愛情，

從來都唔係一個人可以話晒事！

無論係信任、付出、關心之類都好，

都一定係兩個人一齊付出，

係雙向既，有來亦有往，係互通既！！

如果不幸地其中一方已經變左心既話，

愛情就會變得唔完整，

所有既野都會變成單向！！

無論你付出幾多都好，

到頭來都只係得一場空！！

如果男人唔再愛女人既話，

其實女人應該好容易就會感受得到，

但有好多時女人都會選擇扮無知，

女人扮無知，係唔願意去接受事實既真相，

係唔敢去知，亦唔想去知先至會咁做！

但無耐總有一日，

女人都一定要接受呢個鐵一般既事實！

人始終要學識去面對！

咁究竟一個男人點先算係唔愛個女人呢？！

當一個男人唔再愛一個女人既時候．．．
 

1.          佢未必會第一時間離開，因為佢仲要等佢既新「目標」；

2.          會越來越少電話，傾計既時間亦越來越短；

3.          會開始彈你既衣著、外貌之類，覺得你越來越唔掂；

4.          唔會再講「對唔住」，無論係自己做啱或者做錯都好；

5.          唔會再講「我愛你」，就算係女人對佢講，佢都只係會變得沉默起來；

6.          係親吻既時候，再無熱情可言，表現得冷冷的；

7.          係聽女人講野個陣，總係心不在焉，永遠只會話「唔好意思，聽唔清楚！」；

8.          係聽完女人訴苦之後，唔會再安慰對方，只會叫女人自己解決自己既問題；

9.          開始需要更多既私人空間；

10.      會開始覺得女人煩；

11.      覺得連鬧交都係「徙氣」；

12.      開始唔再有眼神上既接觸，怕對方會睇穿自己

反之，

當一個女人唔再愛一個男人既時候．．．
 

1.          會開始著重自己既打扮、衣著之類；

2.          會開始越來越鍾意同朋友四周圍咁去，有十萬樣咁多既活動；

3.          連親吻都費事；

4.          會突然變得好忙，令你好難搵得到佢，

5.          唔會即刻走，除非佢搵到個「金龜」；

6.          會比以前更加落重本去「修飾」自己；

7.          會不停咁煲電話粥；

8.          唔會再向對方講關於自己既事，反正唔想俾佢知自己想點；

9.          開始覺得對方既存在好煩，有點多餘；

其實講真，

人係有感覺既，

唔係咩冷血既動物，

唔可能連對方變左心都唔知！！

女人雖然可以係蠢，

但係蠢都要有個限度！！

做人清醒ｄ好！！