琴日為左件事同一個同學吵左好耐..

因為之前答應左佢17號同一個之前去北京的leader吃飯..但係我唔記得左~

果時未有諗同未太肯定做咁..因為冇諗過係令會之後..今日又要番工..回家後只想坐下玩玩..唔想再動..

而且我之前幾日唔起home呀媽都唔食飯只係食杯麵..本身以為明天又要去打波..但冇理由扔母親在家吃杯麵架嘛..

所以去又係累+扔母親在家吃杯麵..唔去又比人話講大話..陷在兩難之間..

本身有時真係唔得回心轉意都ok既..當然唔係特登講大話..咁有時d野真係做唔到唔通就話人講大話咩..係咁我以後都唔答應人野啦..

不過果個人係我仇敵中一大仇敵..同佢小二就識..一直都冇咩事..唔知點解呢兩年佢係咁針住我同我信仰黎打..

不過其實睇得出佢智商都唔高= =..講埋d野可以比人咁易駁..起碼我都唔係聰明人丫= =v..

不過呢件事令我覺得而家凐會d人點解唔肯幫人同埋答應人地野..就係咁解...社會冇愛都有d係咁做出黎..唉..就是令社會敗壞的人粉==...

今日番工..好冷..沒帶jacket..拿了冇番工果位aunt的衫..原來佢就係何希懷個親戚..又會咁巧合..仲巧合就係咁日考完oral吳綺玲先問我做咩工..點知原來佢呀媽個朋友個女都係起我果度做..仲高人工過我...

今日打字好慢..好似load唔到咁..- -...終於放工就回家打下機..輕鬆下咁啦= =

 今個令會..感恩的是..本身入去之前已經靈性低到對追求的事無咩心機一段時間了...

但入去之後神又比我有心追求..可以安安靜靜去聽神既話

不過中間又玩uno..同房的都ok...雖然都唔係咩朋友..但係都叫相處到...

不過對我不公平的事仍然有..但講出黎都冇用...就讓小看我的人繼續小看我吧..我還得要倚靠神..

對好多事..已經不想再執著..原因有幾個..

1.要學神寬恕人

2.人大了就成熟了..我發覺當我獨自思想的時侯..已經不再留在中學生去排斥針對的幼稚思想..也超越了2~3十歲的名爭暗鬥的行為..已經可能係4~5十歲不再執著的思想..

3.太多不公平的事..講出黎又冇用..佢地唔覺得錯我講出黎也是無用..雞同鴨講...

從前我好想憑自己的力量去使一切對我不公平的人報復..壓迫他們..但這有用嗎?最多也是令他們口服而心不服..何況我也沒這權力..

現在..我還是只管做好自己吧..如果我做的是對...我相信神會審判那些惡人來還我公道...

今天考oral..有一個同校同我一組..就係我小學同學的家姐吳綺玲..佢應該係最高分架啦..但都唔算好高..

而我就唔小心把北京BEIJING讀左普通話的音..希望個老師聽唔到吧=0=...

回家後就受了挫折...話說我4點幾時準備考oral前已經肚餓..回家後5點幾就黎6點..我同呀媽講叫佢煮d野比我食..因為我地8點半左右先食飯..

點知佢就一句野講埋黎..仔細我聽唔清楚..大約係:理得你死...

聽了後心情好down..但沒發脾氣...只係一出營已經有灰心的事來到..

之後沖完涼整個杯麵食..呀媽話佢要番工..又唔識上網整..咁岩我又唔識...

佢叫我整比佢睇..我話唔識..佢又罵我..我終於忍唔住..看來我的忍耐也是很有限...要再好好學習..

但佢仲否認頭先係罵我..也許佢覺得咁既態度同語氣同我講野係應當的...

算吧..所謂的朋友同學和家人也是這樣吧..我真的很想有一天能夠好好的自己聽神的話..也許沒有一切的事再煩我..

當然如果仲有一班知己會更好..但已經很難了...

出營第一天身體已經很累..希望我的靈性不要又再沉下去...

