今日約左yuki去溫書,佢話做我既助考團woo~不過我11點先去到,得一個位,所以遲少少先叫yuki起身。佢差唔多兩點先到上水,我帶佢去廣成食tea,佢話好好味唔好味我就唔帶佢去食la,傻瓜之後溫到5點就走人。返屋企放低d野,順手幫yuki整番副眼鏡,then去買d零食就起程去九龍灣。比預期遲左少少,mandy同佢個朋友jennifer都等左好耐,真係sorry不過一去到就有得入坐--別府。等埋joey同佢個朋友薇薇就叫野食,食完就搭車去九龍展貿中心。

stepthy個show都真係麻麻地,好彩有其他嘉賓--張敬軒,方力申,都唔使咁悶。sunyee有好多同事去左睇,我都yuki一路睇,一路食,一路玩,都幾開心既11點到就做完show,then影下相就返屋企。

今日係考試前最後一日返工,都唔算太多野做,1點到都差唔多做晒d野。本來今日心情都冇咩野,點知個yuki搞到我黑面。van帶左個仔返公司,好cute,但係我都冇咩時間佢玩。不過佢又係咁望住我,搞到我都幾尷尬小朋友,等下次先同你玩la~兩點就放工,同yuki去左旺角睇戲--塚愛。睇之前去左行下街,食下野。臨睇戲前,yuki話胃痛woo,咁米去m記買個飽食下,方便食藥。4點45開始睇戲,買埋個爆米花食下。套野都ok既,只係d音響嚇到人。yuki就同上次一樣,驚到瑟縮一角全場對d驚嚇面都係大笑,同yuki就完全兩樣表達方式,個ending都好慘!!!

then就去行下書局,之後就去食「大久保」,個receptionist叫我地去買本「3週刊」,話有8折,哈哈!!!間野都幾好,有電影睇,d野又好食,可以encore咁岩播緊既電影係「十分愛」,又係stephy,呢兩日做d野都關於佢,有冇咁岩呀!!!我地食左差唔多3個鐘呀,超耐!!!走之前播既電影係「回魂夜」,原來yuki未睇過嫁,佢睇到係咁大笑

最後就係征戰機舖,我都係第一次玩打鼓,拍拍機,都真係幾難玩,大比數輸比yuki,比佢威番次la之後玩頭d,比我贏番妙義,哈哈最後送埋佢搭車就返屋企。

今日都玩得幾開心~

今日又係一個月一次既公司大會,lunch去左食韓食料理,我同yuki都揀左石頭飯,食到個人都熱死,仲要最後果兩個食完,真係有多少唔好意思之後4點開會,都係好似以前咁得個坐字,哈哈好彩今次個會係咁耐以來開得最快既大會,1個鐘就開完,fit

放工約埋釗去食burger,都係呢個sem最後一次食la。之後上埋呢個sem既最後一堂就返屋企loo。跟住就係黎緊既考驗--考試:

11/12--decision analysis

14/12--principle programming

19/12--futher calculus

都差唔多係時候要全力沖「廁」la

今日公司又比左一人兩張stephy既演唱會飛(今個星期日)比我地,又要去多次la。呢排真係多野搞,搞到冇時間溫書。夜晚返poly問case study既assignment,都真係獲益良多!!!返一堂勝十堂呀仲要可以24/1先交。

今日派futher calculus第三次test既卷。開始望一望個board個分數,橫睇掂睇同我之前第一,二次分數吻合既得11分,果一刻既心情真係晴天霹靂勁唔開心呀!!!等阿sir叫出去拎卷,見到個分數有33分,當堂開心返晒之後望返個board,見到有另外一個分數都吻合,原來都係自己睇漏眼姐,排名都有第六,都唔錯la釗今次就得13分,都真係唔掂當!!!仲比我知道肥妹仔兩之最高分加埋都係得13分咁誇張,都唔知佢點算好,睇佢仲咁淡定,真係高EQ呀考試一定要拎高分,盡可能拎高d grade,加油!!!