頌少的日記
池　　池　為驚唯　　寒萬問庸　　赤自慧問　　池　知一萬他
中　　中　盼世嘆　　窗般君才　　壁此眼君　　中　識生般朝
龍　　龍　一才淺　　苦知若何　　一聲割功　　龍　縱心終君
   　　，　生能水　　讀識無以　　戰威分績　　，　然血歸體
   　　池　臥無困　　二終豫成　　驚漸三誰　　池　千又如也
薛   　中　龍人蛟　　十歸州英　　天趨天與　　中　古何塵相
頌　　龍　中問龍　　載空事雄　　地隆下共　　龍　頌用土同
斯　　，　。，。　　，，，？　　，。，？　　，　，？，。
 
sitcs : 個人主頁 - 相簿 - 訂閱  [ QOOZA - 論壇 - 登入 ]
sitcs
暱稱： 頌少
性別： 男
國家： 香港
地區： 大埔區
«‹ July 2025 ›»
SMTWTFS
12345
6789101112
13141516171819
20212223242526
2728293031

好友名單
2008 年 5 月 1 日  星期四   晴天


心不舒服.... 鬱悶 分類: 未分類

今早訓到成8點半左右先起身...成10點鐘先出門口...好似未夠10點半去到銘恩...好在今天決定直去後門...

如果唔係就以為佢冇開都有啦...= =...今日唔算太多人..但都ok多...之後用左上午黎溫k.o.ten d野...溫到12點未夠就做下d exercise...

12點幾出去食野..行左好耐..去左間叫食棧既野...好多野食..但成30蚊..今日我食果碟覺得唔算太好..但我見方成泰果碟好似幾好味...

之後番去做數學06年..頹晒...mc睇錯加混亂左少少..如果唔係就41/54...唉..而家39/54..其實兩者都唔算好好..

之後做paper1...激頹...比佢陰到o晒嘴- -...得66分得38...之後果3題LQ我做左一題就差唔多夠鐘走人...估計囉埋SECTION B都係得50左右/99...

做左兩年...一年易一年難...都係坐D望C...唔通真係要17分收場咁樣衰-0-...?

晚上家姐個男朋友黎左食飯...又有好野食...呢兩日冇左小魚兒與花無缺睇...但我仍然起度hea....

明天英文...作文我有信心合格多少少既...paper1a真係要聽天由命= =???又唔算溫得耐...有點內疚..但係又好似冇咩溫...有d野亂學亂用我驚好似mock咁...

今日比丘俊豪拿左4條中史題黎問我...錯左好多...令我突然有點驚....

我好驚到時咩都唔記得...我沒時間再背了...我好驚到時好似中文作文咁...我也曾發夢我只做了頭兩題就冇time...其實失多一分就A都唔穩...何況一題失12分...

我好驚中史冇A...我點對得住MISS LEUNG...雖然我已經盡左力...雖然我唔知係康倚華定我拿分科...但係我起學校成績好出到去撻Q好唔抵...

我好驚我好驚...= =唉...算了...就當自己本身咩都冇算吧...= =咁會輕鬆D...

原來唔經唔覺去到最後一星期+半小時...好似之前果D只係熱身都未開始咁...

想番起21日前我曾同何B說仲有一個月...現在原來已經過了3星期...光陰似箭...原來我已經一段時間冇上堂...日子還不是這樣過...

 

發表時間：2008-05-01 11:29 PM  [ 訪客留言(0) ] [ 編輯日誌 ] [ 分享至FACEBOOK ]


幾開心 驚訝 分類: 未分類

今日早上番學校...由於econ的人去左考會考..而一班理科又唔知點解唔番學校並且許多中七都考完的情況下....

今日曾經只係得我同聰同鍾浩賢3個...我回去時鍾都未番..可想我未番時圖書館除左老師就係得聰一個...

之後我今日起度溫書..溫完d書就做past paper...我地傾得幾嘈...聰就走開了...

之後李雅浚都番左黎..我地去食飯時浚叫鍾一齊行先..之後我地去到大元拉 唔到佢地..行左好耐..好似傻佬= _ =..之後我地兩個就自己食...

