| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2007 年 11 月 2 日 星期五  |
．．．半日閒．．．  |
今日雖然係星期五，
但係因為係考試前一堂既關係，
所以今日唔駛返學！
好彩星期二放學個陣Zoe同Kangel同左我講咋，
如果唔係我實唔記得姐∼！
如果返左學就真係傻仔啦∼！！哈哈
因為放假，
所以今日約左Kate一齊去行街買野，
我地好耐都無一齊行街啦，
事關大家都忙住溫書同考試，
而且佢仲有好多Project等住佢呀∼！！
希望佢快ｄ忙完，再一齊去行街街啦∼！！
努力呀，ＫＡＴＥ！！！
今日我去左買３，
佢同我買左兩件一樣既外套，
因為太靚既關係，
而且我地又未必成日會見到，
所以我地都係決定一人買一件！！
哈哈∼！！
上左我屋企hea左一陣之後，
我地決定出MK買boots！！！
不過行左成日都無收獲喎！！
唯有等下次再睇睇啦∼！！
∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．
如果有人問你：『你會為你鍾意既人做咩呀？！』
咁你又會點答呢？！
我諗，
就算你咁鍾意一個人都好，
都千萬唔可以同佢講『我做呢樣野係為左你架！』之類既說話，
因為呢個只係你一廂情願既諗法！！
對於人地來講呢個諗法可以只係一種「負擔」！
當然亦都會有例外既例子既，
可能佢會覺得好甜都未定∼
其實咁都係最決於你做左ｄ咩！
如果係我既話，我就會：
我會先先照顧好自己先，
因為你唔照顧好自己既話你又點可以去照顧埋你既另一半呢！
再者我就會想攪好晒屋企裏面既野（即係家頭世務呀！），
咁樣佢返來既話就可以輕鬆咁抖下啦嘛！
除左呢ｄ之外就緊係仲有食啦，
定時定候煲返ｄ靚湯，煮返ｄ靚餸來等佢放工，
佢一入門口見到就已經warm到震啦∼！
（媽咪話用湯同餸都可以綁住個男人架喎！係咪架？！哈哈）
所以識得煮下野食，煲下湯都係好事來既∼！
當然，除左食同住之外，
做女朋友既當然都要俾返Ｄ鼓勵你既另一半既，
（嗱！嗱！嗱！唔好諗衰野呀∼）
我係話錫吓佢，呵吓佢，又或者係幫佢按吓摩咁咋！！
咁佢返左成日工一定會攰架嘛∼！
咁做佢一定覺得sweet sweet啦∼！！哈哈∼
雖然，以上呢幾樣野唔係話咩好偉大既事，
但係你做左好過你無做囉！
就算你唔係為佢而做，
係為自己既，都一樣係一件好事！
你試諗下，
你得閒執下間屋既話，
個人都精神ｄ啦，係咪？！
再者，你煮野食呀煲湯呀咁，
對你自己都有益處既，係咪？！
只要好好咁照顧自己，
就唔會令到你身邊既人為你而成日擔心啦，
係咪先？！
所以話，
唔一定係為左人地而做先會令人開人既，
只係你做好自己既本份，
咁你身邊既人都一樣會覺得高興同開心架嘛！！
|
| 刊登時間：2007-11-04 07:31 PM [ 訪客留言(0) ] [ 編輯日誌 ] [ 分享至FACEBOOK ] |
« | 203 | 204 | 205 | 206 | 207 | 208 | 209 | 210 | 211 | 212 | ... | 470 | »
|
