今日約左刀仔同志偉食lunch。刀仔都返左黎一排,呢次都係第一次見佢,佢都冇變過lunch之後返屋企打機,志偉打得開心夜晚約埋雞,小航,樂,漏奶,till去食飯,好難得中一d同學仔返晒黎一聚~真係幾開心,之後去公園仔影下相,玩下小航架電單車,then就返屋企。

今日放工去左睇concert,要走到博覽館都真係有d不願意,不過算la,見yuki咁想去放工約埋joey同佢個朋友阿怡去食飯。佢地未到之前,我同yuki去左打機,打「頭d」佢竟然係玩妙義(最易既一關),被佢搞到呆左我仲講左輸左請食飯,咁我真係輸左woo,之後玩返d難度高少少既賽道我都贏,不過都冇用,都係要請食飯我份人都唔會賴帳既,都請左佢食飯。食完之後就去搭車,我地4個人都唔識路,好彩都去到目的地,不過係遲左差不多成個鐘

個concert有joey,eason,韻詩,巨基,志安,千嬅6個人。個個人都傾力演出,eason真係好q勁成個埸館既氣氛都好好,最後特別嘉賓係林憶蓮。睇到12點先走。之後因為冇火車,去旺角轉小巴。2點先返到屋企。我今日先知道去機場既車費咁q貴嫁

p.s.yuki打機都可以打到流鼻血

今日要交programming assignment,不過返工要開會,搞到我遲左放工,最死係我都未搞掂個assignment。返到poly要即刻搞掂佢,好彩都搞得掂

今日放工同van,yuki去睇結婚禮物送比wing,佢地提議畫卡通漫畫既費錢都好貴($350 for A4紙)之後睇左其他擺設,都唔錯既,遲下同大家商量下買咩。之後就poly傾project,不過都冇咩傾過,都係分下工,講下add咩科

今日係我第一日返工見到joey(佢第二日返工)。佢個黑眼圈勁大,lunch同yuki, joey, ricky, van一齊去食lunch,幫joey補番個生日下午,劉生送左d演唱會飛比公司d人,係今個星期六,係返工先去za,咁死咁遠,要走去博覽館都多謝佢既,一番心意