今日訓到2點先起身,之後左個勁豐富既下午茶,食到好飽返屋企睇埋18禁不禁,好睇~

最後一集既金句

19集
愛情最怕吃醋嫉妒
勇敢告白永遠不嫌多

校園既生活真是多姿多采,真教人懷念。青春就是青年人的本錢,不怕輸,只怕沒有嘗試。只要做到自己都沒有遺憾就已經足夠了~

今日本來返工放1點,不過yuki話d野做唔晒,又要返學,所以留到5:45先走。我諗以後都係咁啦

兩個人帶住疲累既身軀去元朗上shipping course,勁眼訓,不過我都冇訓到yuki就訓左成半個鐘,阿sir都望住佢,haha!!!之後就返屋企loo~

今日勁眼訓,都唔願得起身。返工又多野做woo,都冇咩機會休息下~放工就返poly借書,搵左好多耐先借得一本。

7點半上finance,大部分都係concept,好悶9點半就上埋個tutor,tutor就好好多,有d數計下,同以前既account差唔多。不過個個week都要交assignment,d workload都重下,要加把勁先得la,如果唔係死緊

呢兩日都勁凍,要著好多衫返工...

16/1/2008
返完工,返學上management science,都唔係太難,阿sir係星期一simulation既阿sir,真係岩,哈哈

17/1/2008
返工既時候,要練slogan,好搞笑放工就返學上discrete structure,第一堂教logic,以後pure maths已經學過,so都冇咩點聽,傾下計,訓下覺就完,希望之後唔會咁la

p.s.肥菜calculus拎到c+,congratulations,釗又可以升到,終於可以做正式既同學仔la。

今日約埋雞一齊去做回鄉證,順便叫埋志偉一齊去玩。12點一齊去冰室食個lunch就去大埔做回鄉證,果度勁多人,等左兩個鐘先走得,企都企到腳軟之後就出荃灣打保齡球,係緣怡見到sunyee既同事,仲比佢地見到,比佢地拉住tim急急腳就走人~

係保齡球場打左3局,學生價都係$12/局,ok低我同雞都最高打到120分,ok嫁,哈哈!!!志偉就差d啦。then去左沙嗲王食晚飯,最後搭278X返屋企。係車度咁岩見到雞個姐姐,真係有緣志偉成日都係唔出聲,真係比佢激死...係搭車既過程中,見到有交通意外,架車撞到不似車型,都唔知個司機死左未,9點就返到屋企。

夜晚諗住煲d鮮奶飲,點知煲爆杯,好黑仔~

p.s.yuki今日好唔開心咁,直接影響我既心情~