今早很早就比呀媽叫醒左..因為9點冇水沖涼...

之後起左身靈修完冇野做..就打機啦..見到何b同鍾咁早就玩緊=0=...

玩到11點幾呀媽買左野番黎食..食完玩多陣就去搵工..~

首先去雅蘭呢間大野到見一份電話推廣員..但係我表現好似唔係太好..希望佢都請啦..

識左一個叫陳維立既理大學生..幾好傾..咁岩我去柯達見工佢家又住果度..結果佢又去埋~

去果度見果份資料輸入員..可以話係我蛋項..但係偏偏3部機得一部係冇中文字睇...我就係坐起果部..唔係我就唔使大炒...

結果我英文character 30秒得117個...數字30秒177個好似..中文30秒得47個..仲要打錯左n個字...可能得30~40個...所以我1分鐘90的實力咁就冇左=.=...

不過佢話我地組去灣仔果度好大機...因為果度去打數字多...但係我識果個朋友果組就咩評語都冇...

番黎大埔之後搵左3間補習社..結果都係唔樂觀..但係都有兩份form填...

之後去碟鋪又唔請暑期工...其實我假假地都叫名校出黎...真係好難受囉呢度氣...

今日唔知點解隻腳好痛..回家後打左陣機..媽買左野番黎食...7點半同浚去沙田打波...

今天嬴到一個人..但是還是比長老佢地打到飛起..但我自覺進步左^^...

今日本身好開心咁想去買psp game同記憶卡...

早上8點左右醒左..靈修完冇野做..又起到打機..

升左一個丐幫..得到朋友的幫助..仲有去組隊升..一天就升左30lv..~

點知升升下時我做左樣kai到爆的事~

就係試下手機張記憶卡係咪psp果張..因為我以為得果幾種定咩..應該岩就唔使買..

點知整左入去拿唔番出黎..本身拿出去就冇事..點知又比我用牙籤篤左入去..整爛埋部新既psp..陰公..

結果明天要拿去旺角整../____\

今日同joemg打左1粒鐘波...佢比我地學校某部分人好好多..但都係唔係我對手XD~

之後回家又打機...今天搵到份電話問卷的工作..起旺角番工..如果唔係暑假工就月入過萬...佢叫我聽日去旺角見佢..

我打算再搵下補習..聽說下面借dvd店也請人..唉..一生才學就咁用..簡直係大材小用...至少都比我做下補習老師..

我打算第2時唔係做政治家就做老師...而家實習下都好..但我愛心真係好低=0=...

不過..暑假工係咁架啦..出面大把勁過自的人同我地爭工做..唉..騎牛搵馬啦...

有時份工得果5000起一星期做5日半..每日9粒鐘我都覺ok..有d工多少少要做13粒鐘..做死人咩..

好似蘇家輝咁..幫人收書..得10蚊一粒鐘..一日做6粒鐘..1個月都係得千幾蚊..咁就冇左1個月...

胡講得岩..咁既工..我寧願唔做去學野充實下自己好過啦..咩經驗都學唔到..又冇興趣可言....

不過唔做工我只會起home煲機...呢排都痴線既..日日起home打咁耐機..就黎10粒鐘都黎緊...補番中四五讀書冇得玩咩=.=...

明晚又有得去打波..爽爆

今朝去左飲茶..之後去左招聘會..10點開始..我地11點幾去到..冇晒位..

結果番黎..咁就冇左成個早上=.=仲要落大雨咁番黎= =..番黎bath完打左陣機..去左元朗..

食左d野..買左對鞋同埋個車路士袋...本身都唔係好知係車路士..只係覺得佢靚.但係之後佢話係車路士..

我先知道原來個袋都有成個車路士個英文名起度=.=...

之後去左考oral...朗讀得1~2個字唔識讀..但係中間有少少唔流暢..希望ok啦...

小組討論...條問題唔岩我答...但係如果要岩我答果種..我果team果4個死得...

成組6個人...3個可說差得很..說話不多不在話下...建議很少...另一個都叫多少少建議....

但係如果起我角度..成組得我同一個女仔起度撐場..次次想dead air都係我地救番

不過果個女仔想起仲有3min就完..即係迫大家去死姐..都唔知識唔識野..結果又係要我撐..搞到我果個論點不知所謂..比人玩死=.=

如無意外都係我同果個女仔最高分..佢執ok多論點黎同意同帶人達成共識...我就提出論點+演繹+反駁少少同帶領個方向...

所以我估我高分d...完左番黎睇醫生...回家食完飯打機= =v

今日早上訓到好晏...完左主日學同呀媽去左影相做回x証..

之後去左扒王之王食野...塊牛扒好難咬開=.=....唔係咁好味...

跟住行番去太和火車站...出左沙田配眼鏡...配左副紅色既..呀媽話好睇wor=___=...

番home打機...打到5點幾bath...6點再打...7點半左右食飯..之後落去打波...

今日搞左個球局..3張table..有12個人打..但係有個kitmo的小朋友帶多左個朋友黎..仲有我唔知mask都黎...結果ckwing叔叔一黎就走左..

連大長老同mask都打得唔開心..我真係致萬二分道歉...我保證下次會有改善==~

今日個港島區黎打...佢打波真係好得意...特別係d開波..真係好有趣...個人都好nice...不過有少少粗口起說笑之間出左黎==~

不過佢連去沙田都好遠..又車又船...所以都好難再同到佢打波lu=____=~

今日kitmo小朋友同我打左3次3局2..3次都係頭一鋪炒我=__=之後連輸...==...佢都幾好波...只係思想唔夠我地大左既人同埋身型蝕左...