點知原來佢地去左第二度做d野..之後佢地又見唔到我地..結果佢地都自己食左...

今日食野後姚永聰比左張福音單張個老闆...睇住佢咁樣...我覺得有點慚愧...點解我唔敢好似佢咁...以佢同我做個對比..我覺得自己好冇用..

唉...求神比我重新得力...在會考下我差不多放了大部分心機下去...但這屬世的事又有甚麼用呢??有些朋友勤多他們兩次..反而被罵回轉頭還好像說我不是...

令我曾一度灰心...希望快點從傷痛中重新得力...也許偉諾說得對..有時勸人也要懂得用語氣..可是我就是這麼直性子...希望盡快改變這光景吧...

下午..起圖書館做多陣數...就去左銘恩..起果度等左陣..做左幾題數...就同浚同方成泰佢地打波...一打就是數小時..打乒乓球和康樂棋..

雖然..我會覺得用了數小時本身可以做多本past paper...可能真的能多拿數分也說不定....

但是我認為有時侯也要休息一下...辛苦了個多星期..看見自己愛玩電腦也不能dl game玩...想去打波同買野又不能...想食多d糖和雪糕更是不可以...

一切都比會考壓住...心中都真的幾痛苦...但相信辛酸的時侯好快就過去...仲有一個星期+2天就完了...只要下星期中史不受打擊...大致上問題不大....

今天有點不開心...事因某人說了句幾有趣的事..但不是對我說..我只作了些回應...比罵了...說不關我的事我就不該說話...這無可否認也有點道理...

只是我說我怎能知道那句話是否對我說...但也比用同一句話罵回....

我的感覺是有點難受..而且我也不知是我聰明還是他笨..還是我笨是他聰明...我有點覺我問的東西佢好像回答的是另一樣野..但他我怎知..他只說不知就收聲...

我也不知如何做...以後不應他...又怕是有點記仇...而且他也會罵我不應他....

如果應他而他不是跟我說話...他又可能說我多口..又罵我一餐也說不定....不知哩...心中覺得少說為妙....要是說..我總覺可以把他們的道理一一駁回...可是世人的看法往往跟我不一...

記得睇過一個節目..有個醫師發明左醫愛滋病的藥..仲比過d人食都成功...但冇人信..政府也不接受他的藥是可以醫到...(我跟朋友說他們也不相信這位醫師能醫到)

但果個醫師起節目完結前講左句野就係:當佢地唔得...有需要時就會黎搵我...使咩我去搵佢地(注:不太記得清楚..自己修補..大致上應該係咁)

呢句野都真係有點諷刺...有時係咁= =..往往有時d人發明或做d野貢獻人..但不能沒報酬...反而比人罵番轉頭....

今日最後李景豐黎左打波..雖然同佢地班人玩我都覺得唔係太願意...但係學會下包容人..只要我唔收到傷害就好了...不知何時變左常希望自我保護型...

希望我能更學習主的教導...去多d原諒身邊的人...雖然自己有好多時都有錯...不過人地原唔原諒可能都係佢地既事...做好自己就算了..

起碼於佢地..我要做到無虧欠人...至於人地點講點對自己...把口生起人地度..都控制唔到架啦= =...自警自警~

注:大獲了..明天五一勞動節學校唔開...咁我邊有英文past paper借= =...?

發表時間：2008-05-01 12:50 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 4 月 29 日  星期二   晴天


ko! 不安 分類: 未分類

今日7點半就起身溫中史...一直溫到晚上9點半左右..

終於ko左...好累...有好多野好似唔記得咁..希望考果日唔好咁...

呢科唔A我真係唔知點好啦=0=...~

成日都想快d會考完...我有好多野想做:

1.買魚竿

2.買支2手老蔣乒乓球板+bryce膠

3.整塊乒乓球板

4.食雪糕車d雪糕

5.去澳洲家姐果度再玩笨笨狗(當然我都會記得你啦...彭彭狗)

6.去蒙古(食草= =?)

