「愛」，究竟為何物？！

到而家我仲未能夠清楚明白、了解到箇中既意義！！

或者，

都只因我太笨，

所以先未能明白、了解何謂「愛」！！

「愛」一個人究竟係快樂既事抑或係一件不幸既事呢？！

「愛」一個人究竟係一種幸福定抑或係一種負擔呢？！

「愛」一個人究竟係開心既事抑或係痛苦既事呢？！

 以上既問題統統都係我未能夠理解既！！！

我既想法比較簡單、直接！

覺得「愛」可以係好簡單既事，

反而唔太鍾意將「愛」睇得太過複雜！

而我所理解既只係『愛我所愛』！

但係，

我想問：「我所愛既又係咪正正合我心意呢？！」

呢ｄ都係一個未知之數，

需要時間去證實！

我自問係愛情路上，

係一個經不起考驗、受不了打擊既人！

原因只得一個，

「我害怕失去！」

  
如果自己愛既個個人已經唔愛自己既話，

我諗「放手」會較為合適！！

至少我咁做既話唔會成為佢既負擔，

亦唔會俾到壓力佢！

正正因為咁，

我會選擇「放棄愛情」！！

其實要「放棄愛情」都需要勇氣，

如果勇氣不足既話，

就只會裹足不前，

最後變成既只有「恨」，

「恨」係恨對方不夠恨心、恨自己不夠洒脫！！

「放棄」唔等於你唔愛佢，

「放棄」反而係另一種「愛的表現」！！

之所以選擇「放棄」，其實都係因為「愛」！！

因為「愛」佢，你會想佢得到真正既快樂；

因為「愛」佢，你會想佢得到真正既笑容；

因為「愛」佢，你會想佢得到真正既幸福！！

既然兩個人既愛情已經成為往事既一部份既話，

又何苦要拖拖拉拉，辛苦自己又辛苦人地呢？！

如果你真係想人地幸福既，

「放手」就已經係一種「祝福」！！

其實諗深一層既話，

你會發現「放手」係一種對雙方都有好處既做法！

「放手」既可以另對方開心、快樂，亦可以令對方得到幸福！！

「放手」雖然唔係咩無私既表現，但亦都算得上係「愛自己」既表現；

「放手」雖然令人難捨，令人痛，但至少咁做大家都會好過一點；

「放手」雖然難，但「長痛不如短痛」！

若果真係走到最後既呢一步既話，

怪就只怪你地「有緣無份」吧！

既然如此，

就更加應該洒脫一點，

令大家得到一個美麗既回憶！

如果係我既話，

我會想得到一句如此既說話．．．「我不愛你！」

「既然你已經想離開既話，
 

請你唔好再理我既想法，
 

你儘管開口講『我已經唔愛你！』，
 

好讓我死心！」
 

既然要走既話，

留都係徒然，

倒不如令自己變得高尚一點，洒脫一點！

雖然講就好似好易，亦好似理所當然咁，

但係做就．．．

我知我未必接受得到，

但係咁樣亦都係一種「解脫」！

再者，

「放棄愛情」亦不等如放棄全世界，

只要放眼去睇既話，

你就會發覺「愛情」只係人生既一小部份，

有既時候當然會比較美滿，

但無既話亦不算甚麼！！

做人有時候係會有一ｄ好難取捨既時候，

但只要覺得係啱既，

又何妨一試呢？！

只要唔令自己後悔既話，

咁就已經係做啱左一半！