今日超開心∼！

今日同公司成大班同事一齊去左小欖ＢＢＱ呀∼

真係好好玩，好開心∼

去到第一件做既事都未係燒野食，

而係去左打排球呀∼！！

個度有個沙灘，

Ｄ海風吹埋來真係好舒服架∼！

所以我地就去左個度打波∼

我地打左一陣仲除埋鞋來打，

咁Ｄ沙就唔會入晒鞋啦∼∼！！

不過可能因為我地既技術問題，

而令到個排球跌左落水好幾次，

攪到濕晒添，

到再打既時候，

成個排球都係沙呀，水呀咁∼

我仲試過因為個排球咁而整左Ｄ沙入眼添，

佢地好衰架，

見到人地俾ｄ沙整左入眼仲笑我，

話我喊∼

我都唔係喊，入沙之嘛∼

咁都要玩我既∼∼！！

玩左一陣之後，

我地就改左玩數字球！

玩到差唔多天黑我地就入返去繼續ＢＢＱ！

燒左一陣之後，

我地又去左海灘個邊玩，

佢地成班人一齊玩呀，笑呀咁，

好開心∼

而我呢，

就反而鍾意靜靜地咁坐係度望下個海，

聽下海浪聲，

睇住ｄ浪沖埋來既感覺真係好特別，好舒服！！

好耐都無試過咁悠閒咁望海啦，

諗返起以前返學個陣，

每逢星期六、日得閒既話，

就會同ｄ朋友仔一齊去海邊，

又或者去下海濱公園，

總之就會去ｄ近海既地方玩下咁啦，

感覺真係perfect！

最記得有次去左停機坪個邊，

個邊勁近個海，

又少人去，

我地幾個人仔就係個邊玩左成日∼∼

諗返以前真係好開心！

望完海返到去又再打排球，

今日真係玩到成個人都好攰啦，

今晚應該可以訓返覺好既∼

總之，

今日就係開心啦∼∼！！

＊我想以後都可以咁開心！