八分鐘，

八分鐘究竟做得ｄ咩？

八分鐘你又會做到ｄ咩？！

其實八分鐘已經足夠去感動人！

尋晚係一個偶然既機會之下，

睇返一個好舊好舊既MV　－　「妄想」！

 
雖然首歌都有返咁上下舊，

但係我就真係未睇過佢個個劇場版既MV，

所以就係好奇心驅使之下睇左！

個ＭＶ真係令我覺得意外！

雖然個故事既內容唔係話十分之特別，

但係個女主角既讀白真係好有feel，

再加上首歌做背景音樂，

營造左一種淒美既感覺！！

我真係無諗過一個短短八分鐘既MV會令我感動到喊！！

  
我好鍾意個女主角既讀白，

就係因為呢一段既讀白，

我既眼淚竟然不自覺咁流左出來！

以下係個女主角既讀白：

「Roger，當我朋友交本日記俾你既時候，
 

　我已經因為癌病而離開左啦！
 

　其實我知道當時既我根本無權去鍾意任何一個人，
 

　但偏偏係最後俾我遇到你！
 

　我真係好開心，亦都好想同你一齊分享埋我最後呢段日子，
 

　但係我又怕當我離開左你既時候，我會令你好難過！
 

　於是，我決定問下你啦，但係最後你都係俾左個個答案俾我！
 

　我無怪過你呀，我真係無怪過你架！
 

　因為我自己唔夠膽坦白咁講件事俾你知，
 

　可能係我怕你係因為同情我先至同我係埋一齊啦，
 

　不過算啦，一切都過去左啦！
 

　雖然唔能夠成為你既女朋友，
 

　但係曾經成為你既朋友，
 

　我已經好心滿意足架啦，
 

　多謝晒你！」

就係因為個女主角既呢一段既讀白，

我既眼淚竟然不其然咁除除流下！！

其實我自己都唔係好明點解我會喊！∼

但係當睇到同聽到個刻，

個心就好似好唔舒服！

我係度諗：

如果我咁不幸地同個女主角有同一遭遇既話，

究竟我又會點樣選擇呢？！

我究竟又會選擇自己一個過，

定還是選擇同自己鍾意既人表白呢？！

如果係你，你又會點揀？！

假如我係佢既話，

我會．．．

我都好想自私一次，
 

好可能係自私埋最後呢一次，
 

但那怕只有一次，一次就夠啦！
 

我都會想同鍾意既人一齊過埋我剩下既人生！！
 

我想將自己人生最開心最快樂既一面送晒俾佢，
 

我想佢記住我地開心既日子，
 

更加想佢記住我！！
 

雖然我知道咁係唔啱，
 

因為咁有可能為佢帶來無盡既痛苦，
 

但係我真係好想，
 

好想係自己離開呢個世界之前，
 

能夠同自己鍾意既人一齊渡過自己餘下既人生！

諗，

我就諗得好簡單，

但係做唔做得到就真係好難講！

始終我唔係佢，

我唔會知道個女主角既心情∼！！

但至少我唔會令自己有遺憾！！