真係嬲嬲地添.....個死人日記連續兩日都上唔倒....
佢一陣話升級失敗....咩都冇Q晒.....
一個月又淨係比人BACKUP一次....上次備份左係....二月七號= =
================================================================
今日返工....背脊仲痛喔....媽的= =
跟住返到去做既野都唔係最值得記....
要記既當然係同久違既楠楠傾左好耐計喇....佢比我既感覺唔同以前....
好似係好左d.... (以前....唉= =)
有一件一世難忘既事.....發生左係二樓倉度....
咁我尋日早走左既.....judy就叫英英幫佢手執左張相紙個張單....
佢地兩個就張五十幾箱咁X重既野.... (箱箱都好x重的)
分開一層放左唔知八箱定咩....都整到幾很高下既= =
我拉左隻唧上去....一唧.....一拉.....
砰一聲.....其中兩棟倒塌左.....
地下係震晒....英英阿姐同埋咪咪即刻走過黎睇野.....
英英阿姐係度一輪嘴咁叫我地整過佢.....
頂丫....鬼唔知咩....粉刷= =
我地搬到抽筋....搬好之後就封保鮮紙....
為左安全起見....封到好厚....即係轉左好多圈....
轉到個頭好乸暈....有點兒作暈添..... (打到呢度....一諗返....我都有d暈= =)
封好保鮮紙....坐左陣.....就想唧返埋一邊.....
因為執過之後....d重量平均左.....所以....= =
用隻短唧....唧起左呢頭....個頭唧唔起=口=
塊卡版仲要差d爛埋....幾驚= ="
跟住放棄了....遲d問阿石佢地借隻長唧....
之後我推返架唧落一樓...上返去就做住d唔知咩野.... (唔記得)
到食飯....我地一路食....一路傾計....
今日冇玩game....傾之前會考中文既課文=w=
最正就係....家姐、師姐、winki同埋我....之後daniel入埋黎....
我地考過或者讀過既....心尾都冇讀過....有D仲....未聽過= =
連經典既《水的希望》《庖丁解牛》《楊修之死》《暮然回首》佢都未讀過....
只係記得一個《畫蛇添足》.....哈哈哈~~~笑死左....
會考考畫蛇添足....笑死左我地....
一路笑佢...咁就夠鐘.....散水.....=w=
之後又做野....唔知幾多點就落去一樓執單....
第二張inkjet....呢張比較易執d.....
加上我地又一路執一路傾計....時間快過好多....
同judy用左一晏已經搞掂咁濟....開左一個鐘左右OT....
我走個陣....淨返JUDY同條死SO肥仲未走....
留低JUDY閃先喇....對住條八婆多陣都嘔血死.....
我走個陣....心尾打比我....
話比我知...戰棋會做緊八五折定八折....
爽啊....不過我今個月用左好多$$喇....點搞呢= =
又好想買....又想儲返多少錢.....死喇= =
副火車第三版....仲有RA....一堆GAME都想= =
仆街喇....收埋張易辦事好了....唔係入不敷支就麻煩....
收左線之後....繼續聽歌....
搭巴士個陣....有條o靚妹係咁望過黎= ="
搞咩啊....由我上車望到落車....玩野嘛= =?
P.S.第三個比我影響左....去穿耳骨既.....係EVA....=w=" |
