資訊科技發達，

究竟係一件好事定還是一件壞事呢？！

人與人之間究竟又係靠咩來維繫既呢？！

資訊科技既發達會唔會造成人與人之間既一種「障礙」？！

而家呢個年代，

要開始一段感情實在有太多唔同既方法、渠道∼

可以由網路而開始，

亦可以由網路而終結，

未免有點「兒戲」左ｄ∼！！

我只係覺得而家ｄ人想去開始一段感情個陣，

往往都會因為怕「瘀」而唔敢正正經經咁約人，

反而要靠ｍｓｎ呀之類咁；

另外就有ｄ人講分手又係唔敢直接講，

又怕呢樣又怕個樣咁，

又係靠咩ｍｓｎ呀留言呀咁，

咁拍拖來做咩姐∼！！

唔拍咪唔駛煩囉∼！

ＭＳＮ唔係咁用既，

留言版都唔係咁用既∼！！

呢ｄ野係用來方俾人溝通，

唔等如方便人做埋ｄ咁既無謂野囉∼！

講真，

做男人做到咁我都無野好講∼！

溝女又唔敢，分手又唔敢，

咁做男人來做咩呢？！

做人已經有好多野要煩架啦，

何不係呢ｄ事上面簡單直接咁處理好佢呢∼！？！

做男人話一就一，話二就二，

你話咁會唔會直接了當一ｄ呢∼！！

做男人最忌就係拖拖拉拉，

唔理你做咩都好，

追女仔好、分手好，

唔該做得清楚一ｄ啦∼！！

唔好令到個女仔有種「死唔斷氣」既感覺，

人地都係人來架，

都會難受、都會hurt架∼！！

做人有時都要顧下人地感受好！！

唔好以為人地覺得無野就無左回事，

女仔好多時都唔係咁諗架∼！！

各位男仕care多ｄ你地身邊既女仕啦∼！！

實在太睇唔過眼啦∼！！