但我現在只能無奈+無奈...

 今天番番葵興...可能慣左少少..同埋今日冇咁累既關係..

所以今日覺得冇咁眼痛辛苦~但係成日起眼訓..

今日工作態度我覺得可以用兩個字形容自己 --> 博炒

事因打1min訓1min咁...= =訏左少少..但係打勁慢...慢左成倍¬

下午lunch冇排隊等微波壚的的慘案..但就唔算好夠位..雖然夠...結果我同table有兩個女仔同一個呀嬸..分左成3派= =

食完打下機訓下覺...下午挨完就放工...比d野hugo幫我比何b..買左份禮物比老豆..

之後回家...明天入camp..盼望左好耐咁..但係唔想見到翁怡彪果班...當然係佢地講野令我難受...

 今天番灣仔..不錯..

但是由於夜訓早起...加上昨天的幅射太大..令我很辛苦~

乘車時肚痛..回去工作一陣就去大解..舒服晒..

今天令我激氣的是..呀爸呀媽番左大陸去行街...又唔開電話..

又唔知令人擔心..家姐又搵唔到佢地打左兩次黎我度..

仲要我唔舒服..搵佢拿張卡睇醫生都冇...

後來多謝方成泰呀媽幫我搵呀媽仲有幫我去掛號睇醫生...今日個同事聽到我頭唔舒服..叫我下次早點講出黎..

佢有藥比我食...係起公司果度的..

其實我個頭果時唔係好痛..少到可以話冇痛咁上下..而家都係有少少...

但係就咳...= =唉..結果晚上都係睇左醫生..坐左成個鐘...

而家好頹..番工等放工..放工打下機又個人本身就好累...

好想快d令會..可以休息下..靈性希望有好的復興...

不過令會令我最唔開心的事..要對班我好唔like既人一間房..真係慘...

先說說近來不斷upload緊d相同去韓國既相..有空大家去看看

今日的日記分開3part..一part係記今天的事..1part係記我今日諗到既野..1part係分享一首歌.. 

今日番葵興..可以遲一點起身..6點半起身之後就搞點d野..打左陣機就番工~

點知唔記得帶銀包..搞到遲到左少少...好迫人..起地鐵上做了3文治...

到了新工作環境..起門口搞左輪..個保安都ok盡忠..但令我覺得有點煩..因為要搞多d野..如答下佢問題..

今日係打有關八達通既野..唔比拿袋同野入去..只能拿水..好悶..上午好眼訓..下午才爆speed..

食飯冇地方找到好食..後來找到少少..有一間都好多人..咁就去..都ok既..但咖哩汁食落去似黑椒汁-0-...

今日終於比我講掂數放5點半唔使放7點..因為真係累同埋想回來玩下休息下..但好似好多人唔走我走好衰咁...

果度d人冇咁nice..但講笑也不多..其他的講都係笑下但冇咩反應既人..=0=...

想同大家分享一首歌..個名叫everyone is no.1...本身我都唔係太聽流很歌...但起飛機上聽到..番黎就上youtube聽聽啦..

首歌既故事係劉德華本身係一個成日拿獎的運動員..但因意外斷左腳..後來不斷努力去練跑..終於能跑嬴正常人..仲鼓勵到受同一種意外的小朋友企起來..

首歌作出黎係要鼓黎d傷殘人士..我都覺得ok..特別係話everyone is no.1..要是你凡事不問能不能 和成功的祕訣在於你肯不肯..

咁又係..成功往往都係起肯付出肯努力的人身上...但我覺得更加係成功係在於你肯不肯倚靠神...

anyway..呢首歌我相信都係正面想鼓勵下d傷殘運動員既...都ok正面..總算係冇而家d流行歌咁負面..

今日工作時諗下野...記得之前有人問我野..可以話係一個敵對勢力來的..討論中談到有關朋友的事..

如果話我有冇朋友..我覺得我是需要朋友的...一個普通人冇咩可能識晒所有野..出去工作等都要有朋友的幫助...

