上集我地講左男人「難忍」之後，

今次要講既就緊係女人啦！

既然我地女人覺得男人係難忍既話，

咁男人其實都覺得我地ｄ女人「累人」既姐∼！！

呢ｄ都係各睇各架啦∼！

咁究竟男人又覺得女人點解係累人呢？！

係男人既角度來睇，

佢地認為女人係『累人』既原因都離唔開以下呢幾點：

1.      蠢        　－　講極都唔明，話極都唔聽

2.      煩        　－　女人好鍾意將同一野講幾次，重覆又重覆咁，一係就一日打幾百個電話去轟炸佢

3.      野蠻    　－　打橫來講，唔理啱定錯都好，一定要講贏

4.      小氣    　－　凡事都計到盡一盡，慌死會蝕咁

5.      痴身    　－　攪到連抖氣，喘息既時間都無

6.      依賴    　－　咩都依賴晒個男人，個男人唔覺得攰至奇

7.      幼稚    　－　思想唔夠成熟，男人會覺得似『湊女』多ｄ

8.      粗魯    　－　女人之家粗魯就一定係大忌，男人又點會鍾意ｄ男性化既女仔呢？

9.      任性    　－　明知有ｄ野一定唔做得既，係都一定要做

10.  妒忌    　－　個男人對其他人好少少，佢又唔鍾意，見人地男友好又唔抵得

11.  高竇    　－　以為自己高人一等，擺起個款

12.  易喊    　－　為左少少野都喊得一大餐，嗌交仲死，一定用「眼淚」大對方，博對方心軟

13.  多野問    －　成日問無謂既問題，好似『你有幾愛我呀？！』之類．．．

14.  多幻想    －　不設實際，以為諗左既就有可以發生

15.  物質化    －　太著重物質上既享受

16.  疑心重    －　成日以為個男人同其他人有野，咩都check住晒，計住晒

（應該仲有既，未能盡錄，諗到可以話我知）

的確，如果有個女人有齊晒上面既「特點」既話，

我相信佢將會係一個『極品』！！

如果唔想變做『極品』，

就要將呢ｄ「特點」改改啦∼！

女人．．．　．．．

可以蠢，但就千祈唔好扮無知，要係適當既時候講返ｄ適當既野！

如果你有道理既話，可以打橫來講，無就認下低威！

可以小氣，但係要係適當既時間俾返feedback男人，等佢知你想點！

可以幻想，但就唔好將自己既諗法加諸係男人既身上，幻想始終都係幻想，現實ｄ好！

可以問野，但唔好成日問埋ｄ答又死唔答又死既問題，男人對呢ｄ問題好反感架有時！

可以獨立返ｄ，咁樣個男人先會鍾意你多ｄ架嘛，至少佢唔會覺得似「湊女」先啦！

可以俾返ｄ私人空間個男人，等佢同ｄ朋友出去玩下relax下咁，

之但係又唔好太過寬鬆喎，唔係ｄ男人就會作反架啦！∼∼（哈哈！！）

高竇唔一定係壞事，但係擺到明係擺款既就唔係咁好囉，你咁樣人地咪只會「敬而遠之」！

想唔煩既話，就可以打少ｄ俾佢，佢可能仲緊你多ｄ添，其實兩個人一齊係靠個信字，唔駛下下check住晒既！

想無咁疑心重既話，好簡單！搵多ｄ野俾自己做，時間唔夠用，自然個腦都諗唔到咁多無謂野啦∼！

粗魯的確係女人既死穴，女仔之家就應該斯文ｄ，講野都唔好咁粗鄙，咁先得人鍾意既，

之但係我又唔叫你去嗲人喎，嗲既話我諗我會一巴打埋去！（哈哈！！！）

如果做得到以上呢幾點，已經可以算係一個「可愛女人」∼！！

只要keep住落去既話，

一定做到你另一半背後既女人既∼！

女仕們：
以上純粹觀點與角度既問題，
如果唔啱睇既就唔好睇啦∼！
免得你地激氣∼！！
（純屬個人意見！）