孫耀威，

一個好似好熟，但又好陌生既一個名字！

我對佢真係無任何印象、記憶，

知道佢既存在都係因為聽左佢既新歌，

覺得唱得好好，好有感情，歌詞亦好正∼！！

所以就開始有留意佢∼

係偶然之下，

我有個同事send左佢既兩首舊歌俾我聽，

我聽完好鍾意好鍾意∼！！

我自己聽歌會有個「壞習慣」，

就係要覺得旋律好聽，

歌詞有意思，

咁先係perfect！！

佢send俾我個兩首歌就係：

「愛的故事　－　上集」

「愛的故事　－　下集」

係我收到呢兩首歌之後，

我就開始聽，

當兩首歌都聽完第一次之後，

我即刻鍾意左「愛的故事　－　上集」，

反而就無再聽下集，

亦無去留意佢既歌詞講咩∼

 
「愛的故事　－　上集」：

上集係講一個男仔鍾意左一個女仔，

但係個女仔就好似唔知道咁！

而個男仔每晚都會自己一個去樹下等，

甚至會係窗前刻字，

但係個男仔既心事又可以同邊個講呢？！

個男仔只希望自己所費既心思總有一日傳遞到個女仔度！

希望能夠有個大團完結局，

能夠同個女仔一齊∼！！

我聽完都覺得好sweet！

究竟呢個世界係咪真係有人會咁痴心呢？！

每晚都會去等個個女仔，就只係為左得到個女仔既注視？！

每晚都會諗起個女仔十次、百次之多，會有人咁痴心嘛？！

做左咁多野都只係為左同個女仔一齊，

如果我係個女仔既話，

我諗我已經應成左佢啦∼！！

（哈哈！！太易氹啦我！！）

因為我覺得呢個世界仲有童話般既愛情！！
 

 

  
  
 點知有次個同事同我講下集好好聽，

於是我又再聽多一次，

而且仲搵埋歌詞添∼！！

但係，

當我聽完之後我反而覺得好唔開心，

仲好想喊添∼！！

（我都唔知點解，只係想喊就喊∼）

 
「愛的故事　－　下集」：

下集講個女仔已經有男朋友，

可惜個男朋友又唔爭氣，

成日令到個女仔喊，同唔開心，

而個男仔每次睇到佢咁，

自己都會唔開心，

因為佢一直都未放得底個女仔，

佢想個女仔同佢男朋友可以一生一世，

佢亦好希望個女仔既男朋友會好好珍惜佢！

雖然個男仔真係好鍾意個女仔，

可惜佢一路都無開口，

佢反而覺得個女仔開心個陣會諗起自己咁就已經好滿足，

所以就算做朋友都無所謂∼！！

而我自己就對呢句歌詞比較深刻：

『到底應相愛　或分開　假設情不再』

聽到呢句歌詞既時候，

突然有一種好莫名既感覺，

唔知點解覺得好sadness！！

究竟個女仔仲應唔應該同佢男朋友一齊呢？！

究竟個男仔應唔應該去爭取呢？！

究竟『愛』係咪真係可以一生一世既呢？！

如果個女仔既男朋友真係唔再愛佢，

咁個女仔應該點做好呢？！

繼續？？定係分開？！

呢個真係一個對女仔來講好難下到既決定！！

而個男仔即使唔同個女仔一齊，

都未嘗唔係一件好事呀！

至少佢贏到一份好真摰既『友情』！

可能咁先至係最難能可貴∼

其實無論人生係點都好，

我地只要做好而家既每一分、每一秘，

唔好令自己有後悔既事就得啦∼！！