男人係某程度上都算得上係一種比較鍾意依賴人既生物！

佢地細個個陣會依然媽媽，

大個左識得搵錢，又有女朋友既時候，

佢地又會依賴左女朋友，

當佢地結左婚之後，

佢地就會依賴佢既另一半！！

咁，豈不是當左佢身邊既女人係佢既「媽媽」？！

其實咁又未必既，

男人之所以變得依賴，

都係因為某ｄ因素所致既姐，

佢地最終想既都係要一份既「關心」姐∼！！

當男人係未有女人個陣．．．
 

1.          佢地仲係一個「細路仔」、「小男孩」！（唔理係生理定心理啦，都係既姐！∼哈哈！！）

2.          攰既話，佢地會不停同自己講「我得既，我仲可以繼續！」

3.          病左既話，佢地只會「偶」都好返為止，除非佢地真係頂唔順先至會去睇醫生！

4.          肚餓既話，佢地會自己搵野食，自己攪掂！

5.          唔開心既話，佢地就會三五知己咁痛飲一番！

6.          會識得點樣去照顧好自己，至少唔駛令人擔心！

7.          識得將自己既野放得好好睇睇，雖然唔算得上整齊，但自己搵得返出來就已經算好好架啦！（哈哈！）

8.          佢地唔識得「浪漫」，覺得「浪漫」只係一種不設實際既野，要來氹下女仔就得！

9.          佢地唔會明白點解女人咁鍾意喊，同點解會喊！

10.      佢地唔知道女人傷心個陣既需要！

11.      佢地會覺得男人講過既野一定會做得到，「牙齒當金」咁話！

12.      佢地好鍾意學人「講」愛情，同「教」人點去愛！

當男人係有左另一半個陣．．．
 

1.          佢地唔再係一個「細路仔」或者「小男孩」，佢地會成為一個「真男人」，無論生理同心理都係，因為會多左一個人要照顧埋，個人自然都會成熟左∼！

2.          攰既話，佢地就會學人「撒嬌」，就算唔係真係攰，佢地都會話好攰好攰，因為佢地想另一半幫佢按摩！

3.          病左既話，佢地都會第一次間話俾另一半知，等佢來關心自己，因為男既會覺得睇住對方照顧自己個樣係一種「幸福」！

4.          肚餓啦喎，當然都係第一時間同另一半講啦，等佢可以煮野食俾自己，因為男人會覺得有人煮野食俾自己係一種「幸福」！

5.          有唔開心既話，男人會想同另一半一齊分憂！

6.          會開始變得粗心大意，因為佢地覺得就算自己照顧唔掂自己都會有人理！

7.          會開始將ｄ野亂咁擺，因為會有人幫佢地執返整齊，呢一樣都係男人想要既「幸福」！

8.          佢地會識得咩係「浪漫」，其實女人最想既就係同鍾意既人一齊白頭到老就真！

9.          佢地會開始明白點解女人會喊，因為女人俾自己鍾意既人傷害左所以喊，因此懂得自我調節一下！

10.      佢地知道女人點解會傷心，仲會學習點去安慰人，係女人喊既時候會識得擁抱佢，令佢覺得有一種可以依賴既感覺！

11.      雖然講真話係好事，但係當男人有另一半之後，就唔會事事都講真話，因為愛情都需要一ｄ「美麗既謊言」來調劑一下！

12.      男人唔淨係學人「講」愛情，同「教」人點去愛，反而會踏踏實實咁談一場戀愛，再唔係空口講白話！

其實又點止男人有依賴心呀，

女人都一樣有，

只不過係大家所要既野唔同姐∼∼！