| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 12 月 27 日 星期四  |
．．．被騙了．．．  |
被騙了．．．
今日係食buffet個陣，
突然發現左一樣好特別既野，
雖然唔算得上係咩出奇既東東，
但就令到我諗返係一套電影既對白！！
「世界上有好多野都係掩眼法，
你睇到既唔一定係真，
而真既，你又未必會睇到！」
係哩，好熟哩呢句對白！
咪就係《十分．愛》內面唐寧所講既個一句對白囉！
講真，
呢個世界的確有好多野都係唔可以單靠睇個外表既，
就算個外表係幾咁靚、幾咁好都好，
如果內裏係壞既，
甚至係腐爛既話，
即使係唔駛＄送俾你，
你都未必會想要同接受啦！
呢個世界實在有太多既謊言啦，
點解唔可以令個世界簡單ｄ呢？！
點解唔可以直接ｄ咁講出自己內心既野呢？！
點解一定要諗人地壞既一面，而諗人地好既一面呢？！
每個人都好識得去裝扮自己、武裝自己，
為既就係唔想俾人見到自己軟弱既一面，
想既只係想人地記得自己有幾咁能幹、有幾叻，
從而希望自己可以係人地既腦海中留下一個「好印象」！
但世事既野往往都唔會好似你想像中咁美好既，
點都會有出錯既可能！
有時唔係話你扮到好似一個好人咁你就係好人，
好人係唔駛扮既，
人地一睇就睇得出、感覺得到∼！！
你外表包裝得再斯文、再靚都好，
如果內心係一個腐爛不堪既心既話，
無論你點去包裝，
甚至係改造都好，
你都無可能呃得到人∼！！
古人就有一句咁既說話：「日久見人心！」
所以呢，
千其唔好以為靠個外表就可以呃得到人！！
對得耐左你係個咩人人地一定知道！！
做人同交朋友一樣都係要真先好！！
＊ 其實我今日係俾一件好似青瓜壽司既物體呃左，
擺左入口，食左先知，佢原來係．．．
Wasabi壽司！！
佢個ｄ Wasabi好似蟹子咁既，再壓成一粒粒咁，
睇落去十足十青瓜粒∼！！
真係激死人∼
明知我唔食辣架啦∼∼
點解無人阻止我架！！
＠＠”
|
| 刊登時間：2007-12-30 11:06 PM [ 訪客留言(0) ] [ 編輯日誌 ] [ 分享至FACEBOOK ] |
« | 176 | 177 | 178 | 179 | 180 | 181 | 182 | 183 | 184 | 185 | ... | 470 | »
|