但要是說我有冇朋友..我正說能做我的知己定不多...朋友有好多種..但99%都係流於表面...

我認為朋友間應該互相幫助..但是當我一次又一次起我最需要朋友幫助時..朋友只會落井下石..好d既最多串我幾句..再好d也不過是寒暄幾句..

但就獨留我去面對一次又一次因沒有人伸手援手的失敗....1次,2次,3次..經過幾年時間..我發覺有時我都唔再去奢望有人幫手..因為就算冇人幫的失敗也是經常發生..也慣了...

但面對人地要我幫手的時侯...我還是抱著願意寬恕的心去幫佢地..至少我知道不要讓這風氣延續下去....

雖然我不奢望有人在我最需要人幫時幫我..但在我的角度來看..我仍然希望有知心的好朋友..我仍希望起果個時侯仲有能支持我的朋友..我知是有的..

空有偉大的抱負..也能看到社會的問題..卻無能力去改變社會的風氣..能做的是..律己並教導新一代的年輕人....

 今日訓late左..之後同左呀爸同呀媽去食早餐..

之後番左home打機..下午去左釣魚..

但係因為有唔知咩事..個碼頭去唔到..就起回歸塔果邊釣..

約左2點半..我3點左右先到..4點幾先整好晒d野...冇魚上釣~

只係釣左幾隻蟹...6點45分左右走人...回家又打機..

今日都好relax下..會考完慣晒..而家都提唔起要讀書的心情咁= =

明天又要番工了..上星期番時好唔願意..而家relax都想番下..

明天番的工是起葵興..除左又要學打一種新form之外..同事都變左..

要面對新的工作環境..希望做得好...

 今早同父母一齊出門口..佢地呀哥新home同飲茶..我就去左大家樂食早餐..

無啦啦呀媽打黎..話唔見左起韓國果袋送的那隻熊..我幫佢去火車站搵左ok耐都見唔到..之後食完早餐就搵下人幫啦...

今日就見到3種人...

1.首先搵左個年輕男人..應該左我少少左右..叫佢反正入開去就幫我周圍睇下..我起上面等佢..結果佢都係順路幫我睇一睇..咁我都ok感激佢了...

2.第二種人令我好激氣..就係個火車站d員工..果個呀叔..睇佢個樣look唔係車長就係入八達通果d人..我同佢講唔見左隻公仔..佢就好似罵我咁話:個火車站咁大..我點幫你搵呀!  (注:唔係全句係原文..但我收到係咁既feel)

一聽到佢d咁既話..講真諗起都想打佢一身..熱心助人既心都冇..不如撞頭埋牆好過啦佢-0-...

3.之後搵唔到..番教會中途搭71k..中途有個呀借落車唔記得拿雨傘..有個女人叫司機等陣..就拿番把雨傘仲落埋車比果個呀伯..我睇住佢..可能可以話諗起都覺得世間仲有一點溫暖咁...

以佢同個火車站呀叔對比..真係強烈鮮明的對比...一個師奶睇佢書都讀唔多架啦..反比而一個ok高職呱(應該讀過下書)既呀叔更有愛心..真係有時侯話今世d書.讀左真係好似讀屎片...

完左主日學..行左陣回家打機...叫樹熊約打波又等好耐..結果又係要我迫下佢先約到...

打波都ok既..雖然輸左一定數目..太耐冇打了...而且darker好硬..仲要配bryce..拉波可以話低至0..如果用之前軟身的巨無霸..我拋到過波去佢地果邊..佢地十之八九都唔會接得住= =...

而家係自己拉失波..真係都未做晒個動作就甩左粒波...睇黎人地講既野係岩..呢支野唔係人人 岩用..起碼大部分人都應該唔岩用..

今日同佢地傾過下計..發覺左其實佢地既人生好冇目標..話自己暑假充實就是日日打機到3點...

又想駁斥我搵工做學野係對的想法...發覺而家好多人都係冇目標...

起我既觀念..份暑假工應該要學到野..唔搵工唔一定錯..但要讀下書學下野先叫充實..打機唔係充實囉...