7.釣魚

8.打波

9.鑽研乒乓球同釣魚器材同技術

10.考乒乓球裁判同埋預備班教練同正式教練(正式好似要18歲)

11.有時間去好好休息+聽神的話

12.學多d新野...水電..畫畫..仲之想平時一切野都可以輕易handle唔使周圍搵朋友幫...

 

發表時間：2008-04-30 12:27 AM  [ 訪客留言(0) ] [ 編輯日誌 ] [ 分享至FACEBOOK ]


貼題聖手 驚訝 分類: 未分類

今日落去神召考試..好多cpu的人..

今日份卷DBQ識OK多..希望唔好以為識但係錯啦=_=~ESSAY一開始我都唔知佢講咩...

我係答cold war果題...所以我都係寫佢地關係唔好..之後中間有一段好..但我又驚驚地離題..

因為我冇指明d時間同埋我講重點係解釋佢地點解不和..如意識形態同埋support d戰爭咁啦...

如果呢份我5成...之後dbq又如我所願..希望有c...

最抵死的是有幅比華哥貼中了= =雖然問題不中...但如果唔係之前考過我真係唔識..我mock都錯晒方向咁= =...

之後去左銘恩堂溫書..但係果度ok靜...所以我唔可以讀出聲...出到去又有人好嘈...所以回左家溫書..

溫到差唔多10點先得呀...真係溫好耐...

終於ko左甲部...看來我最多都係下星期一再睇一次..但係就唔係再全部背一次了...有d不捨..但係要我背又覺得好辛苦囉=0=~

明天還要背1本..又要好早起身...7點起身8點開始溫書...好累=0=...

希望明天8點半食飯前可以ko...最盡去到9點半..我真係熬不住..要看看tv休息了...

希望13小時可以溫晒...我諗當中都係得1小時食飯休息=0=...

如果見到我明天8點半可以安然無事...請為我感恩吧...我發覺記憶好似冇左咁清楚..可能太耐冇溫...

仲有個人既身體累了....我怕明天背完又痌又嘔...- -....希望唔好比人送入急診室= =...

辛苦埋最後一次...真係最後一次了..中史....

我要努力...成功往往係屬於肯努力既人既....天助自助人嘛!

發表時間：2008-04-29 12:17 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 4 月 27 日  星期日   晴天


1/3 不安 分類: 未分類

會考過左1個星期啦..會考考3個星期..過左1/3...

而我考9科.而家過左3科..都係3分之一....電腦在目標下完成...地理也是..

而中文...相信也是在本身拿c的目標下完成到...只係為左補數學不足想拿b..看來不行了...

明天西史...今天還在看tv..有d良心不好受..但一晚間都溫唔到幾多..之前都溫左..

今日都只係溫埋琴日溫剩的europe economic..世界大戰同埋中國一d仲有south-east-asia...

應該聽日拿d都冇難度...而家只希望西史進到去c或者數學進到去c或者聖經進到去c或者文學進度去b...

但係大前提都係中史要保住個a....

今天去銘恩溫書坐左起潘家音右邊..佢身邊仲有萬兆茵...原來幾個人一齊溫書比一個人冇咁悶同幾好笑...

不過如果係中史同文學...我一定要好集中...本身一定要起家中溫的...但中史背得較文學熟...明天試下去銘恩溫...

因為唔使受電腦同tv同床的吸引....如果效果好我會考慮文學都去埋...大前提係有冇位=___=銘恩d人都ok nice既..唔太熟佢地..

但係今日好似有個女仔得罪左果個肥姐姐..之後因為本身規定除食飯外離開15分鐘就會比人掃野..結果果個肥姐姐掃晒果個人d野出黎=___=

好彩之前我地去團契成2個幾鐘都冇比人掃野走姐= =...

晚上起度睇精武家庭..不知為何同我印象同個廣告都有唔同..可能廣告同我印象都係一樣係之前果集呱...但又唔覺佢係第2丫...

黎緊呢個星期得2科考3日..希望會考快點過去...其實去到而家都經已過左多於一半了..感恩...

明天終於要溫一科死背----中史...也可能是我最後背的一次...背了兩年..背了數十次...現在準備要放下了....

