有人話「一紙婚書」有如「賣身契」，
 

咁我想問，
 

究竟邊個係「主人」呢？！
 

而邊個又係「僕人」呢？
 

一紙既婚書唔可以話係ｄ咩既承諾，

盡其量只可以話係對大家既一種「約束」！！

但呢一種既「約束」亦唔可以保證到ｄ咩，

因為「約束」都會被某ｄ因素而破壞！！

所以就算有一紙既婚書係手又點呀，

如果真係其中一方要變既話，

又可以點阻止得到？！

唔通，

「婚姻」就好似童話一樣，

只係一個『夢』？！

難道現實真係殘酷得徹底？！

細個個陣成日都會發下白日夢，

諗下第時自己同男朋友會係點既呢？！

我地會唔會結婚呢？！

個婚禮會係點呢？！

我著婚紗個樣又會係點呢？！

一路都以為拍拖係一件樂事，

兩個人應該開開心心至係架，

點知，

拍左拖之後先知道完來到我所想既係有分別既∼

拍拖 ≠ 結婚、結婚 ≠ 長久！！
 

或者呢個就係現實世界既寫實一面！
 

無論係每一段既感情、每一段婚姻都好，
都會有著各種不同既危機、誘惑，  

隨著時間既轉變，
大家既感情亦都會有所轉變∼
呢個轉變可以係好既，
但係亦可以係壞既∼！！
 

個結局係點，
全憑自己同你既另一半點去編寫！！
感情始終係雙方面既事，
如果其中一方對另一方存疑既話，
佢地之間既感情就只會越拉越遠∼
如果其中一方唔願付出，只想接受既話，
呢段感情恐怕都唔會長久∼！！
 

一段感情就好似植物咁，
需要陽光、雨水、養份同泥土先可以好茁壯咁生長，
如果缺少左其中一樣野既話，
呢棵植物就好可能會枯萎∼！！
 

正如感情一樣，
大家都必須要互相信任，
如果唔係，就只會造成更多既問題∼！
過份管束／愛理不理既態度同樣令人討厭，
咁既態度同樣只會令愛情走上末路∼！！
 

有時好多人都會係事實發生左之後先識「後悔」，
但又有幾多人識得「知錯能改」呢？！
 

雖然，感情無分邊個啱／邊個錯，
但係有時傷人既，
就只係一個決定∼！！
 

而時間就去將一齊扭轉，
只要揀啱TIMING就可以啦∼！！
 

而最重要既係，
唔好俾自己『後悔』！！