| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 12 月 19 日 星期三  |
．．．人魚之愛．．．  |
「童話」？！
呢個世上係咪真係有童話呢？！
童話又係咪真既呢？！
近排係好奇之下睇左日本既一套電影，
都幾詭異，亦都帶少少恐怖！！
雖然平時既我係唔會睇呢類既戲，
但係我就俾佢個戲名吸引住！
《日本恐怖童話五步曲 － 美人魚》
（係真人版呢∼∼呵呵！）
「美人魚」呢一個童話相信大家都唔會陌生，
而係我地認識既個個故事裏面，
主角最終都會有個Happy Ending既，
但係係呢套電影入面就剛剛相反!
睇個陣雖然係好驚，
但係又好想知道個女主角會點，
結果一路睇，就一路喊，
因為個人魚實在太可悲啦，
佢一次又一次咁俾自己鍾意既人出賣、背叛！
美人魚一心只係想自己鍾意既人好，
做咩都係為左對方，
可惜，正正因為佢既好而令到貪心既男人更加唔知足！！
繼而令自己陷入一個又一個既悲劇之中！
∼．∼．∼．∼．∼．∼．∼．∼．∼．∼．∼．∼．∼．∼．∼．∼．
人魚所遇到既第一個男人係一個作家，
一個潦倒既作家，就連半丁點名氣都無！
人魚唔忍心見到個男人自暴自棄咁慘，
於是就將自己既一塊鱗片俾左個個作家！
之後個作家就將塒鱗片整碎加落去ｄ墨水度，
佢用左ｄ加左鱗片既墨水寫野之後，
佢既作品即係受人重用！
個作家好開心，
之後仲同左美人魚一齊！！
佢地一齊渡過左兩個月圓之後，
美人魚就寫左張紙仔俾個作家睇，
「第三次月圓之夜會發生奇蹟！ 不過背叛我！」
當時個作家好快咁應誠左美人魚，
可惜既係，
係個作家稍稍有名氣既時候，
佢竟然同自己既女上司亂攪關係，
仲好耐都無返屋企！
直到．．．直到佢既墨水用盡之後，
佢先知道佢之所以寫得出好既文章都係全靠塊鱗片，
於是佢就返去搵美人魚，
夾硬從佢身上拎走鱗片！！！
正當個作家以為會平步青雲之制，
有電台同電視指佢既作品係抄襲既！
之後個作家又再打回完形，
個作家再一次返去美人魚既身邊，
但係佢竟然想同美人魚一齊死！
（故事係點不如自己睇啦，呵呵！！）
∼．∼．∼．∼．∼．∼．∼．∼．∼．∼．∼．∼．∼．∼．∼．∼．
背叛左美人魚既男人係美人魚離開佢地既時候，
都總係覺得係美人魚背叛左自己，
但係佢地又唔會諗下究竟點美人魚要離開，
呢ｄ都係佢地自己作既孽！！
點解明明自己做錯左又唔去認，
又要將個責任俾左美人魚？！
點解要絕情到講話「如果當初無識過佢就好？」！？！
點解要咁呢？！
人魚亦曾經為佢地做過好多既事，
佢地點解唔明白同體諒人魚呢？！
人地既好就睇唔到，
反而就將一丁點既缺點放大十倍百倍，
咁樣對人魚又公平嘛？！
呢個世界唔負責任既人太多啦，
難道要搵一個好男人真係咁難！？
想要得到自己想要既個種幸福究竟又要點樣先可以呢？！
|
| 刊登時間：2007-12-23 10:37 PM [ 訪客留言(0) ] [ 編輯日誌 ] [ 分享至FACEBOOK ] |
« | 179 | 180 | 181 | 182 | 183 | 184 | 185 | 186 | 187 | 188 | ... | 470 | »
|
