| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2008 年 1 月 1 日 星期二  |
．．．回顧．．．  |
有人同我講，
２００７年既最後一日係要來做「回顧」既，
睇返自己係個一年裏面做過ｄ咩咁話喎！
２００７年對我來講，
係一個多姿多彩既一年，
亦令我既人生更加精彩同充實！！
我記得係０７年年頭個陣已經計劃緊要讀書，
Plan左咁耐都唔敢實踐，
有一半係因為自己屋企既問題，
怕自己辭職會為屋企帶來負擔！
所以由出來做野就已經開始有saving既習慣，
即使唔係讀書都好，
有筆錢係度既話，
到有起咩事上來都叫有ｄ幫助嘛∼！
到左３月個陣，
咁啱係舊公司又做野做得唔係咁開心，
所以終於都「狠下決心」去讀返書！
辭職個陣係有ｄ唔捨得架，
不過諗諗下都未嘗唔係一件好事！
人始終要向前走架嘛！
讀多ｄ書對自己同做野始終都係有好既幫助既∼！
係未開學之前，
其實都仲係擔心緊屋企既問題，
所以一路都有同屋企人商量關於自己讀書既事！
好彩佢地都好體諒我，
我都好開心！！
真係好多謝屋企人對我既支持，
如果唔係佢地，
我諗我都唔敢下決心去辭職讀書！！
尤其係爸爸呀，
佢俾左好多好多既建議同鼓勵我∼！
我真係好感動！
雖然爸爸話我讀一年唔會帶俾屋企好大既負擔，
但係我都唔係咁想問屋企攞錢駛，
所以係開學之前就搵左份part time！
返左呢份工無耐，亦都係學校開學既日子！
轉眼間，
我身邊既所有事物都好似一次過變晒咁，
但感覺又唔係話咁難接受，
反而覺得比較輕鬆！！
雖然好多野都好陌生，
好多野都要由零開始，
但係我相信，
只要我俾心機既話，
我一定可以做得好好！！
返學同返工都已經返左大半年！
我好開心，
我既工作能力都算受到一定既肯定，
但我會繼續努力！
始終我要學既同見既都仲有好多！
而係學業上，
都叫做算得上有個好既交代！
成績不過不失∼！！
而且仲識到兩個好好既朋友仔，
雖然佢地比我細個，
但係佢地既思想比起我更成熟，
佢地既處事方式更我好，
呢樣係我應該要向佢地多多學習既野！
呢一年都應該都算得上係豐收既一年，
係公司，我識到好多好好既同事，
佢地個個都好好人，
個個都好似大哥哥大姐姐咁nice！！
最令我意外既係，
有幾位哥哥姐姐佢地竟然肯教我功課，
我真係好開心，
亦都好多謝佢地∼！！
我會更加更加俾心機去讀書架啦∼！！
所以我都無後悔到當初自己辭職，
反而有ｄ事更加可以令我「經一事，長一智」添！
總之就好多謝咁多位！
「多謝你地呀！！」
雖然唔知道你地有幾多人會睇到，
但係我好開心我可以識到你地！
更加多謝你地教左我好多人生既大道理！！
真係令我「獲益良多」！
雖然今年亦發生左好多令人覺得傷感既事，
但係我依然相信前路一定比現在好！！
希望
返工既，個個搵多ｄ！！
返學既，個個揸火箭！！
大家都健健康康咁啦∼！！
|
| 刊登時間：2008-01-05 10:47 PM [ 訪客留言(0) ] [ 編輯日誌 ] [ 分享至FACEBOOK ] |
« | 173 | 174 | 175 | 176 | 177 | 178 | 179 | 180 | 181 | 182 | ... | 470 | »
|
