頌少的日記
池　　池　為驚唯　　寒萬問庸　　赤自慧問　　池　知一萬他
中　　中　盼世嘆　　窗般君才　　壁此眼君　　中　識生般朝
龍　　龍　一才淺　　苦知若何　　一聲割功　　龍　縱心終君
   　　，　生能水　　讀識無以　　戰威分績　　，　然血歸體
   　　池　臥無困　　二終豫成　　驚漸三誰　　池　千又如也
薛   　中　龍人蛟　　十歸州英　　天趨天與　　中　古何塵相
頌　　龍　中問龍　　載空事雄　　地隆下共　　龍　頌用土同
斯　　，　。，。　　，，，？　　，。，？　　，　，？，。
 
sitcs : 個人主頁 - 相簿 - 訂閱  [ QOOZA - 論壇 - 登入 ]
sitcs
暱稱： 頌少
性別： 男
國家： 香港
地區： 大埔區
«‹ June 2015 ›»
SMTWTFS
123456
78910111213
14151617181920
21222324252627
282930

好友名單
2008 年 7 月 19 日  星期六   晴天


說故事 鬱悶 分類: 未分類

 今日早上飲茶..回家打機..下午釣魚..

釣魚時很不開心..原因好多..首先自己冇帶剪刀..咁人地唔like都岩..

之後問個呀叔借剪刀..反應係好串咁問番我地冇帶咩..借多一陣仲唔肯借..我心諗借你唔還咩?= =..不過現代人是自私的..

之後方成泰話我知條毛巾吹左落海..咁我又有潔癖..佢又唔幫我整蟲..只好自己好辛苦咁整..

釣得兩條泥鯭仔..1次起雙飛..之後真係唔掂..好大風..有點吸唔到氣feel..頭有少暈..加上釣得唔開心..叫方成泰幫佢又好似有打死都唔幫的態度..

反而一d外人無啦啦行黎幫我拆魚咁..= =真係心都灰晒...之後話左唔舒服走..正常都應該問侯下有冇事呱...

點知佢第1句講左d類似係問我有冇帶錢出黎..即係要我比錢- -...大佬呀..唔舒服到死下死下仲只係識睇住自己既利益- -..

之後一個人回家..話比呀媽知唔舒服..結果比罵..因冇叫午餐叫佢整d野食..又比人罵..之後就只好食杯麵..之後打機..

今日的事令我反思到朋友的定界..朋友有很多..有好多都係不過是能共富貴..要是能找到1個知心能有事時幫助的卻不容易..

自問朋友有事我一定幫手..咁有睇見某人mouse問題都即刻去話借比佢..雖然唔係話自己顯叻..但係自問咁待人往往人地就會用相反態度待你..好無奈..

今日的事..我不想再說..我的心很灰暗...我想講一個故事..故事開始係咁既:

我同kelon係一對好朋友..我地相識左已經20多年了..自小以來..kelon都是我的好朋友好同學..也是我成長的同伴..

kelon是一個很有才幹的學生..不論在學業..體育..音樂等方面..縱然他不是全班第1..但也是我遠遠不及的..

kelon待人很真誠..朋友有事..他總會挻身而出..記得自己當年也是因為他挻身趕走欺負我的同學我才認識他..和他做好朋友..

由小學至中學..kelon都是我的同校同學..但是kelon上了中學以後..雖然仍保全著這個個性..但身邊的同學對他卻非常不友善..

他們一次又一次的攻擊...令kelon的性格慢慢改變..與他一同成長的我..看著他由見義勇為..活潑的性格慢慢變為沉默..悲觀的個性..

我知道..我知道kelon很有才能..只是..他的才能並得不到人的認同..人們總是去埋沒..去嗤笑他的才能..

我的心傷痛極了..身邊的好朋友面對著困難..而我卻沒有能力去幫助他..

隨著年日的洗禮..kelon變得很靜很靜..他彷似已經不想再理會任何人似的..但我知道他仍然把我當作好朋友的..

至少..在我需要幫忙的時侯..他還會作出一點點的綿力..只是..當他有任何需要時..他已經再難以接受別人的幫助以的..

大學過去了..在社會工作中..我很快被升調作ceo..這時侯..我知道..kelon是有實力的..只是差一點點的信心..

我鼓起勇氣的問他說:你可以來幫我一起管理公司嗎?

還可以的..你知道我們是好朋友嘛。kelon勉強的答應著..

隨後的兩年..kelon帶領公司的業績翻兩番..因此他也成為社會上公認的成功人物..kelon終於再次充滿自信..

