呢幾日個人病病地,冇咩精神,食野又冇胃口,勁慘今日返工開左個operation會,成個會都係度發呆

今日係2007年既最後一日。返工有個好消息--人工可以加到$6500開心死yuki放工之後同yuki一齊去旺角食「五月天」,果間野d野幾好食,又黎得快,不過d氣氛就冇「大久保」咁好。8點半就食完走人,離12點仲有一段時間。跟住去書局睇下書,一行就行左幾間書店。之後去左仙踪林飲野,一飲就11點。好彩打比雞,原本諗住去尖沙咀倒數,佢話好多人,so改變策略,走去「奧海城」倒數。果度有棵聖誕樹,金光閃閃,好靚嫁買左支發光棒準備慶祝倒數,點知支野唔係好識閃,有d比人扼左既感覺不過算la,咁開心冇計la同yuki好開心咁迎接新一年既來臨雖然有d野冇講,但係希望新一年既願望會成真la!!!

係唔係好靚呢...

祝大家黎緊呢一年過得健健康康,快快樂樂!!!

今日返工係咁fill doc.,做到下午先做晒講真都幾多下,好彩有成哥幫手之後就一齊玩下鋤大dee,yuki同stephen都好弱下,不過最後yuki都贏番個尾,都算叻女嫁la

放工約埋wing同佢老公,爸爸BBQ。yuki,mandy,mandy表姐,成哥同我一行五人入元朗。間野都幾好,d野幾好食,又有電視睇(有now嫁),最衰係冇其他野玩。yuki係咁食雞翼,佢真係好食得大大話話都食左廿隻雞翼。9點幾,胡生都黎埋。食到11點,jacky黎join我地,不過小部分人都走左。最後玩到12點半先走,搞到冇巴士搭返上水,要坐的士,要差唔多$100呀,幾貴下...下次要小心d先

今日終於出聲同terry傾contract既事,人地唔講就唔傾,都冇d誠意既盡晒力都係爭取到加$300人工,比expect既$500少左,都真係好唔滿意,考慮緊簽唔簽ricky今日冇返,我要落9樓整d叉電器。

今日係志偉生日,約埋雞,look榮幫佢慶祝。係九龍塘陪志偉買衫,送左頂帽比志偉。then去左九龍城黃珍珍食飯,都幾好味,同埋又唔係太貴,good全程有傾有講,勁開心!!!好耐都冇試過咁多野講la之後去尖沙咀打機,好左好耐,好好玩最後去食埋糖水就返屋企。

p.s.雞今日唔見左鎖匙...

今日係聖誕節,亦都係wing婚禮既大日子,congratulations我都係第一次去朋友既婚宴,好開心4點幾去到幫下手。之後打下麻雀,影下相就開始入席。

wing好靚女!!!

好sweet呀~

成個婚禮都有心思,睇得出wing擺左好多心機落去。仲有一班姊妹同mc,佢地都好落力,令到個婚禮生色不少。

兄第與姊妹團

三個無敵mc!!!

當中有抽獎,玩新郎哥,好開心嫁~不過我發覺一對人既親戚唔係太投入,得我地sunyee既人係度叫sunyee既同事一齊送左d禮物比一對新人。
照住一對新人做嫁,似唔似呢?好靚既聖誕樹,金光閃閃!!!

最後我地散席之後,走去台到影相,玩下...

換左晚服既wing
勁型既ricky,成個G4咁款,HAHA!!!

最後我地仲爭花球,仲比我爭贏左tim多謝wing!!!

送花比我呀

最後送左個花球比yuki,開心~

個個爭住同yuki影相,我都唔執輸,影番張,哈哈!!!

最最最...後,分埋d利是就走人。我分到$120,好開心

祝一對新人百年好合,永結同心,連生貴子,開開心心!!!