今日係復活節假期既第一日∼！！

今日既「重點節目」將會係被人反拆屋既∼！！

事源上次去左拆人屋，

可能屋主覺得我地拆得唔夠徹底，

所以屋主話今日要來好好報答我喎∼！！

哈哈∼！

為左要令佢地忘記今次來既目的，

我都係時候要出手啦∼！！！

哈哈∼∼哈哈∼！！！

我為佢地預備左一ｄ既野食作為佢地既lunch，

希望佢地食到飽晒之後會無左件事∼！！

仲可以等佢地訓左個陣拎埋佢地去賣添喎∼！！

呵呵∼∼∼∼

（好計∼好計∼！！咔咔∼！！）

我為佢地預備左既食物有３樣，

分別為：

栗米羹
蜜餞雞亦
炒銀針粉

栗米羹相信係人都識整，

而且所花既時間亦唔算長，

所以會係作為湯既首選∼！！！

（呵呵∼快、靚、正∼！）

蜜餞雞亦就唔同啦，

要早一日預備好，

用調味料預先將佢醃好，

等今日來煮∼！！

而煮個陣仲要用半煎炸既方法來整一整ｄ雞亦，

咁樣ｄ雞亦就會好味ｄ，

而且仲會有 “脆脆” 地既感覺添∼

等到ｄ雞亦差唔多個陣就可以落ｄ蜜糖去兜一兜佢，

呢下就要好快手啦，

如果唔係ｄ雞亦就會變成黑炭唔食得架啦∼！！

攪掂之後就可以正式上碟架啦∼！

攪掂晒個兩樣之後，

仲有最後一樣　→　炒銀針粉

聽個多就好似無咩特別，

其實都係既，

不外乎都係個幾種材料架啦∼！！

今次炒銀針粉所用既材料有：

叉燒　（切粒備用，最好有少少叉燒汁）

火腿　（切條）

魚條　（切條）

芽菜

先兜一兜ｄ粉，

之後再將ｄ粉材料放落去，（除左芽菜）

到ｄ材料都okay既時候先放埋芽菜，

因為如果太早放芽菜既話就會“淋”得好緊要，

咁就會影響晒食既口感架啦∼！ ^ ^

係佢地來到見到有咁多食物，

佢地真係乖乖地食野無四圍搗亂，

所以我既策略係成功既∼！！

呵呵∼∼！！

（咁又順利阻止左一場無謂既「戰爭」啦∼！）

呀∼

唔知佢地又滿唔滿意我為佢地預備既lunch呢∼？！

（有無肚仔痛呀？！咔咔∼！！）