他走過來..握著我的手..但我們並沒有說話..因為..一切已盡在不言中了..

故事講到呢度..kelon雖然失敗過..但他有真心的朋友支持...反觀自己..在世人方面難找到一個好朋友..

今天我曾經很灰心..我想我自己最需要的是甚麼..是在我失意時會支持我的好朋友..

是在我落淚時會安慰我的家人..但為何朋友我不見有..家人..家姐在外國..呀哥又搬了出去..父母又好像不了解我..

但感謝神..因為神已經賜給我最好的了..因為神是我的父神..也是我的朋友..

發表時間：2008-07-19 01:24 AM  [ 訪客留言(0) ] [ 編輯日誌 ] [ 分享至FACEBOOK ]  


2008 年 7 月 18 日  星期五   晴天


ok的 驚訝 分類: 未分類

 今天早上..食左野就玩一陣..之後去見校長...10點45要番到去..點知我12點幾先見= =..

幾min之內出番黎..校長講左句:我同你平時都可以傾到...聽到之後令我而家諗..咁叫我回去做咩姐-_-..

不過佢帶出我信主後都有很大改變..我好開心..只是有點事還要改..例如訓覺...其實我不能完全把責任賴在藥物身上..

中六我一定要戒左食藥...咁上堂就冇咁易訓到...但係校長提到有人說我亦正亦邪..這說法令我反思下d野..

不過對於呢班"同學"..我有時真係灰心到覺得講咩都冇用..反正他們早已看我是廢物是垃圾..真有想讓他們一直誤會我,小看我吧..

完左之後搭車回家..回家前買左個大家樂外賣..坐起度等果時..有兩個呀婆聊我傾計..

無啦啦有個70幾歲呀婆問我咩叫屈機..咁我就解啦..之後又問我咩叫o咀....我做埋出黎...我真係比佢地搞到有點o咀..

呢d真係活到老學到老..同佢地幾好傾..佢地話我好斯文仲猜到我想做老師...當時我心中有個膽怯..

但最後仍然說出我這樣是因為是基督徒(好似講左類似野)..但有唔係好夠膽直說的感覺..真不對...

之後回家..天龍維修緊..咁就食埋飯..bath完..寫左首詩..

今日幾左幾首詩比文家銘評鑑下..因為都想學下作詩..其實我都好like作文同作詩...

但係有1首就係內容上下闕不接..有1首就係用字較深難明..仲有1首係好像打油詩..因為全押韻..看起來很搞笑..

今天決意放果幾首詩上來..如果邊個想作一些中肯的評鑑..我會接受的...

1.  殘存既是已無路，兵敗何以如山倒？
     願比天翔百樂鳥，此生無怨亦無怒。

2.  天涯霜霽寒霄夜，欲語還休幾迴車，
     偶爾新亭思雨時，離愁別緒倍交斜。

3.  池中龍，池中龍，
     為盼一生臥隆中。
     驚世才能無人問，
     唯嘆淺水困蛟龍。

     寒窗苦讀二十載，
     萬般知識終歸空。
     問君若無預州事，
     庸才何以成英雄？

     赤壁一戰驚天地，
     至此聲威漸趨隆。
     慧眼分割三天下，
     問君功績誰能共？

     池中龍，池中龍，
     知識縱然千古頌，
     一生心血有何用？
     萬般終歸如塵土，
     他朝君體也相同。

發表時間：2008-07-18 12:44 AM  [ 訪客留言(0) ] [ 編輯日誌 ] [ 分享至FACEBOOK ]  


2008 年 7 月 16 日  星期三   晴天


同學聚會 愉快 分類: 未分類

 今天差唔多成10點先起身..靈修完bath完去玩左陣食早餐..

12點左右番到黎..之後打機去到5點幾..就出去..

今日5a搞左個班會活動..去到都唔算太出聲..燒下野食..我發覺我沉默左少少..

之後燒完玩左陣game..再去食糖水...

都ok開心既...發覺自己忍耐力多左..

唯一不開心的事..同學的態度冇咩變...仍然是永遠小看我...

即使是不知道或很難比較的事..開口第一句總會罵我是廢的..

不過既然習慣了...也要學會包容..那就算了..總有一天他們會知錯的..我深信..

我仍然堅持不論他們做對我多大傷害的事..只要有一天他們肯真心對我說句對不起..我還是能接受的..

即使不講..我也希望我能學會無私的原諒...

