《Life》，
一個如此簡單既一個字，
到底背後既意義又有誰會明白同體會得到？！
劇名係吸引我既第一個原因，
帶出左「人生如戲，戲如人生」的道理；
其二係以下既呢一張劇照，
女主角就好似係度跟某人對抗似的！
（好緊張呢∼）
《Life》一劇既演員於當時而言未算知名度甚高，
但於劇集播出後，
反而帶俾大家一種驚喜！！
而劇中各人既演技更令人留下深刻既印象！！
劇集內容簡述：
《Life》係一部講述校園暴力既劇集，
故事以西館私立高中為故事發展既主要舞臺！
主要講述主角椎葉步係學校被同學們欺凌既事，
直到椎葉步遇到真正的朋友（羽鳥未來、薗田優樹）後，
令椎葉步開始提起勇氣面對困難！！
「我唔知道答案，
但我已經決定左要行自己既路，
同個ｄ欺負我既人鬥爭到底，
絕不退縮！！」
由呢一刻開始，
步與愛海兩人即展開連翻既「激戰」，
實行要鬥個你死我活！！
人物關係簡圖：
人物角色簡介：
椎葉步．16才
（由 北乃紀伊 飾演）
椎葉步係本劇既主線人物之一，就讀於西館高中既一年二班！
父親經常係外地工作，屋企就只剩下媽媽、細佬∼！！
步係一個乖巧而又體貼別人既小女孩，
只係學業成績稍遜一點！
係初中時期步有一位非常要好既朋友 － 篠塚夕子，
步因為唔想同好朋友分開，於是便求教於好朋友夕子！
係夕子既幫助之下，步終於考上西館高中，
但可惜既係好朋友竟然考唔上，
夕子更因此而遷怒於步，更對步說：「如果無你就好啦∼！」
說罷夕子更於西館高中一躍而下∼！
但係步為左呢件事卻耿耿於懷，一直覺得係自己搶左好朋友既野！
自始之後步就將自己封閉起來，唔再同其他人傾談！
安西愛海．16才
（由 福田沙紀 飾演）
安西愛海與步為同班同學，就讀於西館高中一年二班！
愛海係有人錢人家既千金小姐，父親為縣議員∼！
因出身於有錢人之家，所以有著驕縰橫蠻既大小姐脾氣，
而且妒忌心甚強，更鍾意駛人唔駛本！
係開學無幾耐後，愛海主動跟步交朋友，更因此成為「死黨」！
誰知這張可愛既面蛋背後原來藏著許多既「殺機」！！
佐古克己．16才
（由 細田よしひこ 飾演）
佐古克己就讀於西館高中既一年三班，係愛海既男朋友（？！）
外表看來係個笑容可菊既溫文男生，而且成績優秀，（似）係個模範生！
但事實上卻係個（超）變態既狂魔，總愛收藏ＳＭ相片，
更愛隨身帶著數碼相機（方便偷拍麼？！）！！
由於佐古父親所開設既公司係由愛海父親所支持，
所以佐古先會同愛海拍拖，但佐古對愛海毫無感情可言！！
（有好幾段令我睇到有ｄ驚，佢真係幾變態∼！！）
廣瀨倫子．16才
（由 星井七瀨 飾演）
就讀於西館高中一年二班，係步、愛海既同班同學！
於開學初期，小廣因登上雜誌而引起愛海既「反感」，
愛海更下令（女王麼？！）要全班女同學與小廣絕交！！
可憐既小廣更被女魔頭逼上絕路呢∼！！！
情況真令人擔心∼！！
羽烏未來．16才
（由 関めぐみ 飾演）
羽鳥都係就讀於西館高中既一年二班，係步既知心朋友呢∼！
羽鳥雖然經常「走堂」去打工幫補家計，
但學業成績依然一樣優秀，
可說是個又有樣又有腦既lady呢∼！
羽鳥外表睇上去睇乎非常冷莫，但卻多次對步伸出援助之手！
而步手上所戴既手鐲就係羽鳥送，
當作係兩人既友情見證！！
薗田優樹．16才
（由 北条隆博 飾演）
薗田亦係西館高中一年三班既學生，
佢起初對身邊既事一向都採取不予理會既態度，
外表似係沉默寡言，（扮cool」呀？！）
但暗地裏卻同情步既遭遇！
不過最後亦為步而挺身而出，幫左步一把！
與羽鳥、步兩人更成為好朋友！！
好啦，介紹完一輪關於套劇既人同事之後，
不如就睇睇以下呢個「濃縮版」既MV啦∼！！！
| 