搵工又係...做餐廳果d我真係唔知學到有咩野係對你人生有幫助...極其量都係學待人處事同熟識社會吧了...

自己而家份工...可以話都係唔算學得多野..只係能比我知到自己一直以打字自豪都出去不算甚麼...原來1分鐘90隻中文字唔算太勁..報館d人個個應該都得...

數字1秒2個計埋睇野即係1秒3~4個都係叫廢= =.....英文更加唔知會點--...

同埋都叫半個政府人士..開始知道番工d野都好易接觸到刑事等法律...

起我個人立場..未來的路是很有目標的...我都有很少的驚訝是因為原來好多人包括自己同學都係原來未來點行既目標係冇既...

今日d nam叫我幫佢問下vincent打網球的事..咁我就幫佢問下啦..雖然唔關我事...

但係就比vincent激死..又話我係中間人..要我幫佢約埋晒..佢都傻既..我好心先幫佢通知聲- -又唔關我事...本身好聲好氣咁叫我..我個人都好熱心下幫人..

但係無啦啦仲要比人罵咁= =..真係無奈...呢d咪就係搞到人覺得做好心都係錯囉..結果就有d火車站呀叔出黎囉...

點解世間上唔可以多點愛- -...

 今天早上去了飲茶..之後番home打下機...

出左去cut hair..去左間貴d+冇咁like果間..因為我去開果間冇開...

剪左好似只係短左少少咁...睇黎不久又要cut...好似好晒錢咁...

團契..之後4個人分組傾下計..不錯...

回來又是打機= =....

近來靈性差了..我希望能清楚明白神的旨意..請大家為我祈禱...

近來好多事的發生...自己也覺很難由頭說起...

 今天番去..又換左位..冇計了..我地呢d backup人員...

之後就開始左一天的工作..老實說..這份工很悶..但都幾ok的

今日身邊果位同我傾左好多計..今日又知道左出左糧..雖然只係3日半既糧..都有幾百蚊...

今日麒哥話比我知下星期二番番葵興..一黎冇左咁型個名...二黎呢度做好舒服...有收音機有break..仲有好多好好人既人傾下計...

所以我真係唔想搬去果到><....嗚嗚

 6月4日

今天早上..由於最後一天路程都係shopping..所以佢遲d先morning call...

早上9點45分出發..之後食左早餐..去番第一日食石頭飯果度..食完d野就去左東大門行街..冇咩野行..

有個我好想要的袋..35000韓幣..佢減到30000韓幣..但係老豆話要20000韓幣先買..佢賣20000韓幣就買果個爛左少少既..

既然雙方都緊持..我話25000韓幣要個新佢都唔肯..就只好走了...之後食左串野...就去新村女子梨花大學果邊行..

都係買唔到野..飲左杯唔岩我口味的咖啡..之後去食飯..終於食雞唔食豬..係把雞肉..菜..同埋年糕仲有飯+辣椒醬一齊炒...

之後食完去左水晶度睇..呀媽買左個..呀爸叫我買個十字架..但我覺得帶又好似唔係太好咁..都唔知佢會唔會以水晶黎辟邪等..咁就唔買了...

之後去買呀sam個岳父間小食店野小食做手信同用黎食..我地都用左20000幾韓幣..有d人買左成20萬韓幣..傻架= =...

之後就去機場...終於要走了...有點不捨得....

搭飛機時好似有點危險..感恩..都平安了...落機後大家各自散了...再也難搵番一齊...再見了..韓國的團友...

晚上成就黎1點先回到家..感覺家中比酒店dirty..但也要沖涼sleep..仲未上到網...

6月5日

今天6點左右就要起身...又唔係太累...沖完涼又要番工了...

番到去..我果位比人backup左..但我backup果個人都係起番pool 1

d同事對我都好好...放工拿拿聲回家..打下機咁..呀哥回左來吃飯..

今日好似慣番d生活..

只係唔知點解成身都好癢咁= =