發表時間：2008-07-17 12:35 AM  [ 訪客留言(0) ] [ 編輯日誌 ] [ 分享至FACEBOOK ]  


2008 年 7 月 15 日  星期二   晴天


55 愉快 分類: 未分類

 今天早上跑左轉商..起身去食左早餐..回來睇埋醫生..

之後番黎玩左好耐..下午再去食野..

食完上黎玩一陣就肚餓..又食野..希望呢種暑假生活可以relax下呱..

明天又去bbq...好熱氣..=="..

評不單國

今日聽收音機..發現左一個地方好特別..就係不單..

聽說那裏可以出街唔關門..冇妓女冇煙賣..而且仲可以唔鎖車同埋有1樣唔記得左係咩..

仲有果度唔計國民收入..只計幸福..唔通呢個真係人間仙境??

人總是生活在權力鬥爭中..我們身處的社會..要是你是一國領導人..那麼你一定要為國家盡力..

去增加國民收入..然後擴充軍隊..再去攻略他國..呢個係必然之爭..

而家話咩和平..就算唔係表面既入侵..經濟..等事上..都已經係一個兢賽..

但係呢個國家好成功..而且連旅遊都唔係太比人地入..可以話係我理想世界既地球版...

究竟我又岩唔岩起果度生活呢??以往祟尚權力的我...其實背後咪又係希望有這樣的生活..

發表時間：2008-07-16 12:52 AM  [ 訪客留言(0) ] [ 編輯日誌 ] [ 分享至FACEBOOK ]  


2008 年 7 月 14 日  星期一   晴天


不錯的 愉快 分類: 未分類

 今天早上..由於何b不去圖書館..所以我都冇去..結果同家人去了飲茶..

近來不知怎的..總易於肚痾..又咳番..看來又要看醫生了...

回家玩了一會電腦..無無聊聊的...等何b食完飯回來又玩了陣..之後出了去釣魚..

還以為有單車會舒服很多..但原來踏的路程不太長..雖然那裏步行約要30min..但我期童差不多全程也是踏去的..

今天釣了好些魚上來..都不大條..但方成泰最後走之前無故的中了條大魚..起初還以為卡石..行了行久和持續了很久..

當時我心中有個不太好的想頭..就是妒忌..但很快比打消了這個閃過的念頭..也許我開始學懂了去放下和謙卑的功課..

當我想他會釣條石斑或特別如立魚的時侯..可惜釣上來的是條估計1公斤的大泥鯭..後來影了相就走了...

回家後..我也是玩下電腦..看看電視的...近來不太用番工..在這件事上我覺得很對不起神..因為我在岡位上沒太盡忠..

但我對那份功真的有點厭倦..雖然待遇很好..但有時幅射也很大..直落的工作令我不易接受..最慘的是好像學不到太多東西..而人工也是..

但我不太計較人工的..現在..我期待著義工和青年大使的工作...這些工作我認為我學到更多東西..也能幫助別人..希望我還不會半途而廢...

評放榜

近來..身邊很多朋友不斷的對我說我能入回cpu中學..對於這些說法..我認為是無需要的..

我深知說這些話的背後有不同的原因..要是真心的鼓勵..我多謝他們..

可是總有些朋友..成績明明是比我好上一大截....卻說我會拿很高分而他們入不到...

對這樣的話..我聽起來就像一根刺的插在我的心窩裏...

究竟是特地令我難堪呢?還是在諷刺我呢?

其實..前路如何..我們並不能知道..何人能說自己肯定能回原校..何人能自誇呢?

近來..神又給我再看回一個我彷彿忘記了的想法..

就是當自己面對人生低處的時侯..自己的看法是怎樣呢?

很多人會認為是運氣不佳..又或是自暴自棄..

但神給我記起的是..當自己看自己為無有..在數學上是0的時侯..即使有一點點的恩典..

如在0上+1後..也能知足..只要不看自己以前定在50或以上才是美好的..

因為人要是為自己定下何為追求上的滿足..不過也是虛空..不如接受自己的無有..讓神的恩典顯大...

面對放榜..曾有弟吧姐妹問道我緊張嗎?老實說..要是一點點的緊張也沒有..那也不太可能吧...

但是我心想..緊張會有用嗎..既然思慮尚且不能令壽數多加一刻..何況這分數..

人生不應局限於部分..書中也有教..當放遠點來看..會考在人生的路途上不算甚麼..

成功和失敗也不應用這麼兒戲的事來定斷!