我會記住讀書唔好的我曾經起呢科有個成就...也許在我人生都冇幾多次= =...我也不知...

感恩..今天的精神好番好多了..除左中午累訓左半小時外..到而家都ok精神^^!

發表時間：2008-04-28 12:10 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 4 月 26 日  星期六   晴天


好累 驚訝 分類: 未分類

今日早上以為8點半考聆聽..點知係9:15分...等我仲8點落度去...

如果冇記錯既話9點10分左右先入去....之後等到10點先開始...中間d人讀信...有d人寫去電台鼓勵朋友或學生..真好...可惜沒我份...

今日份卷唔算太難..但係聆聽唔一定keep到8成..同埋綜合最後評論果兩個海報寫得太少point..完左回家拿書..

去左銘恩堂溫書...溫溫下訓覺...實在太累..之後團契..有禮物..多謝一班弟兄姊妹...交通時又可以大家傾下現況..真係幾開心下..之後再去銘恩堂溫一陣書...

出左去食飯..順手行一陣魚街...買不到魚...食左好多好味野..有翅有好多好野食..食完回家~

但途中搭車坐起度都累到冇晒力咁..合埋眼一陣..之後回家沖完涼睇左陣電視...果套十1面埋伏好似幾色情..所以唔睇..入房用電腦..

但係自己好累..累到好似虛脫咁...明天又要奮鬥...下星期得兩日左右溫中史..我希望中史不要炒...仲要惡補數學...因為中文看來都係坐c望b了...

所以要溫完中史之後果日先可以遲d起身...但呢排咁累...溫一陣就虛脫成身冇力要訓覺...咁少時間點溫完中史...而且仲要好集中..呢排溫書可以發夢咁..

真要求神加力....今日的禮物仲要中五得各位弟兄姊妹的鼓勵卡的圖post下出黎先:

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

唉...明明好似人地起度罵你..作了回應只有更激烈...已經忍讓廢事提...點知忍讓又比人當認輸..罵我不出聲扮野- -...

出聲又說出聲..不出聲又說不出聲...算了..再忍一鋪吧= =反正兩年來忍的也不算少吧...也不要再跟班中的人提了...因比人拑制..咁就只好和其他朋友談談吧..

我發覺班中沒甚麼人是靠得住的= =那就算吧..學黃生所說道不同不相為謀....懶得理..個人都開心點...廢事好像以前咁弄壞身子了~

反正又不用一齊讀中六..就算一齊讀也是這麼過也沒太大關係...這兩年也是這麼過...

快點考完會考就好了..也不用再怎麼見面...最慘還是畢業夏令會要對5天..= =...

p.s:大埔區的成員..有冇人諗過考完去邊玩??係咪去麥生麥太家?我想去ocean park= =....

發表時間：2008-04-26 10:29 PM  [ 訪客留言(1) ] [ 編輯日誌 ] [ 分享至FACEBOOK ]


白老鼠 鬱悶 分類: 未分類

今日去考中文..就起自己樓下..落去都幾快..


之後考閱理...考完自覺有7成..以為A梗..(原來6成就B咁上下..我以為係6成5...但上年有師兄整體成績大約6成都B)~


之後考作文..突然唔識..坐左起度半個鐘有多都寫唔到咩野...一向以作文為咁多方面最好的我今次居然o左起度...


勁想發脾氣...手突然冇力..其實有一篇都岩我作的..但我當時想唔到果篇係咁作...但我都係作左個篇..


由於時間少..只係用左一部分的修辭..4x分鐘只寫左800幾字比佢..睇黎B都難..驚離題...好唔開心..


下午同一個師兄講完..佢估計我篇文有B..但我自知用得D字唔夠好..都應該得C...


閱理朋友係咁講答案出黎..我唔想聽都要聽左..結果知道自己冇左7成..65%都應該冇...而家只期望起6成度..希望有B


由下午一直傳出今次好難..個個人都罵考評局的音訊..因為出得難不在話下..更把多年來的文言文傳為詩歌..而詩歌排律的韻腳居然也不跟從詩歌特有的規則..O了..