其實咪同我同d前輩打一樣..都係佢地調動我...我都諗唔到點先可以調動佢地=___=~

塊darker70+bryce真係好硬好難拉波..雖然某d我都拉到...但塊膠真係唔轉...不過唔知點解越打越有手感..好鍾意呢塊野...

我估一黎佢好貴..木要1100-1200~膠要2xx-3xx...二黎就係佢推攻好快好正...^__   ^!

今早起身..食埋野都差唔多10點~

之後打機打到1點左右...想背埋聖經..記起要做查經資料...做左陣...

之後bath..食飯..團契...~

再同kaifai打波...佢退步了不少...還是我進步了不少?

番黎bath完又打機...晚上呀哥條女同佢黎左..但我都係起度打機=0=...

今日團契..吳主光先生唱歌很有趣....

這兩天...除了打機..就是比家人屈機...

本身有好多被人屈機的事或感想想寫出黎...

唉算啦...玩多陣仲好...人地睇左..好多人就算有心最多咪寒暄幾句...

今日番左去考oral...第一part18/30..不太滿意..第2part17/20..滿意..

之後番左home玩左陣..方深舟叫我去佢home玩..咁就去左..佢呀媽起我黎左個幾鐘之內叫左我地唔好打機四次...

雖然我覺得考完會完打機都冇咩所謂..但係佢都係出自對個仔一片關心姐...

今日打左隻幾好玩的game..之後我見咁近海濱就同方成泰去左釣魚...中間有段時間比佢講左d野令我有點唔開心..不過我唔記得左lu...

佢約左條手掌咁大的沁鯭..我就冇收獲...回家時約左耀康出黎比埋禮物佢..就同佢行回家...

今日有點唔舒服..因為可能本身咳仲飲凍野..個喉嚨好痛咁...

之後回家bath完食飯..睇左陣tv..就打機..同鐘傾電話...再搵方成泰打機...

今日比人屈左好多次機..內容我都唔想講...仲之我覺得我好無辜...同埋起家庭中的觀念一向係大永遠是對..所以我就一定是錯..

而且要負起任何家庭成員錯的責任..應該是可以咁說的...所以我在家有點似沙包...但又冇得唔服...= 0 =...唉...

唔知點解..呢排有d自閉...成日想自己一個..除左有時打下機或者打波...起home有時覺得講d野出黎分享反而比人罵...

今日釣魚見到d景色...突然有個想法就係四圍冇晒人...對面d屋冇晒...變番古時侯的景色..得我一個悠悠閒咁釣下魚...

避世的思想越來越濃...不過起現實生活中又是殘酷的啦...唉..

今朝好早比人叫左起身去飲茶..累...之後番到黎打左陣機..

呀媽又因d事煩住...唉...次次都係我計劃非常好..但係佢點都唔聽...

今日本身我計劃9點幾番到黎打陣機~2點去搵工..4點左右番黎再打陣..7點去打波既...

咁就唔使一次過打咁耐機..會受唔住的....但係呀媽就要我11點去搵工..之後冇野做姐係要我起home打機打到7點啦..-.-..打咁耐泡都嘔啦...

為左迫我咁做..佢仲講左好多大話....下午搵工...冇咩工好做..sd左兩份上去...打左電話留留一份睇下請唔請...

而家d工..一日做成13小時..先得5000蚊多d...簡直係恥辱....做文員..一鈔鐘只係要打30隻中英文字..英文都話ok接受...中文..30隻好難打唔到姐-.-...話晒我一分鐘都90幾隻=.=..

之後打機打到5點幾bath完食飯...再去買野~

好野..今日終於收到darker70+bryce+波褲+拍套...滿足...李雅浚今天都有跟我去打..算他好彩同到唯一果1~2個差既人打...佢嬴得多過我...

成晚一係和左佢..一係比黃慳同d呀叔按住黎揪=0=...最必係我新板..未熟...

本身好開心..但係唔小心整裂左塊bryce的邊處...好傷心..成240蚊架=.=第一次就爆....唉....睇黎比賽都唔用得...咁我平時就放開黎打啦...

買果時送左塊moristo2000..唔知好唔好用..應該唔錯...

呢塊野原本1手木要1200蚊..膠要260蚊...就黎1500蚊都黎緊...而家收一塊新膠240蚊...2手木380蚊仲有膠送...真係幾抵...

晚上回來呀媽又罵人=.=唉...唔知點解覺自己好似好清高咁...成日覺得係人地錯=.=...不過佢d歪理真係好多=_____=...

今早去左明星飲茶...

下午番左去睇波...

其他時間起到打機=___=

買板九叔叔佢地話darker70唔岩我用...但係我真係想用...因為我想試下...幾平...

今早6點幾就醒左...呀糸又岩岩番左大陸...

bath完靈修完就打左陣機..之後去幫手教波...

今日黎耀昇起度..早知唔去...李雅浚同埋潘偉奇比我x左= v =...但係我就比黎耀昇虐待咁=.=....

兩鋪都輸好多下=0=...~~~

打完起果度bath左...hugo電話唔通...因為約錯左時間...就sit左起度等佢...~

之後買d食物會合埋何b就黎我home...

打ps2同 heat project...5點幾佢地走晒...我繼續打=0=...

晚上有d唔係太開心的事發生了....