社會上好多人都對「疑似藝人裸照」事件十分「關注」，

無論何時何地，去到邊都好，

都有好多人議論紛紛，

更成為所謂既「全城熱話」！

由事件開始發展至今，

事件可謂「越攪越大鑊」，

而所謂既上載者－「奇拿」，

亦當左自己係「執法者」咁，

走去揭人私隱，

仲好似「玩」到上晒隱咁，

越貼越多既「閃卡」俾人下載，

而且仲學晒電影咁整埋晒ｄ咩既「預言」之類既野！

呢種咁既行為真係「何其幼稚」呢！

難道上載ｄ相就會「多幾兩肉」？

係，可能「奇拿」對於陳生既「所作所為」係睇唔過眼，

因而用呢種方法來「懲罰」／「整治」陳生，

之但係，唔知「奇拿」佢又有無諗過會引起咁大既回響呢？

連日來既報導，

同周圍既人既不斷討論，

其實真係聽得多都厭啦∼！！

試過一大朝早搭車返工，

個人都未醒晒就已經聽到後座既兩位「啊姐」係度講ｄ相，

又話幾咁噁心，又話啊邊個邊個好核突，

又話ｄ相咩都睇晒，又話教壞人咁∼！

我第一時間心諗：

「咁你地仲講，不如收聲好過啦，

　一朝早就聽埋ｄ咁既野，俾我靜下都唔得∼！

　人地咁做就話噁心、核突，咁你地自己呢？！

　唔通佢地係唔會咁做既？！真係『夠晒純潔』！GOOD！」

事件去到「中段」個陣，

有位小姐就出來講野，

佢話自己係自己天真同傻，

但係就無交代其他既野，

亦更加無向各界人士道歉！

對於呢位小姐既言詞而言，

就真好壞參半！

有人會話佢好勇敢，肯行出來同大家講野，

（佢係第一個出來講野喔∼！）

更贏得好多人既支持同鼓勵添！

呢樣係值得欣慰既∼！

但另一方都會有人話佢假，

話佢扮野，

更有人話佢將個責任推俾人！

其實點講都好，

係呢件事件入面，

對女方所造成既傷害已經係一件「唔可以彌補」既事，

佢地所承受既傷害同困擾亦唔會俾男方少，

再者當呢ｄ所謂既「閃卡」流出個陣，

佢地就好似「裸露係人前」一樣！

但始終佢地雙方都要為事件負責任，

要俾社會一個「交代」！

呢件事實在引起太多既事端啦∼！

就係剛剛過左既尋日，

陳生總於都返港招開記者招待會來解釋事件！

由事發以來，

一路都俾人「轟炸」，

甚至話佢係咩「縮頭龜」之類，

大多數既新聞討論都係以負面居多，

但尋日返港招開完記招之後，

絕大部份人都已經對佢有所「改觀」！

的確，

佢肯實實在在咁行出來向眾人交代，

已經係行前左一大步，

佢亦承認係自己拍攝呢ｄ照片，

同時更不下十次向各位有關人士致歉，

更為此而無了期退出娛樂圈！

對如佢呢次既發言，

好多人都表示支持，

一改之前既禿風，

呢樣都係值得嘉許既事∼！

要做到「勇於認錯」實在唔容易，

最重要都係佢係勇於面對，

呢一樣都係好值得年青人「借鏡」！

對年青人來講呢一次事件係好值得去思量既，

要好好反醒呢件事帶來既影響！

好坦白，

對於呢ｄ係網上流傳緊既「閃卡」無太大既興趣，

雖然周圍既人（包括同事、同學、朋友等）都係度討論緊，

但係我只係覺得：

人始終係人，人係有慾望既生物來既，
 

何況「性慾」都係人既其中一種慾望，
 

藝人都係人姐，又唔係聖人，
 

再者聖人都有錯啦∼！！
 

我地又何必將人地呢ｄ咁私人既事放到咁大來睇呢？！

仲要講到自己好似『置身其中』咁，

又話邊個啱邊錯咁，

世事既野唔係話單靠幾張相就可以斷定到事實既真相架！

不如就由得事情淡化啦∼！

唔好再去揭人私隱／創疤！！

咁樣做既人其實都只係為左一己既私心，

如果我地仲去support佢既話，

我地都會變成佢既「一隻棋」！

希望大家都可以從呢件事件中反思，
 

加以警惕自己，
 

凡事慎言慎行！