發表時間：2008-07-15 01:16 AM  [ 訪客留言(0) ] [ 編輯日誌 ] [ 分享至FACEBOOK ]  


2008 年 7 月 13 日  星期日   晴天


新改變 愉快 分類: 未分類

 由於本人覺得如果只記述個人每日發生之事實屬過於膚淺..並因以前的排序過易混亂...

因此本人意決由今天起把日記分開兩部分..1.記述個人當日所發生之事和感想 2.對某些事的評論和看法..

本人強調..如果不喜歡看的人可以不看..但本人只會接受善意批評..對一切惡意批評將不加理會或作其他途徑追究!

今天是我的大日子..早上居然9點半才懂起床..結果很晚才回到主日學...

有件感恩的事..就是琴日bbq執野跌左本聖經..本身諗可能留左起燒烤王..要打電話去..

點知起問人電話時..人地話我知浩銘執到..原來係我跌左起佢個書包到先岩..

最感恩的是是我祈禱後才得著..因為唔見聖經真係好唔岩..再者有個唔好的想法是本聖經新買..用了書卷也花了115蚊..><..但真的要感恩..

差不多完才知今天是祈禱日..可能上星期聽過唔記得...結果我都有留低..但就用了1點時間去大解..因為實在肚痛..

1點15~2x分左右走左..回家吃了東西..上網30秒斷1次線..激死..只好帶著無奈的心情出門口..

呀媽陪左我去九龍塘歌和老街個pe館..因為我今天乒乓球比賽...4:1x分才去到..不分就比賽..

第1場對個小朋友..自己驚到手震腳震..打波全發揮不到平時的1成功力(誇左少少)..但拉打的波9.9/10都係唔中..

幸好那位小朋友技術還真的不高.."豆"波比佢都能勝...不是我自誇..只是如實記錄...

今天撞到了ok多人..可能我在乒乓球界識的人還有一點點的影響力(即是人數上ok多)..

第2場對一個呀叔..我由於已經冇左咁驚..同埋又練左陣..因此今場發揮到我的大約8/10水平...

但是還是以9:11 ; 4:11 ; 8:11 落敗了- -但我沒太多不開心..因為我又能吸收經驗..果個呀叔都讚我..佢好nice..我感覺又多1波友..

所謂友誼第一..比賽第二..何況我而家的分數都升左..又有番排名..都ok la..下次努力d...

不能不提的是今次捉膠很鬆...我的膠很快被通過..感恩...

我發覺神的恩典常在自己和別人身上..只是我們有否看得出來罷了..

評同學錄事件

近來..看見一些同學為了同學錄的事大發怨言..事因我不太清楚..只知道好像是因為學校禁了用"爛gag"和"屈機"等字..

在這件事上..我慶幸自己一早沒提出來幫手..免得自己同人相處又有不快並且被捲入他們自設的愁苦當中..

同時亦感到自己雖然有想為此出一分力的心志和能力..可惜也是不為世所用的感覺...

這件事上..我認為校方禁這些字其實也不太需要..原因是這些本不是粗言穢語..而且是同學們的回憶..

但對那一部分幫忙的同學..我的評價也是覺得他們做的有點過火..

雖然說校方這樣的禁止可能令他們感到不快...我絕對相信他們如果不服..應做的是與校方討論..

只是他們卻決定永遠不會再幫忙做同學錄..這種態度未免過於不負責任..

而且最大損失更是一班無辜的討論..好像古代王室與朝臣的鬥爭..受苦的只是老百姓..

可惜人的本性是這樣的..中國有句話就是 各人自掃門前雪~休管他人瓦上霜...這種觀念千百年來不見得改變了..

科技越發達..這句話越能發揮得淋漓盡致..問這種觀念何時能變?

嘆自己沒能力改變這社會..自己雖然不算太好..總算有一點點的心..

難道這就是清風吹不起半點漪淪嗎?

發表時間：2008-07-13 10:49 PM  [ 訪客留言(0) ] [ 編輯日誌 ] [ 分享至FACEBOOK ]  


2008 年 7 月 12 日  星期六   晴天


玩一天 愉快 分類: 未分類

 今天早上..起身冇耐就要去食早餐..原來打算早上跑1~2次商..

之後cell group..我希望可以form一個網頁把大家分享和題目放上網..

完左同乒乓之家個老闆傾左幾句就回家..沒商位..本身又係打算跑2次商..結果刷棋..再去團契..

完左之後坐左起下面成粒鐘..早知帶psp玩..之後成隊人去燒野食..

