| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 11 月 1 日 星期四  |
．．．『結婚』！？．．．  |
『結婚』！？
『結婚』呢兩個字呢排我成日都會聽到，
無論去到邊都好，呢兩個字都纏繞住我！
呢排身邊太多人都計劃緊要結婚，
無論係公司既同事、學校既同學、屋企既親戚抑或係朋友都好，
個個都『忙住』結婚！！
其實我真係好想問：
『究竟點解要結婚呢？！』
『結婚係為左Ｄ咩呢？！』
『係咪結左婚有一紙「婚書」係手，就代表住一生一世呢？！』
我真係唔係好明，
結婚究竟係咩既一回事呢？！
我諗我仲未可以領略到箇中既含義！
尋日有個朋友仔問起我而家最想做咩，
我話我有好多好多野都想做，
之後我就再覆佢話：
我想：
「快ｄ讀完書；
快ｄ搵份工；
快ｄ搬出去；
仲想快ｄ結婚！」
佢答我既答案係：
「頭三樣都可以好快咁做到既，
之但係結婚就唔可以快，亦唔可以求其！
要搵個好男人，唔好為嫁而嫁！」
當然啦，呢個道理我係明既！
講就咁講姐，做我都做唔到啦∼∼哈哈！
咁啱今日上網睇左一篇文章，
內容大概係講錯誤既結婚理由！
文章裏面列出左『十三個錯誤既結婚觀念』，
就好似：
一、 降低要求，為結婚而結婚
二、 為左離開屋企
三、 因為有左ＢＢ
四、 唔理屋企人既反對，反叛有理
五、 想嫁個有＄人
六、 想嫁個型男／靚仔
七、 為左ＳＥＸ
八、 怕寂寞
九、 為左安全感
十、 擺脫單身
十一、 想做新娘／新郎
十二、 覺得拍拖就係會結婚
十三、 年齡問題
睇完呢篇之後，
我先發覺原來我都犯左好多既錯誤，
我都有對結婚既錯誤諗法！
一、 我有諗過自己幾多歲會結婚
二、 我想做新娘子 （應該唔止我一個女仔會咁諗既又！∼∼呵呵）
三、 我真係覺得拍拖就有機會結婚
四、 我係怕寂寞既人
五、 我亦都怕無安全感
係十三『戒條』入面，
我竟然犯左５大條，
所以簡單ｄ來講，
我對結婚真係一無所知，
可能只係靈光一閃咁閃出來既『願望』∼！！
真係有ｄ不設實際！！
睇來我都係時候改變下自己咁白痴既諗野同處事既方式啦！
其實坦白講，
我真係對拍拖同結婚抱有好多「不設實際」既憧憬！
我唔怕人地話我天真好、白痴好、定低ｂ好，
我的確係有咁既諗法！！
雖然呢個諗法好幼稚，
但係至少我會覺得開心∼！
當然啦，
愛情有時話唔埋既，
一定會有唔開心既時候架啦，
講真，
唔開心就一定有架啦，
不過訓醒覺就會無左件事，
算係叫做新一天嘛！！（老套！哈哈）
即使我會有咁既諗法，
但係我又未至於會信咩公主同王子既故事，
因為我已經唔會再信呢個世界有童話式既愛情！
（如果而家我仲信就真係白痴啦！！）
更加唔會再信呢個世界有永恆既愛！
（可能係因為我未遇到，所以先會咁講！∼）
我都想同自己鍾意既人結婚，
唔知個陣時既我又會係點既咩？！
我著起婚紗好唔好睇呢？！
（發緊夢．．．哈哈！）
總有一日，
我既Mr. Right一定會出現既！！
|
| 刊登時間：2007-11-04 02:19 AM [ 訪客留言(0) ] [ 編輯日誌 ] [ 分享至FACEBOOK ] |
« | 204 | 205 | 206 | 207 | 208 | 209 | 210 | 211 | 212 | 213 | ... | 470 | »
|
