轉眼間又到左新年∼！！

時間真係過得好快呀∼

明明好似剛開始過「零八」無耐，

點知「嘩」一聲，

就已經到左中國人最著重既日子──＞「農曆新年」！

係度講返句：

新年快樂！
 

一到左新年，

我就會好主動咁去「奉獻」！

我唔係將ｄ＄拎去花晒佢，

而係一到新年就即係意味著．．．

爸爸同婆婆既生日又來啦∼！！

講真，

我唔係話俾好多好多既＄佢地，

＄唔係最重要，心意先係嘛∼！！

最緊要就係佢地開開心心、健健康康，

咁樣我就會好好好開心架啦∼！

諗返起以前細個讀書個陣，（小學個陣呀∼！！）

一提起「農曆新年假期」呢幾個字，

個個小朋友都已經開心到不得了∼！！

緊係啦，新年喎！

除左有「利是逗」之外，

就係俾一個假期大家，

同一ｄ好耐無見既遠方親朋人聚下嘛！

小朋友覺得最開心既就緊係有機會俾佢地玩餐飽啦嘛∼！！

以前真係好開心架一提起返婆婆度過年個陣，

因為婆婆個度可以玩煙花，

又可以有好多好多既地方俾我地去玩，

我地又可以四處走，

好開心，好好玩既∼！！

所以次次返親去婆婆度都唔捨得走∼！！

我仲好記得每次走個陣，

我都一定會喊晒口，

攬實婆婆唔捨得走∼！！

所以每次走個陣我都會「擾攘」好耐∼！！

不過就真係好開心∼

呢樣就一定係真既∼！！

講反而家，

都有成兩年無返過去婆婆度啦！

嗱嗱嗱∼！

雖然無返咋，

但係都記得俾ｄ＄公公婆婆買下野食既∼！！

當係小小既心意∼！！

我諗都係時候搵日返去見下公公婆婆啦，

我都好耐好耐無見過佢地啦∼！！

係上次佢地來香港個陣見過佢地，

都好耐啦！

個次我仲特登煮飯俾佢地食添∼！！

個日仲係我自己既生日添∼！

仲係我第一次煮咁多人既飯，

成十二個人架，

因為啊姨屋企人都來左∼！！

個餐飯真係食得好開心，

好好食∼！！

希望下次可以再為佢地煮一餐更好架啦∼！！

好掛住你地呀∼公公婆婆∼！！