尋日有個朋友仔send左個網址俾我，

個網既內容係講關於點樣「揀」女朋友既∼！！

我睇完之後發覺，

原來有好幾種既女人係真係『娶唔過』既∼！

（就連我係女人，我都會「買佢怕」= =”）

我諗以下呢ｄ既「尤物」應該係一絕既：

1.         極度情緒化既女人
　　    當男人唔理佢個陣，佢就會駛出佢既「殺手鐧三步曲」：

第一步：哭

第二步：鬧

第三步：上吊

呢ｄ亦即係俗語所講既：「一哭、二鬧、三上吊」啦∼！

遇著呢ｄ咁既女人，好話唔好聽，唔係佢死就真係你亡∼！

分分鐘攬住一齊都仲得∼！！

2.          極度易呷醋既女人

           呢種女人同第一種既女人都無咩大既分別，

都係得一個字──＞「煩」

識著呢ｄ女人又係死既姐，

你望一眼第二個，你個頭分分鐘俾佢擰甩都似！

你千祈想都唔好想同其他女仔講野、出街之類，

唔係你就真係「自討苦吃」，

等如自殺一樣架咋∼！！

3.          愛利用男人既女人

對呢種女人來講，男人就只不過係佢地既「工具」，

你對佢有用個陣，佢會對你好好；

無用個陣，你就會俾人「用完即棄」，仲慘過膠袋！！

除非你係甘心被人利用啦∼！

4.          極拜金主義既女人

呢一種女人又係極品之一！

愛情對佢地來講都只不過係一場遊戲，

佢地最想得到既都只不過係男人既──＞＄

當你仲有＄個陣，佢地咪會對你好好囉；

無啦喎，就真係「唔該，行開！」∼！

同呢ｄ女人一齊，就好似跌落一個萬劫不復既深淵一樣∼

真係要「三思」！！

5.          極度咁愚蠢既女人

有好多男人都會鍾意蠢既女人，

就係貪佢地夠蠢喎∼！！

之但係蠢到過晒籠既佢地就真係唉唉聲啦∼！！

始終男人都係想要一個幫得到佢既女人，

來做佢背後既人∼！！

6.          報復心極強既女人

呢樣都係恐怖，你睇個ｄ新聞報導都有講啦，

知道自己個男人係出面攪攪震就殺左佢之類個ｄ∼！

你都嚇餐死啦∼！！

7.          極招蜂引蝶既女人

女人要安全感，男人都一樣要！

同呢種女人一齊就一定係無安全感可言，

只因佢身邊太多男性左穿右插啦∼！！

始終人係自私既∼！

8.          有不良嗜好既女人

呢樣又係麻煩，唔好話講到吸毒啦，

淨係話打牌爛賭都死啦∼！！

你成副身家都唔夠佢輸啦∼！！

分分鐘幫佢還債都有排還啦∼！

9.          極自我中心既女人 

咩都覺得自己啱晒，自己就永遠是對的，

人地就一定錯晒既呢種可怕女人，

真係睇見都想死∼！

你估你係聖人咩，聖人都有錯啦∼！！

何況你唔係∼！！

唉∼

好心就清醒一下啦∼！

10.      極依賴成性既女人 

一味要人照顧，你估個男人係你奶媽咩！∼

唔係話你要人幫就一定要到架嘛，

自己咁大個人都要學下自己take care自己架嘛∼！！
 
 

坦白講，

我係女人我自己都好怕ｄ咁既「極品」！

我唔係話自己無缺點，

講真個個人都有缺點就係真既，

只係睇你點去令到佢變成優點既姐∼！！

其實凡事只要唔好做得咁過份既話，

有好多野都唔一定係件壞事來既∼！！

朋友們，努力啦∼！！

我地要俾心機，

唔好做一個唔得人鍾意既人呀∼！！

（哈哈！！）

P.S.

以上只係純屬個人意見∼！