「女人係水造既！」

呢一句說話成日都會聽得到！

我諗好多人亦都會同意！

女人，

唔係個個都咁可愛、咁迷人，

之但係水造既女人就有一種攝人既「魅力」！

或者呢ｄ就係水造既女人既優勝之處，

就算喊都要喊得其所！

有ｄ女人係嗌交個陣好鍾意用「眼淚」大人，

希望人地會心軟咁話，

係，的確係行得通既，

不過如果成日用既話就無謂啦，

講真，

同一味餸日日食你都唔鍾意啦，

何況次次一嗌親交就喊，

到時唔好話人地唔錫你唔理你，

係你自己太煩就真！！

女人好明白「眼淚」係一種「殺傷力」頗大既絕招，

所以佢地唔會隨便咁使出佢地既「絕招」！

即使佢地遇到幾咁唔開心既事都好，

佢地係人地既面前永遠都係掛著一個笑臉，

從來無人知道原來笑臉背後埋藏著一ｄ傷心既事！！

  
有好多女仔係唔開心個陣，

都會想盡辦法去發洩或者冷靜∼

有ｄ人會鍾意自己一個冷靜一陣；

有ｄ人會鍾意望下海，吹下海風，清醒下；

有ｄ人會鍾意搵人傾下心事；（當然係搵最fd個ｄ啦！呵呵）

有ｄ人會鍾意淋下雨，淋醒自己咁話喎；

有ｄ人會鍾意喊；

有ｄ人會鍾意扔下野、打下野來發洩

當然啦，

發洩或冷靜既方法又點止呢ｄ咁少呀∼！！

每個人都總會有自己既方法去冷靜同抒發既！

而我，

我都係同一般既女人一樣比較鍾意喊！

但係如果有時間既話我反而會選擇去吹海風多ｄ，

因為喊完個人實在太攰啦，

要有足夠時間去休息返先得∼！！

而望海就會自在一ｄ，

個人會覺得舒服ｄ！

望住個海個陣，

我會有一種咁既感覺：

個海之大，反而會覺得自己好渺小，

更覺自己內心既不快只不過係「一丁點」，

並唔係咩大不了既事∼！！

所以每次望完海、吹完海風個心都會舒服好多∼！！

相反，

真係要喊既話，

我會係沖涼個陣先喊，

因為咁至少唔會有人知道你「喊」左幾耐∼！！

喊完又可以訓返覺好既∼！！

我唔選擇淋雨係因為我怕凍！！

Anyways,

Ｈaｐpｙ　Ｎeｗ　Ｙeａrｓ！！
 

希望個個新一年都開開心心∼！