好多時都會聽到ｄ男人話：『女人累人∼！』

但女人又會覺得：『男人難忍∼！』

究問個問題係邊呢？！

錯在ｄ乜野呢？！

究竟係男人既錯定抑或係女人既錯呢？！

係女人既角度來睇既話，

男人都唔係好得好多，

女人亦會覺得ｄ男人好『難忍』∼！！

點解女人覺得男人『難忍』？

咪就係因為：

1.          蠢                　－　女人蠢就可以原諒，但係男人蠢既話就真係無得好講

2.          自私            　－　咩都收收埋埋，怕俾人知，俾人見

3.          自大            　－　男人好鍾意認叻，凡係有女人對佢好少少，佢都會以為人地鍾意佢

4.          高傲            　－　當個男人有錢、有地位既時候，佢就會變得不可一世，開始睇唔起人，覺得人地襯佢唔起

5.          花心            　－　當然唔係個個男人都係，但係花心既男人的確好難忍受，女友多到開幾枱麻雀都得個ｄ就緊係唔掂啦

6.          吝嗇            　－　雖然「慳」係一種美德，但係過份慳就會變成吝嗇

7.          尊嚴            　－　咩都話尊嚴、尊嚴，咁「樽鹽」值幾銀呀？！

8.          呆板            　－　不善溝通，應對黑板式，一個字「悶」

9.          粗魯            　－　講野同做野都粗聲粗氣，加埋晒ｄ不文字詞

10.      咸濕            　－　簡單一句：「滿腦子壞思想」

11.      脾氣大        　－　好易為小事而引起爭執

12.      無情趣        　－　做咩都係黑板式，毫無情趣弄言，就連氹下對方都覺得無聊

13.      講大話        　－　做左ｄ野唔想俾對方知，就用「大話」來掩飾，攪到要「大話一個冚一個」

14.      唔夠成熟        －　思想太幼稚，唔識諗既就係唔成熟，咁個女仔又點會鍾意ｄ咁孩子氣既男人呢

15.      自尊心強        －　做錯左野俾人話兩句又變死狗，唔襟鬧

16.      義字行頭        －　咩都話「朋友話」，朋友講咩就做咩，講咩就信咩

17.      事業心重        －　無時無刻都係諗住做野，理都唔得閒理下對方

18.      佔有欲強        －　咩都要管一餐，無論著咩，去邊，見邊個都好，一一都要知，要完全控制對方，

                                      　只想女人全心全意100%對佢一個好，對其他人好少少都唔得，慌死分薄左咁

（未能盡錄，諗到可以話我知）

講真，

如果有個男人有齊以上咁多既「特質」既話，

就真係．．．

執到都喊三聲囉∼∼∼嫁唔過！∼

想話變做一個好男人咩，

其實都唔係難既∼！

何況呢個上又邊會有人有齊晒咁多「特質」先得架∼！

男人．．．　．．．

可以大方一ｄ，唔好好似女人咁小家先得架嘛，斤斤計較咁，你話幾難睇呢！

可以專一ｄ，等對方可以安心一ｄ！對方安心囉喎，自己做人都易ｄ啦！（哈哈！！）

可以成熟ｄ，成熟識諗既男人總係比到人一種值得依靠既感覺！

可以多點幽默感，講得講下笑，氹下對方開心，講到尾兩個人一齊都係想開開心心姐！

可以慳，但係就唔好慳埋ｄ婆仔數，唔係就真係成個女人仔咁架啦∼！

可以誠實ｄ，雖然有時係要講下一ｄ「美麗既慌言」，但都要適可而止，唔好越講越大，越講越多，咁樣只會傷害到大家！

尊嚴的確好重要，但有時總要認下低威架啦，氹女仔無法啦∼！「樽鹽」姐，廚房仲有，無就落街買囉！（哈哈！）

事業係重要，但係都要識得分配時間，工作時就工作，放工就理下對方，顧下對方既感受嘛！

脾氣都係一個問題，雖然每個人都有脾氣，但係臭脾氣就一定係壞事！！

咸濕唔係問題，講真，邊有男人唔咸濕先得架，唔咸濕就唔係男人啦！（哈哈），不過唔該應該正經個陣正經ｄ啦∼！

義字行頭都唔係錯，錯在唔識得點去做人，唔係朋友講既就一定要聽、一定要做，自己都要獨立思考下，

或者同另一半商量下，等佢都有個「知」字嘛！

各位姊妹們，

如果遇到個有齊以上咁多優點既「絕種好男人」既話，

你地就要捉實啦∼！！

唔好執到寶當草呀∼！！

男仕們：

以上純粹觀點與角度既問題，

如果唔啱睇既就唔好睇啦∼！

免得你地激氣∼！！

（純屬個人意見！）