今日係年初一,例牌要朝早起身食飯。起左身都唔眼訓,咁米睇下電視囉,都ok悶下~

下午d親戚黎屋企拜年,二姑丈突然間暈左,嚇死我地仲叫埋救護車,都幾大事。好彩都係飲醉左la,不過佢又唔係左好多za woo年初一就咁都真係幾唔好彩~夜晚全部人係屋企食飯,新年要見既人都八八九九嫁la

睇到朋友一個xanga,佢既願望同我一樣
「我只想有一個簡單的伴侶；
一個可以分擔我喜怒哀樂的人；
一個可以讓我關心的人，同時她亦會關心我的人。」

「希望我的家人可以一生健康和快樂!!!」

其實都係兩個好普通既願望,希望新既一年會實現啦

今日係年三十,不過都要返工。今日都唔係太多野做,得閒打下機,同ricky吹下水,幾開心本來4點收工,不過臨收工前比terry捉左去傾計,佢同我傾d bonus & contract既事。我都心淡嫁la,都冇咩所謂我就襯呢個機會同terry講話唔做,終於都鼓起勇氣la(欣賞自己!!!)又少多樣煩惱la~

放工比埋封「利是」yuki就返屋企loo,記住唔好用呀

年三十緊係屋企食團年飯la~
希望新既一年會有好既開始la~

大家一齊開開心心咁送豬迎鼠

今日返工勁眼訓,因為食左藥出左糧la,冇bonus...心淡~放工同yuki去行花市,點知兩個人都好累,最後都去左,不過又冇野行,都ok悶之後就返上水。

成日都好似以為返埋今日就放假,不過唔係...

今日返工都幾開心,一齊講笑,一齊食tea,good放工同yuki去元朗上shipping course。佢話我件衫唔靚,唔比我著,想凍死人咩,最多下次唔著囉佢成堂都係度訓覺,哈哈!!!then返屋企loo

p.s.Van今日又被junnie激到喊,呢個人渣真係冇d人情味

今天天氣勁勁勁...超超超...凍,都唔願得起身。今日工作非常輕鬆,冇咩大事發生下午開左個operation會,都係講d普通野。之後個個同事都要簽張協議書,then就放工。

返poly上finance,搞錯左地點,累到琪琪佢地四圍走,sorry上堂上到最後好眼訓,小睡左片刻la