大丈夫....さぁ前に進もう....太陽をいつも胸に!!!
願いをつかまえようよ....ボクらはひとつ....One Piece!!!
sl198734
暱稱: 海賊王に、俺はなる!
性別: 男
國家: 香港
« June 2026 »
SMTWTFS
123456
78910111213
14151617181920
21222324252627
282930
最新文章
2007-10-23
又期待又渴望......= ...
2007-10-21
啊~口~
賤骨頭~"~
訪客留言
最近三個月尚無任何留言
網站連結
尚無任何連結
2006 年 3 月 8 日  星期三   落雪


一個字講晒 分類: 未分類

恨.....

2006 年 3 月 7 日  星期二   晴天


心尾又買左副貴GAME= = 分類: 未分類

今日又係返到去....JUDY唔係鬧就串.....

真係好難頂囉....妳心情唔好....妳唔舒服....

我又好舒服....心情好好咩.....??

不過我都冇出聲.....忍左佢就算喇.....

之後搞完左漫長既死人inkjet d單....

同埋d仆街相紙.....攰死人了....

而家卒之輕鬆返d喇....跟住打下shipping mark.....

上落n次....到食飯個陣.....

本來阿JOE約左我、JUDY同埋SO肥、DANIEL去食飯....

但係DANIEL又唔係度.....JUDY又話唔舒服唔去....

淨返我同SO肥、JOE....我又真唔想....

所以就改左第日齊人先喇.....咁我就落去買飯吃.....

買完之後就上返YLE....咁我、winki、candy玩我新開既RA.....

家姐、師姐、阿傑就玩心尾副砌圖.....

心尾就一個人一次玩兩副GAME....哈哈....

呢邊叫完"心尾...到你喇...."就到個邊嗌.....笑死左....

之後玩到搭三....我地先玩完一次副RA.....

死人心尾又贏左喇....鬼叫佢老屎忽咩=3=

之後就返埋位傾MSN....WINKI又同我談心事....

唉....家家有本難唸的經.....真係....唉.....

傾下MSN....又做下野....但係時間都難過...慢到嘔泡泡.....

又落去一樓問家姐、師姐佢地拎文具.....好乸煩.....

個大釘書機又係死SO肥話要.....訂左又唔訂埋D釘.....

仆街丫....又要我落去拎....搞到下面又冇咩.....

妖...前排我地又唔得閒SD EMAIL話比家姐知我地要訂咩文具.....

得閒既又唔撚做下呢D.....同一間公司唔係呢D野都要指定我或者JUDY做啩?

然後家姐比左馬高既另一個遺物....高達MK-2既果子玩具比我=w="

好型....搞到我又想拎套one piece果子玩具返去放添-v-

卒之到放工.....咁我就等埋心尾、winki.....

落去ok....同家姐、師姐一齊....師姐就行過黎沙田搭火車走....

winki就搭火車過黎沙田再搭283返入屯門....

咁我就同心尾、家姐去mk....一齊過去戰棋會.....

個個ann姐休息...有一個幾可愛既女孩子頂佢個位=v=

心尾幫我問副俄羅斯方塊幾多$$....個妹妹睇過.....

12x....心尾話佢個副23x定24x....差左舊幾水= =

我驚唔係心尾個副....所以都唔訂了....

跟住心尾比我同家姐說左佢買副4xx既棋....

家姐就走左....因為佢約左佢之前大學D FD....

副棋複雜到嘔血.....張張咭都有段故.....仲要係水蛇春咁長= =

而且大個d咭....應該都有250至300張咁上下.....

細個d咭....都有百零二百張咁濟....仲有d佩物多到不行....

其中有都十幾廿張人物...令我最有好感既人物.....

都係個個靚靚又可愛又清純既學生妹....我既最愛A____A

心尾心儀既人物就係個大波少婦.....心尾果然鍾意"波啦"= =

執返好晒D野....我地就走....

2006 年 3 月 6 日  星期一   晴天


麻目了= = 分類: 未分類

好唔舒服喔....返到公司.....

judy又要比面色我睇....又要發我脾氣.....唉....

我都忍喇....知佢都一係心情唔好或者唔舒服喇.....

之後一路唔出聲咁係樓下做野....

winki又補返同我講生日快樂....仲錫左我一啖=v=       (msn入面...哈哈)

到食飯....我地玩新game....(p.s.用踢桶改成).....同埋俄羅斯方塊....

家姐同師姐超茅.....激死左=3=

之後我地食完又開工喇....同埋JUDY、SO肥一齊落去一樓點埋D SAMPLE....

黃容無啦啦請我食糖....估佢唔倒....=口=

SO肥同埋JUDY....佢兩個好似好驚訝.....

JUDY仲話佢食左屎....心情咁好.....

我都唔明佢駛唔駛咁講野....黃容係口賤都唔駛咁架.....?

之後JUDY心情一路轉好....呼= ="

到六點....同心尾一齊去MK....

去戰棋會....心尾勁煩....整左張LIST添....

問左個個ANN姐幾勁耐....好似都有十幾口隻GAME= =

然後又訂左五六副棋.....我記得既有"開膛手傑克"卡GAME版、"WHO'S THE ASS"...其他都唔記得.....

我就買左一副"太陽神RA"....順手幫阿占買左兩包咭套.....

副蟲蟲要用嘛....買左之後去入面點下數....

