感情上有好多時都會有唔如意既時候，

有ｄ人就會係度諗：

「如果佢肯改變下，遷就下我多ｄ咁就好啦！」

咁諗既人通常都係比較自私同自我既！

當然啦，

有ｄ人就會較為理智，

反而會諗：

「我地應該多ｄ時間去互相溝通！」

咁既諗法係比較簡單同直接，

仲可以令大家更加了解對方，

將大家之間既「猜忌」一掃而空！！

但係人就係咁架啦，

好多時都係比較自私既！

無他既，

好多人都會有呢個咁既念頭架啦！

「人不為己，天誅地滅！」呀嘛∼！！！

實有人會咁答我架喎！

我都預左架啦∼！

但係有樣野我好想知道點解∼

點解一定要將自己既想法加諸係人地既身上呢？！

點解一定要人地改變來去就你？！

點解一定要係人地錯晒，自己啱晒？！

講真呢個世界雖然唔係話咩都好公平、好正，

但係都未至於會歪曲晒ｄ事實掛∼！

拍拖雖然話就話係兩個人既事，

但係有時唔係話自己覺得啱就一定係啱既！

俗語都有話啦：

「當局者迷！」

所以有時當你下左決定之後你先發覺係錯既都未定！

而家呢個時世都好多女仔都比較「驕生慣養」，

無他既，俾人寵慣錫慣呀嘛∼！！

又點會想俾人話俾人鬧先得架∼！！

好多時係拖拍個陣，

呢ｄ既女仔都好要人遷就，

要個男仔咩都以佢為先，

最好就隨傳隨到∼！！

更加想既就係佢叫個男仔做咩個男仔就做咩就係佢地最想要既！

不過，請容許我講一句，

咁既男人俾你你都唔好要啦，

完全無自己既思想，

一味淨係識得聽人講，

人叫做咩就做咩∼！！

咁似咩樣∼！

如果女仔真係想要一個咁既男朋友既話，

不如買隻「狗」或者「寵物」好過啦∼！！

有時好多野唔係話你想就一定有既，

正如人一樣，

唔一定個個都係好人！

講真，

係你想改變人地之前，

你又有無諗下人地點諗呀？！

你又有無顧下人地既感受呀？！

係咪當佢聽晒你話你就會可以同佢一齊開開心心咁過呢？！

問心個句係唔咪咁？！

我可以好肯定唔係！

當佢１００％聽晒你話個陣，

你又會話佢無思想、無性格！！

咁你又何必去嘗試改造別人呢？！

做返自己咁先係最好最真既！！