等．．．

有人會覺得係一件苦事，

但亦有人會覺得係一件樂事！

有人會覺得．．．
「等」，總係令人覺得孤苦；

「等」，總係令人覺得寂寞；

「等」，總係令人覺得淒慘．．．　．．．

但亦有人會覺得．．．

「等」，係一種幸福，係好甜蜜既∼！！

既然咁矛盾既話，

究竟點解要去「等」呢？！

究竟為咩而去「等」呢？！

你等緊既係咪值得你去「等」呢？！

當你鍾意一個人既時候，

你好可能會去「等」佢，

或者為佢做盡各種傻事，

但咁樣係咪就係「愛」既表現呢？！

相信你同我都知道唔係！

雖然「等」唔係一件錯事，

但係無了期咁等落去又係咪辦法呢？！

為左一個人而放棄左身邊既其他選擇又係咪啱既做法呢？！

講真，
如果人地開心、幸福既，

咁你又何必將自己幻化做一個「失敗者」呢，

又何必要「虐待」自己呢，

倒不如放開ｄ，

退後一步睇清楚，

有時可能發現做朋友會比做情人來得開心！！

係，你有權去鍾意人、掛住人同去等，

但係先諗諗你自己先囉！！

自己都未攪得掂既，

你又點叫人去接受你，

點叫人去將自己交託俾你呢∼！

我咁講唔代表我讚成人地去等，

但我亦唔代表我反對！

（廢話一句 = =”）

好多時做人就係咁架啦，

有既個陣就唔識得去珍惜，

到左失去個陣先會知道、明白自己想要咩！

  
個陣咪就係遲之嘛∼！！

但既然都分開左既，

倒不如洒脫一ｄ，

拎返一點尊嚴∼！

（幾型呀∼！咔咔咔咔∼）

而唔係一味死纏！

如果當初都分開得既話，

就緊係有個原因先會變成咁啦，

正所謂「事出必有因」，係咪先？！

而唔係得閒無事又話掛又話剩咁，

如果係咁得閒倒不如努力工作好過∼！！