同埋心尾又教我玩喇....我已經識玩了=w=

買完之後....心尾去應約.....我就返歸....

 

p.s.大姐今日第一日返工....唔知佢又做唔做得長= =

 

2006 年 3 月 5 日  星期日   晴天


好唔開心囉.... 感動 分類: 未分類

今日一起身....聽倒一個唔好既消息.....

但係呢件事我唔想再提了......

 

願主保佑佢.....!!

2006 年 3 月 4 日  星期六   晴天


好開心~~賓賓&我 生日快樂~~!! 愉快 分類: 未分類

今日係我同埋賓賓牛一啊~~仲要新舊曆都係同一日....十九歲了~~哈哈~

祝賓賓同我都生日快樂....心想事成>w<

同埋多謝同我講過生日快樂既人~~多謝您地~~

==========================================================

尋晚十二點幾....賓賓打左個電話黎同我講生日快樂....

雖然我係好眼訓....同埋好攰....係度不停爆粗....=w=

但係我真係好開心的....語氣重左好多...唔好意思啵....我都唔想=v=

傾完之後....我見倒阿堅sd左個sms比我....多謝您啊....

雖然我真係眼訓到不行....我都冇回佢....

咁就再訓返....到唔知幾多點急尿急醒左...= =

但係今日都搭半起左身....老母就比左封利是我.....

之後佢晨早就出左去買餸.....因為大姐好似話唔知幾多點....

出去唔知邊度簽約....唔好話我口臭= =

睇下佢又做得幾耐....或者做唔做丫....真係丫...

前排明明搵倒工又唔去做....唉....靠佢....唉= =

之後我沖完涼就返工了....今日反而仲早左返去.....

唔多夠精神....都唔太想出聲同埋唔想講笑....

搞到judy以為我心情唔好...真係十萬個抱歉.....

但係聽倒咁多人同我講生日快樂....我真係好開心....真的...

生日還生日....都要做既....落去拆箱搵錯左數個d貨....

由二樓拎D貨落去一樓....英英叫我幫手拎野落去比BILLY....

我拎到落去....跌左個信封...入左D錢入去....好彩搵得返=口=

同埋咁岩阿晶又整左蛋糕類既物體返黎.....

我又唔客氣了.....多謝阿晶....好好味喔~~

跟住judy又叫埋so肥同埋daniel落黎幫拖....

開左兩箱....死so肥又嘈之巴閉....頂佢丫....

難為我開左兩日喇...正仆街= =

我地比so肥煩到放棄了....佢地傾左陣....

決定....同阿joe講返件事....咁我地執返好地方就上返去....

然後polly又唔知係邊拎左d電話繩出黎.....

好乸靚....好似係sample定唔知乜叉野黎既....

佢比左其中一條我....係蜥蜴來的....

閃下閃下....正到爆....我好鍾意=v=

不過有一條係蠍子來的....比死人so肥搶左....凸=3=

同阿占傾數....我用260蚊讓左副蟲蟲比佢=v=    (我買個陣...係252蚊...哈哈....食水太淺=v=)

之後做下d濕濕砰既手尾....就等到放工....

本來仲有野做....但係judy點都唔肯比我開OT....

講左N次話唔緊要...佢又點都唔比我OT...我都無論逆佢老人家意=w=

我順手"借"馬高既遺物...個隻蜘蛛wab cam....哈哈哈.....

冇人見倒....很好....遲d問下馬高個隻野係咩牌子、model之類=v=

咁等埋阿占....一齊走....之後同ada一齊返左黎....

跟住ada返屋企拎野....我帶阿占上我度....拎左副蟲蟲比佢地....

拎左比佢之後就行過去車公廟站度....會合埋ada就出去金雞.....

去間仙果園(唔知有冇記錯)食飯....阿占請=v=   (多謝阿占)

之後上去金雞....阿占幫ada溫書....我就睇住漫畫先....

佢地溫完書就開副蟲蟲玩....好好玩既....

不過係d英文太多....我唔識睇= =

搞到我輸得好慘....頂丫....T^T

玩到六點幾....叫阿占比返兩舊六我....  (副蟲蟲)

同埋ADA埋單....哈哈哈   (多謝ADA)

咁就各有各散....我就即時返屋企喇....

返到去....隻狗唔知係咪知我生日呢~~~

佢做咩咁癡我既....係咁同我玩...但係我又唔想理佢啵=v=

食完飯online....on左之後....敏敏同埋楠楠又同我講生日快樂...

好開心喔....多謝妳地....

某人....又sd左個sms比我....同我講生日快樂....

件事都過左咁耐....冇理由我咁冇品....

人地叫我都唔應人地喇....而且要嬲....要憎既都過左喇....覆返佢喇....

之後屎忽痕....悶得濟sd左sms比賓賓同埋阿堅....

叫佢地on黎陪下我....真係悶死=w="

但係佢兩個仆街又死左去打邊爐=3=

賤人....搞到我都好肚餓添=w="

======================================================================

今日有同我講生日快樂既人~~

老母、大姐、阿堅、賓賓、judy、小boe、家姐、師姐、ADA
daniel、阿占、polly、英英、billy、阿晶、敏敏、楠楠、森、EX...

仲有D唔記得既...唔好意思了= ="

我真係有點兒失憶.....總之都謝謝您地咁多個喇>333<