晚上..謎團解開了...有傳話今次3篇文..第一篇(我應該囉75%)的那篇是中七的出F.7既文..第2篇(我4成~6成)的那篇是大學教材..答案曲折離奇..最冇可能發生的居然是答案...


第三篇(我拿6成左右的)雖然是正常..但比說為問得很玄...而且今次大部分題目都係TICK格仔..一TICK定生死..打破以往考試這種格式只估約20%的傳統....


結論:今次考評局比人罵死= =...下年的教師一定說我地今年D人比人玩..一考就O咀坐起度= =....本身目標係C..其實如果唔拿B黎補數學..真係好難回原校...所以有點壓力..而家兩份一份B一份C呱...就算係兩份C到頭...只要起下面3份考好D就OK了..明天再努力...一天定高低..

下午去左銘恩堂..唔記得帶證..之後回家囉完再去...吹左成粒鐘水..多得兩位人兄教導..雖然唔知你地叫咩名..但竟然ok好傾..4個傻瓜起度吹..

之後溫左半粒鐘書就回家..明天晚上又要出去食飯...唉...突然有點per下per下..但我真的累了...

發表時間：2008-04-26 12:14 AM  [ 訪客留言(0) ] [ 編輯日誌 ] [ 分享至FACEBOOK ]


2008 年 4 月 24 日  星期四   晴天


又完左一科 分類: 未分類

近來自己世界中..好似改變左一點事..

因為好多事的著眼點好像放左會考身上...例如行過一d食市等..總之覺得好多野都唔同左..好似好多野都唔想去理住..

今天早上等左方成泰一陣就去何中..起出面企左超耐..8點15分先入去..band1真係比band2&3既禮堂大囉= =...但都唔夠我地大..

入到去個考官先話其實我地係可以一早入黎...真係o下先得...~

今日好樣衰..因間尺有字唔知得唔得..比左佢拎左出去check...

做paper1第一題死得好嚴重..估計25分先得8分左右...之後果d選擇題做做下又轉題..但都做得切..感恩..果兩題應該可以好d~

大致上有10-13/20同14-15/20左右吧...所以應該有5成呱...之後mc都幾易..但我唔對答案住..免得有點打擊..聽說易到要35/50先有c...

我都希望應該有35/50...姑姐仔頭10題岩3題..都有35/50- -.......呢科應該d到呱..少少危險啦...比預期好一點...但係都冇咩用處..

因為都唔係我預計分果科...反而明天中文就要努力..我的目標是5*..也就是7成...希望得...

因為我的實力係起b~c中間..所以為左要囉b..就要把目標定高一點...這是周同學教我的~

之後番左學校..再回家拿書..去左豆大食車仔麵..又回校溫+hea...

想去打波..黃梓熊唔記得約左我..之後佢做中文d exercise...我起圖書館睇左陣多啦A夢..就同方成泰去左銘恩堂溫書...

做左份07年past paper..上次都冇咩好好認真做...雖然有少少印象..但係都唔算太深刻...有d地方明知咁做可能安全少少..廢時博高..因為博可能失..但係都博左..

結果真係失左...但係做出黎就係63/90...7成..如果聽日有呢個成績就好了...

不過最希望都係明天作文個題目..我最擅長作記事+抒情+描寫文..仲要係寫唔開心果隻先高分...如果出唔正有機會大獲...

今晚要做d訓了...明天是我第一科反擊的科目..如果中文拿到B..就易入CPU好多..如果唔係數學或西史就要囉C..幾難..或者文學要囉B..

但文學一時好到有B..一時差到C或D...希望明天加油了....

發表時間：2008-04-24 11:56 PM  [ 訪客留言(0) ] [ 編輯日誌 ] [ 分享至FACEBOOK ]


2008 年 4 月 23 日  星期三   晴天


事情正在變化 不安 分類: 未分類

來到今天..理科的同學都已經開始左第一科..文學econ的同學明天也開始第一科..而中七有些同學明天還在考..

也可說是全民皆兵...為左公開考試..都好似奮鬥到盡點咁...

