我做人就好公平既，

既然上次我地寫左一ｄ「娶唔過」既女人既話，

今次我諗我都係時候寫下一ｄ「嫁唔過」既男人啦∼！！

哈哈

（懶公平∼！）

講真，

其實男同女咪又係人，

咪又係有個ｄ咁既缺點，

人就緊係會犯錯架啦∼！！

至少希望錯左之後唔會再「一錯再錯」既姐∼！！

如果俾我揀，

我諗以下呢幾種既「人板」係我一定唔會揀既：

1.          食軟飯既男人
 

食軟飯既男人，即係不務正業、不求上進啦∼！！

咁既男人仲要來做咩∼！掉左佢吧啦∼！！

唔通佢係屋企「hea」，你就返工拎＄返來養埋佢啦喎∼！！

淨係一味識問你攞＄、借＄∼！！

難道你地之間既愛情係「建基」於金錢之上咩？！

2.          勁吝嗇既男人
 

唔係話一定要個男人好有＄，

至少個男人係「追女仔」個陣先俾得起＄，

唔係下下都計住計住既∼！！

但又唔係話一定係有＄就揀先咁解喎，

只係覺得男人咩都計住晒好「難睇」姐∼！！

講真，如果追你個陣都已經咁「孤寒」既話，

你試諗下你地結左婚之後會變成點？！

恐怖哩∼你自己諗真ｄ啦∼！

3.          勁花心既男人
 

講真，呢個真係「死症」無得醫∼！！

你千祈千祈唔好以為呢一刻佢肯為你而「留低」，

你就以為佢會為你而「改變」先得架！

呢樣野真係無得改架，

唔係話你唔夠靚、唔夠索，

只不過，唔想你花盡一生既時間去等佢改變姐∼！！

咁樣未免太大啦個賭注∼！！

4.          無朋友既男人
 

無朋友唔係一種罪，

之但係人無朋友既話都幾恐怖下，

講真唔係咩都可以自己一個做到架嘛，

始終人與人之間都係要互相幫助架！！

如果一個男人真係連朋友都唔多個既話，

我諗都係唔要為妙，

因為佢應該有ｄ不為人知既「秘密」！！

5.          愚孝型既男人
 

孝順應該係一件好事先至真，

之但係「愚孝」既話，就真係剛剛相反！

你試諗下如果你同一個咁「孝順」既男人結左婚既話，

你到時同佢媽媽之間有咩問題個陣，

你估你既男人會幫邊個呀嗱∼！！

明顯地，呢類既男人無論對與錯都好，

都只會幫佢既媽媽∼！！

到時，你就真係「苦過弟弟」啦∼！！

6.          沒責任心既男人
 

呢樣又係敝敝都無咁敝既問題！

無責任感都幾難相處得來囉真係，

你要諗如果有親咩事佢都第一時間「閃」人，

好似怕一有咩事就會連累自己咁，

有事就留返俾你自己一個頂，

你都咪話唔辛苦、唔難頂∼！！

7.          佔有慾強既男人
 

咪即係同易呷醋既女人一樣，

都係死架啦∼！！

其他男人有咩「異樣」佢就一定覺得人地對你有「目的」，

就會想將你同外界「隔絕」！！

到時你就同坐監無咩分別∼！

8.          火爆暴力既男人
 

呢樣應該算係最恐怖既一種，

直情好似生命受「威脅」一樣∼！！

係計時炸彈∼！！

一講唔啱就一巴二巴飛埋來，

你都咪話唔驚！

除非你有「被虐待狂」啦∼！

9.          有不良嗜好既男人
 

無論男又好，女又好，

有不良嗜好就已經係唔好∼！！

到頭來只會破壞家庭既幸福，

破壞大家辛苦建立既一切！！

10.      智商太高／太低既男人
 

太叻既男人，可能會呃你；

太蠢既男人，可能你會討厭，                                  

始終都係搵返個「咁高咁大」既好ｄ∼！

唔好太過心頭高∼！

又唔好將自己既要求降得太低∼！！

無論點都好啦，

總之兩個人相處得開心先係最緊要既，

你要愛一個人既話，

你就要連佢既缺點都愛埋！

咁樣先叫「愛」架嘛∼！！