仔唔知點解好鍾意痴住我- -...明明1個導師帶2個小朋友..而家有d似我1個帶5~6個咁- -...好辛苦..

上午玩完game..下午食飯後去玩d康體活動先好番d..因為只係玩下足球機..之後佢地打乒乓球我都係陪左佢地一陣..

而起果段時間由於果麼有個卡拉ok房..有d導師叫埋我入去..咁我就入左去..感覺好似有點失見證..但可能果度唔係好似其他卡拉ok房咁雜..

只係有d人幫手play d 歌比人唱..所以我就坐左起度聽算...其實咁樣可能係避開班小朋友唔使比人煩的好方法..

但係好景不常..d細路都識入黎..結果- -...真係發覺無處可避...

之後玩完3點幾回中心..回家時撞到呀媽就去食野..之後回家打機..

感覺上好似成身有少少散咁- -....

 今天早上起身有點唔想番cell..真不對..因為起身都9點15分..

但係懶床一陣都起9:20~9:25起左身..bath靈修完..一路食野一路玩左陣電腦..

之後番cell..感恩..今日有件事就講到熊仔的經歷..從果時我的回覆比佢都令我同樣吸收到我回覆果句的精神..

就係呢個世上有好多野我地係唔知..都唔需要去知(類似)..因為係講到佢想知番d潮流去update自己對品牌果d令佢能入番佢朋友的話題圈子中類似..

令我都覺得..呢個世上唔同人識好多野..身邊的朋友識咩勁咩唔使去妒忌..更不用去追趕希望追上他們..

而且好多唔係我地應該做既野更加不用去like..好似好多人like打麻雀..在我而言是並無需要去做..有時間多充實自己..即使係研習下兵法也是一技之長..

完左回家打左陣機..落去買左個mcdonald食..之後去左做義工..就係兒童導師..

今日的小朋友比想像中難應付..我一向覺得有時要我要去講野係有點難..特別係無啦啦打開話題..感恩..今天好順利令大家都幾like同我玩..

只是一些小朋友都難應付..只傾了少少計..好在不是我組的..但見佢後來都開心番..

只是我太不懂去罵小朋友..佢地有點不受控制..下次要有技巧令佢地聽話最好..

今次的經驗我覺得對我人生話講係一個新嘗試..都係一個好難忘又應該都會有用的經歷..

黎緊星期五會帶佢地去麥理浩村..希望到時唔好有咩阻滯或者有咩意外發生..

明天去camp了..希望心志上更專心..但令我最不開心的是..那bathroom和廁所很dirty..

雖然我們不應因呢d野受困擾..而且都唔係話講到太恐怖..但係我潔癖越來越嚴重..我希望我頂得住..