今天..回到學校..只有很少的人..雖然人不斷的回來..但是還是不能盡填坐位上的空格...

而我也安靜地溫左一個上午書..但係訓左陣..近來好累..事因是由於上次考電腦前一天早睡但反而睡不著...

下午..當理科朋友回來的時候..坦也說他坐b望a的時侯...心中有一點點的妒忌...這真是不應該的..因是犯罪得罪神..但想到自己成績有幾可能這麼說..心中又是一種難受...

今天多得區詠詩同張美玲的解釋..總算有少野明多左...之後坐左起度做05年past paper...得到佢地加上李斯斯的幫忙..有d野都做到的..

但是不專心的去做...但結果也有31/50...後來同方成泰去左食吉野家再去銘恩堂溫書..做07年反而得23/50 = ="...看到後面個表格佢話好多考生都錯誤選左果個..好多我都有份= =

地理這一科...我沒壓力...因為不論這科拿d,e,f,u...對我升中六來說也沒甚麼影響~

晚上..食飯的餸很不合胃口...幸好有僅存的兩隻雞翼和蝦仁炒蛋...食了點...因為之前5點幾6點先食完吉野家個飯...

明天可以了結了第2科..也是挻高興的...最少..能把兩年來的東西盡拋腦後....

現在..基本上確定了還沒到手的兩份生日禮物是要一支外國進口璣竿x1和收支2手9mm蔣澎龍配上新bryce...

雖然人地話plasma比bryce快...但我總不能信..因為bryce的速度...實在叫我難忘.....

今天興奮的是...我看見有人sell bryce 255$...這塊最舊版最平仲要係團購都要260$...雖然大長老有塊240$賣..但係呢個人相信仲可以講下價先...

而且我希望佢果塊唔係淨bryce...而係最新出的bryce speed....雖然九叔叔的crack都幾好打..仲要係70$左右就有..海綿中又有一陣獨特的香水味..是很吸引的膠..

但是既然係禮物...就買貴少少啦...始終都係bryce應該好打d...我咁大個仔都未試過用塊貴過200$的膠架..仲要用起蔣澎龍9mm身上..

這塊日直起日直中可說穩據中上階級好手用的..再上就要過千的蔣澎龍10mm..或者係1500左右的白金柳承敏10mm..cypress-max 10mm...新金澤珠10mm..

如果有人送塊老金澤珠比我就好啦...哈哈哈...絕版野..市面上都唔出售= =...比我有都唔敢打...........

以前賣700幾蚊..而家炒到成1800蚊..我打日直的年資都唔係好耐(我打時都升到過千啦)~所以話...買乒乓球日式版真係好好既小投資...

原因好簡單...因為日檜美洲檜已經冇晒...而家出的新金都係用台檜...再冇就要用山東檜...再冇就打碳殲了= . . . =睇黎有錢真係買番幾塊存起佢...唔係以後冇晒貸想搵黎打下都冇...

d人囉d檜黎做傢私 \  .  /比我用黎做番支就好啦打日直的人應該都有d同感...

發表時間：2008-04-23 11:06 PM  [ 訪客留言(1) ] [ 編輯日誌 ] [ 分享至FACEBOOK ]


無言 分類: 未分類

陳進灝同學~你的論點我不太認同~

1.夢想一定要有事實基礎  <--...這是理想...夢想好多時係永遠唔會發生.."就好似我想係超人"..例子一個

2.我唔認同5,6十歲的人做指揮先係勁 <--唔係自大..因為事實上好多指揮家都好勁..但係少於5,6十歲

3.我唔認為大陸人打乒乓球先勁  <---唔係自大..你能說其他國家的運動員是廢物嗎?我自己打日式直板就覺韓國柳承敏勁

4.成班一齊憎我  <---請知事因..原因1..我責備過一些人拍拖..原因2..我唔同佢地借功課等...原因3..是一班一定要有人比人玩先可以過到..原因4才是我衰..中三喜歡串人