去到玩左兩個無聊game--..不過都ok好笑..之後食野...大家係咁亂坐位..咁就好易識多好多弟兄姐妹..

9點幾時..我地好多人去左踢"硯"..因為有人買左..原來我腳法都唔算太差^^..玩到成身出汗..

之後我地再玩killer同mc killer..玩完後10點幾11點好似..搭車回去..中途d人走走下..但我地都有差唔多10人去食糖水..

因為芒果大王太多人..就去左糖痴豆到食..d野幾靚幾好味..但食左26蚊..

今天識左好多人..但連續兩日都用左差唔多每日100蚊..真係有點心痛...

不過今日真係玩得好開心..明天比賽..我知道好多弟兄姐妹會起後背支持同祈禱..心都有點溫暖啦..!

今日見到某人日記用某人黎指桑罵槐..好心某人係就直接講出黎..我講得出既野唔怕認..因為我認為我沒太大過錯(我不敢說100%沒有)..

正如林sir所講..評論事件同埋批評人是兩回事..只要小心用詞..而且提點和批點也是不同..另外我覺得自己舒發感受也不是錯..更不用受人管制..

由始至終..我最討厭去話人有咩錯有咩錯..因為我知這樣一定令人覺得我討厭..也會反面..

可是我必需去提點人..而且我更怕的是當我知道人有錯不去告訴他而使他滅亡的這樣就歸起我身上...可是世人不是這樣諗法..

我能說甚麼呢..這黑暗的時代..

也許我對事件獨特的看法和評鑑..要開一個沒有人知的xg記下來..因為這可能也是我的思想和記憶之一..

為甚麼有時很多事顯然易見但世人戀不知道..我說出來也不得人的認同..到他們發現時又不認是我的看法呢...

難道我只能作一把沒機會出銷的寶劍嗎?或許這只是傻傻的想法..因為我自己根本不聰明..

我總希望有一天有人能冷靜的想想我的建議看法..我對事件的評論....

我的看法和評論我會繼續的寫..因為我覺得自己的看法和思想用不著別人去管..但要合乎中道..可惜世人不認同..沒法..

知音少..弦斷有誰聽?

有些事..令我很灰心..我驚奇為何會這樣..但我不能說出來...唉..

心事重重..

 

發表時間：2008-07-13 01:34 AM  [ 訪客留言(0) ] [ 編輯日誌 ] [ 分享至FACEBOOK ]  


2008 年 7 月 11 日  星期五   晴天


聰明!?愚笨!? 愉快 分類: 未分類

 今天唔洗番工..早上起身去左飲茶..

之後下午成日起度打機..冇同呀媽去食pizza..搞到有點後悔..

下午5點多去大埔中心..5點37分到左..等上72x..之後去到奧運站..

搵埋d人..就去買飛..睇7點40分赤壁..咁就去m記食左個包..

套戲我一分開頭2小時比9/10分佢..d動作ok..動感幾好..果1分係佢當中有一段我估約3min的3級色情鏡頭..

咁當然我就唔去睇啦..都係望其他野或者合埋眼..(除左睇得未)..

不過佢故事係由長板坡講到赤壁前陸戰..我一直期待佢講水戰點火燒船..但係佢打之前就無啦啦話下回分解..

咁就完左套戲(唔知有冇下集)..真係o咀..分數下降...

之後去左沙爹王吃飯..方成泰話2x蚊..結果食左39.x蚊...都ok的..

今日講開無啦啦套戲有d色情鏡頭...某人仲話肯定有架啦..好像講到理所當然..

我起度唔講個名了..有原因的..只係好似世人包括好多人都覺得呢d野好似好岩咁..

我覺得一黎對套戲冇幫助..二黎呢d明顯係罪係唔岩既野..仲要比人話到"緊係有"架啦..好似係有"緊係要有先得"既意思..

我的心好能有點灰..唉= _ =真要保守自己的心志..

今天搭車時想到..人不斷去話進步..發明呢樣發明果樣..好似新一代比舊一代生活更好更聰明..

但係由最古時..人雖然冇自己發明呢d野..但就識敬畏神..

聖經都話敬畏耶和華是智慧的開端..認識至聖者便是聰明"(希望我冇記漏或打漏1粒字)..

人而家不斷發明新野..就不斷破壞世界去推自己滅亡..相比起以前冇冷氣天氣又冇咁辛苦就是一個好例子...

究竟人而家係聰明..定係更愚笨呢...顯然易見吧..!!

