究竟咩係『愛』呢？ 

咁究竟『鍾意』又咩係呢？ 

佢地兩者之間既分別又在於咩野呢？！ 

『愛』同『鍾意』既分別就在於：

當你企係你愛既人面前個陣，你既心跳會加速；

而當你企係你鍾意既人面前，你就會感到開心！

當你同你愛既人四目交投個陣，你會變得好怕羞；

而當你同你鍾意既人四目交投個陣，你就會微笑！

當你同你愛既人講野個陣，你會覺得難以啟齒，唔知講咩好；

而當你同你鍾意既人講野個陣，你就可以暢所欲言！ 

當你愛既人喊個陣，你會想陪佢一齊喊 ;

但當你鍾意既人喊個陣，你會想安慰佢！

當你唔再愛個個人既時候，你會閉上眼強忍著淚水；

但當你唔再鍾意個個人既時候，你只要掩住雙耳就可以！

『愛』同『鍾意』係有著唔同既意思：

『愛』係日久生情，長年累積既感情，會專一去愛一個人； 

『鍾意』係一見鍾情，但心裡面會有第二個，甚至可以喜歡一個以上！ 

『愛』係永遠既， 

『鍾意』只係短暫既，可以係一星期、一個月或者一年不定！