我和你不同...你可以跟他們一起去用非法的東西..一喜講粗口...一起去做一些大家認為對的事..特注:我唔認為自己好好..我也有很多罪..只是我不能認同你們的做法~你想我很喜歡去罵人嗎..我也不想..只是我只去盡我的本份去告訴你們不要做一些錯的事(注:我沒說自己一定做得很好)~我只是怕我不去告訴你們..神會責備我

5.你說我自大  <--從來我個人好有理想..但我自知沒有實力..我對呀媽說我想入北大讀中史..但我也說過這跟本是沒可能...這只是我的夢想..而且你為何說我自大...我不知道是否你覺得連你也做不到就看我一定不能做到才說我自大...如果是..某程度上我認為你是自視過高才去看低人..特注:我沒否認你的實力..我知你多方面都好厲害

6.專政一事  <--誰也知現今是沒有可能...也是我去幻想下..你為何要這麼空閒去拑制人地思想..是否你想把我變成一個好似機關人般只聽你說話?我不會這麼樣做

總結而言...其實一向都冇事...只是你知道我有些夢想..是不可實現的幻想時..就去攻擊我..你不想想人人都有..小朋友也想過做超人..你又不去周街去罵他們?

在5a班...基本上不說粗口..不借功課和書..不同流合污是沒法合群..但我是不會這樣做..結果顯然易見..我盡力去幫你們..你是知道的..

哪一次你說要資料..或是我見你有甚麼好像有問題似的..我不是也去主動給你嗎...對這班也是....你們吩咐我做的..只要是對的事..我腦海中暫時未找到一件不給你們做的...

但每次幫完你們..得到的可能只是一些責備的話...我也忍受了...現在你反倒用這事倒轉來說我...還真的可笑也...每次大家吵完..我不也是檢討過..自己有錯就會認和對你們道歉嗎...只是你們自以為你們這兩年對我一點也不錯..包括無數的諷刺譏笑...

我真的不想跟他再吻這個無聊的問題...要是你想再找些人或找我來批判來解你愁悶...我真的不知如何再答你...

到這裏..我為著語氣和一點的冒犯仍然說聲對不起..因我不能確保我自己沒錯.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今天番學溫書很無聊..溫了不太多..好似唔太入腦...原因是太累了..

溫溫下又訓左..再溫溫下又傾計...to鍾浩賢:今日整你隻錶..見你好似唔係太開心..對不起啊...見你突然去左溫書少講野..有點出奇..可能明天的phy給你也不少壓力...

今日李雅浚坐左埋黎時...講左d野屈坦機..但真係好好笑= ="...之後唔記得佢地講緊咩野..坦無啦啦唱歌= ="很爛..但好多人包括我係咁笑= =...help..

hugo今日拿左本geog過黎做..但係d choice d內容十1之八九都唔識咩字..差唔多我地兩個都要o晒= =...

今日下午miss tang唔比我打一陣乒乓球..心中有點不2開心..雖然我只想打幾球...之後多謝李立喬借鞋一對給我....

就同左黃梓熊去打壁球...雖然我都係自己玩過幾次..但佢玩得少過我...比我屈左陣機...但大家打得幾開心...最衰是6點先有場..由9蚊變左27蚊半小時= =...

回家後食左d野~又溫左陣書..之後食晚飯...個人好眼訓...- -地理呢一科我唔太著重...只是盡力去溫吧..雖然也好像不太盡力..因為有點似飛書..

回學校溫書不能太集中..但一班同學一齊溫又好似比個人起home好.....不過中史...文學呢兩科..雖然有得回來溫..但也要在家煲熟佢...

今個星期唯一可說較緊張的是中文...希望keep住學校個成績..出去拿個5等回來...這樣入cpu才算是跨過一大步....

好想快d考完...又可以過番d休休閒閒的生活..每天有空去打下波..同人去鑽研下技術..有輕又去釣下魚..為貓仔醫肚(大美督先見到)..真係幾賞心樂事...

發表時間：2008-04-23 12:37 AM  [ 訪客留言(3) ] [ 編輯日誌 ] [ 分享至FACEBOOK ]


« | 4 | 5 | 6 | 7 | 8 | 9 | 10 | 11 | 12 | 13 | »