發表時間：2008-07-12 01:25 AM  [ 訪客留言(0) ] [ 編輯日誌 ] [ 分享至FACEBOOK ]  


2008 年 7 月 10 日  星期四   晴天


ok 愉快 分類: 未分類

 今天早上同呀媽去飲茶..仲囉埋d衫去乾洗..

之後番黎打左陣機..1點45分左右出去練波..

去到天逸..未開..等多陣先開...

今日同蔡孟麒練..練完今日我有信心嬴番幾場..

因為佢好勁..雖然今日都只係1:5左右輸比佢..但除左1鋪比人大炒..都係輸duce或者11:8居多或者其他....

佢仲讚我話佢果種拉波唔係..

佢仲讚我話佢果種拉波唔係太多人接到..咁出面高手緊係接到啦..但我今日表現ok的..

唯一唔好可能就係打爆左個邊...只好希望佢比我打..或者係cut短少少..因為爆好似唔係太多就得...

之後去左食紅燒牛肉麵..比我想像中不好吃...再回家又是打機= =

明天柯達果話葵興果邊冇咩野做..稅局未有人請假..叫我唔使番住...

我覺得係因為我表現太差..個心好唔舒服..

一方面係咁樣就唔係盡忠去做啦..

一方面就係可能人地之後幾年都唔請啦..

另一方面又是我真的不太想起葵興番工..起稅局果邊都係打野..ok悶..但有衝勁..而且同事多野傾又好人又有break又有收音機聽..

時間過得快d舒服d..起呢邊咩都冇..仲要全部係舊mon應該都係舊機...幅射大度- -...

所以我其實唔係話太唔想番工..雖然我想有d暑假既feel既時間..

但係番葵興對個人心志同身體既折磨真係好大..去做餐廳雖然累點..但都係休息就冇事..而家幅射真係唔係講少..近視好似深左tim..

發表時間：2008-07-11 01:04 AM  [ 訪客留言(0) ] [ 編輯日誌 ] [ 分享至FACEBOOK ]  


2008 年 7 月 9 日  星期三   晴天


心有不快 疲倦 分類: 未分類

 今天起身..超眼訓的說..但都係起身bath完食左d野..好唔想番工...

之後都要番工..搭車..太和站已經勁多人..所以我都強行上車的...

途中真係好逼又好"焗"..唔係咁點..諗下番唔番工..

其中一個因素就係我考慮下番去有冇咁好精神打咁耐野..當時果個情況話我知未必得..

所以就請左假..感恩..都請到2日..因為要練波..但係我覺得個leader會覺得我裝病(雖然我又唔係話100%辛苦到番唔到工)..

而且覺得我冇心起葵興果邊番..佢回應d話令我有點心中不快..因為我覺得我份工好似做1日放1日咁..下次人地實唔請我..加上咁又唔係好岩..

之後番黎..本身個喉嚨好唔舒服..有點頂住頂住的感覺..少少想嘔...

番到黎太和想去一去信義會搵龍爺..但未開..途中真係比我都唔知講係咳定係嘔貼切d..咁整番1小時食果粒藥出黎..

粒藥個狀態好似霉霉爛爛..其實係我唔識點講出黎...

之後個喉嚨舒服晒..都冇左太多想嘔的感覺...回家9點多少少..大解放就訓覺..10點半醒左..之後呀媽用電腦..

我就食左d野..12點左右我先用電腦...係咁玩..玩足成日= =..

不過係覺得好似同平時唔係太同..有一點點暈舵舵的感覺..但很少...

中間又休息下玩下咁...明天約左蔡孟麒練波..終於有個勁d既人陪我練..我要加油...!!!

而家既心情係唔係太想番工..想過d暑假既心情...就係可以得閒訓多1兩粒鐘先起身..即係9點幾左右呱...

同埋可以去嘈下單車..釣下魚..打下波..行下魚街咩街..睇下戲咁既節目..今年暑假都冇乜- -打波同釣魚行魚街先有= =...

發覺我暫時ok需要$..用出糧果d..因為要去睇戲..靖本身話睇街頭超人..但而家我地暫時決定去睇赤壁..慳番一套既$..

其實我仲想睇keroro大電影同埋功夫熊貓..可惜冇人陪我去...

發表時間：2008-07-10 12:47 AM  [ 訪客留言(0) ] [ 編輯日誌 ] [ 分享至FACEBOOK ]  


« | 3 | 4 | 5 | 6 | 7 | 8 | 9 | 10 | 11 | 12 | ... | 13 | »