我一路行一路喊，雖然係好難受，

但係至少我已經知道個事實！！

但好可惜，

我仲未可以接受到呢個事實！

太大啦呢個打擊！

講真，我係有諗過要自殺！

我試過因為佢而界手，

好彩唔係話好傷，未死得∼！

不過就俾ｄ fd鬧到我九彩！

試過界完手走去打排球添，

俾佢地鬧到我飛起，

差ｄ連fds都無埋！

自從佢地知道左件事之後，

佢地每日返學都會check我bag，

如果見到有界刀就會沒收！！∼

不過真係要多謝佢地就真，

如果唔係我都唔知自己要死幾多次！！

多得佢地咋∼∼！！

所以由個陣開始，

就算要我用愛情來換友情既話，

我都會換！！

因為友情先可以一世！

雖然我同佢都無好明確咁講「分手」，

但係，於我而言，

我同佢已經係分左手！！

但係我又係咪真係做到同佢《不拖不欠》呢？！

我真係接受唔到，接受唔到同其他人share自己男朋友！

同佢分開左之後，一路都無再拍拖（差唔多年幾），

因為仲未有勇氣去拍拖∼！！

怕會案件重演！！

但係個天就好鍾意整估人，

偏偏要係我忘記佢既時候，

佢打返電話來搵我！！

我好記得佢係電話同我講既說話，

佢：「老婆仔，我好掛住你呀！」

我因為一時間都唔記得左佢把聲，

所以我就話：

我：「你．．．你搵邊個呀？！

佢：「我呀，啊祺呀！我好掛住你呀！」

我：「哦！係咩？！你都有你鍾意既人啦，你仲打俾我做咩？！」

佢：「我都話我同佢係玩玩下囉，我鍾意個個係你嘛！」

我：「係咩？我唔知！無野既我就收線啦！我要做project，唔得閒！」

佢：「我整親隻腳呀，而家行唔到，你可以過來嘛？！幫我買ｄ野食同煙呀！」

我明明可以好堅決架，但係聽到佢話整親，就好想去睇佢∼！！

我實在太渣啦，已經俾佢睇穿晒！

就係因為太易氹，所以又再次跌返落呢個《無底洞》！

佢返來，的確係對我好好，

但再過多個幾月之後先發覺，

佢返來其實係為左＄，

我開頭都話無架，試問一個學生又點會有八千蚊先得架！

但係為左佢，我去左返part time，

將搵返來既＄俾晒佢，仲連自己部電話都俾埋佢用，

因為佢話佢部電話壞左∼！

點知．．．過左幾日佢又玩失蹤，

電話又打唔通，搵都搵唔到∼∼！！

點解，點解佢要再呃我？！

《為何又是這樣錯？》

點解要呃完我一次又一次呀？！

我真係咁差？！

難道我真係唔值得你對我好？！

雖然話經一事長一智，

但係我始終都係未放得低！！

太易去相信佢！

當佢第３次返來我身邊個陣，（失蹤半年後）

佢係想返來拆散左我同個陣既男朋友，

佢仲要打人，迫我同返佢一齊！

你估睇戲咩？！

不過我又真係同返佢一齊囉∼∼

（死蠢囉又係！）

我正式對呢個人死心，

都係多得佢對我夠差，

因為佢竟然話教我索Ｋ喎！！

真係咩心都死啦∼∼∼∼

我先唔會掂個ｄ野囉∼！

經過咁多既事，我真係唔醒唔得，

所以我地終於分左手！∼

我明白到，有好多野都唔應該強求！

唔係話一味等就一定好，

做人始終都係向前看好！！

不過係呢段感情上面我學到好多野就係真既！！