記得上個月既一月二十四日，

我係睇完一篇網上既報導之後，

寫左一篇關於兩隻小貓既「感人故事」→．．．貓也重情，不比人差．．．

雖然有人會覺得個一篇既報導唔得真實、唔得透徹，

甚至覺得篇報導唔夠主觀，

但係如果件事真係發生係你眼前既話，

你又會點呢？！

你有會去認真咁去想一想，諗一諗呢？！

情人節，

情人節究竟係一個點樣既節日呢？！

應該人開心定抑或係帶一點點既悲涼？！

正當大家都開開心心咁「盛裝」赴約之際，

係內地既一個小小城市　─　北海市，

就發生左一件令人慨嘆既事∼！！

不如就先睇下第一、二幅圖片！

睇睇呢幅圖片俾你既第一個感覺究竟係咩？！  

你睇到既，

可能只係一隻死去既燕子！

你可能會覺得無咩咁特別值得去描述，

但係有好多事，

事實並唔係單靠「肉眼」可以睇得到！
 

↓↓↓↓

係，圖中既的確係死左既燕子，

但事實上係唔止一隻，

而係「一雙」！

根據報導所指，

係由當地既文史學家　－　范翔宇發現呢一對燕子，

起初佢以為燕子只係凍僵左，

所以就想上前睇下燕子仲有無起色，

誰知，

當佢用手輕碰「該隻」燕子個陣，

佢先至察覺到原來唔止係「一隻」，

而係一雙！！

被受保護既燕子應該係一隻雌燕，

體形比較細小，羽毛整潔！

而上面體形較大既應為雄燕，

明顯地係為左幫雌燕抵擋寒風，

所以將雙翼展開，

「擁抱」住雌燕，

但可惜既係，

最終雙雙凍死∼！！

范翔宇係睇到此情此境之時，

不禁感到慨嘆，

「昨日雙飛燕，今朝相擁死，哀哉！美哉！」

仲特意為呢一雙既燕子寫下一篇文章：

《燕殤——兩隻燕子至死不渝的故事》

俗語有話：「夫妻本是同林烏，大難臨頭各自飛！」

好多人既私心就會係極惡劣既環境下「現形」，

無論係平時幾咁要好既一對都好，

都有可能係逆境中分開！

要做到好似相中燕子咁「情比金堅」既話，

就真係需要時間去好好相處，

去互相忍讓、互相扶持、互相照顧．．．

雖然咁做未必一定得到好既「回報」，

但係愛一個人就係應該「不問回報」！！

唔好問「你可以為我付出幾多？！」，
 

應該諗「我可以為呢段感情／為佢付出幾多？！」

的確，

呢一雙燕子既故事真係俾到好多人一ｄ「啓示」同「警惕」！

希望所有既人都幸福、快樂！！

未有情人既，就早日搵到個「筍盤」；

已經有既呢，就恩恩愛愛，早日「簽紙」！

（唔駛俾帖架啦∼！！哈哈∼！）

各位，努力啦∼！！