自上個星期六攪完「生日趴地」之後，

我今日又約左ｄ朋友仔去玩啦，

我地今次係去「玩轉人地屋企」呢∼！！

（即係「拆屋」是也！呵呵∼∼！！）

今日我好早就已經起左身，

唔係真心想起身架　＠＠”

係因為唔舒服鼻塞抖唔到氣咋∼！

所以都攪到無覺好訓，

咁就唯有「乖乖地」起身∼！！

激死人∼！

起左身玩左一輪MSN之後就開始「整裝待發」！！

到左一點鐘左右度，

我地就正式起程囉∼！！

嘻嘻，朋友，等我地來拆你屋吧啦∼！！

呵呵∼！！

我同朋友仔未食野就已經上左車「出發」，

準備向我地既「目的地」進發，

但我係事前就已經買左一Ｄ零食來作為我地既「早點」！

哈哈∼！！

呢個車程雖然唔係長，

但都有一Ｄ特別既趣事發生左！

話說我就買左一Ｄ野食上車同朋友仔分享，

一路食個陣，

對面既一對小朋友就一路望住我地，

好似好想食咁∼！

成個胃食樣都出晒來囉，小朋友∼！

佢地都好得意，好肥do do咁架，

臨落車前，

個家姐竟然教個細佬同我地講：「靚女姐姐」

真係唔知笑好唔笑好∼！！

哈哈∼！

最攪笑係個細佬都表情多多個下先得意∼

對眼仔又勁精靈∼！

幾經辛苦（有咁誇張嘛？！哈哈，修辭手法是也！）

我地終於都到進左我地既目的地附近！

到左之後我地都未「實行」我地既拆屋大計，

因為我地要去「醫肚」先∼！

（唏唏唏，祭五臟廟∼！！！）

我竟然係未病好就走左去食ＫＦＣ呢，

好大膽是也∼！！

哈哈∼！！

不過真係好耐無食呢，

食得都算好滋味架∼！！

呵呵∼！

當我地品嘗完我地既「早餐」之後，

我地一行４人就向「目的地」進發∼！！

衝呀∼！！衝呀∼！！

呵呵∼！

向目的地邁進啦∼！

搗亂萬歲∼！！

嘩哈哈∼！

我地一抵達之後，

第一時間當然要「檢視」一下場地啦，

唔係又點知從何入手呢∼！！

呵呵∼！

檢視完畢後，

我地就拎左佢ｄ相出來進行「大事回顧」，

仲發現左一張「閃中閃」添∼！（唔係“神”個ｄ啦一定！）

就係因為呢張「閃中閃」，

差點要俾人「滅口」呢∼！！

真係要講句：

這個瀟男真狠心∼！！
 

哈哈∼！

欣賞完ｄ咁正既「閃中閃」之後，

我地就正正式式進行我地既「賤兔大格鬥」，

進行呢個格鬥如果一唔小心既話，

就真係拆左人地間屋架啦∼！！

哈哈∼！

（手制飛脫∼∼！！呵呵！要換電視囉∼！）

經過數百個回合之後，

可謂各有死傷，（哈哈∼！唔係掛？！內傷呢！）

我玩咩都算得上係第一流呢∼！

不過有一樣野我地３個都會輸俾瀟男，

就係「賤兔打電話」，

佢隻手指就好似裝左摩打咁，

次次都係無人夠佢快架喎，

真係．．．　．．．

無論我地玩幾多次都好，

結果都係一樣輸俾瀟男！

真係「甘拜下風」∼！

哈哈∼！！

玩到咁上下，

我地就去左食cake，

係一個藍莓芝士蛋糕呢∼！！

不過唔係太好，

唔係話唔好食，

係好易散，

一叉落去就散開晒，好難食得到∼！！

個餅底都幾實下添∼

不過味道同賣相的確係幾好既∼！！

食完cake我地玩多一陣之後，

就落左去club house度玩，

我地玩既係「枱波」！！

係呀，的確係篤波呀，

不過好坦白，

我唔識既呢∼！！！

呵呵∼！

所以只係可以當係一種「小玩意」！

不過就真係好funny囉∼！

當然，

最矚目既都非瀟男同型男莫屬啦，

瀟男就篤到上晒枱，

Ｄ　post又勁爆誘人喎，

差ｄ俾人影埋就要做 “神”架啦！

哈哈∼！！

型男就勁在佢篤波勁啦，

有好幾次都係響晒袋咁既∼

勁∼！！

不過佢就唔好彩啦，

Part著我同朋友仔兩個都唔識篤既，

係佢拎分既同時，

我地就幫佢「敗返晒」出去∼！

哈哈∼！！

不過女仔都不甘視弱架喎，

我地都有個女仔好勁既，

靚女係我地女將之中最勁既一個，

真係巾幗英雌∼！！

所以話呢，

千祈唔好睇小我地ｄ女仔呀∼！

篤左成個鐘之後，

我地就出左去沙田食野，

係路經個陣，

俾我見到成百部既「扭蛋機」係度，

個下真係忍唔住，

要同佢地講聲：

「可唔可以一陣返來扭蛋呀？！」

(俾人笑似爸爸媽媽帶小朋友去玩呢∼！T-T)

哈哈∼！！

當我地食完飯之後，

我地就一行數人咁返返去頭先有好多扭蛋機既地方，

由頭睇左一次之後，

我終於都「搜索」到我想要既野啦∼！！

我今次用左＄９０蚊就可以扭晒一set既扭蛋啦∼！

個刻真係開心到跳起∼！

扭第一個就已經扭到最鍾意既個個，

仲要即刻開來玩，

玩個陣仲要吸引埋其他人去扭添，

因為個扭蛋真在太得意啦∼！！

亦正正因為呢個原因，

我就想將全部都扭晒！

唔知係咪天意呢，

吸引左班人來扭之後，

部機就俾佢地「霸」左，

所以我地就要去第２部扭，

扭之前我先先去左換左錢先啦緊係！

換完之後，

就揀左最近既個一部機來扭，

真係可謂「一扭一驚心」，

又想知佢地係咩樣，

但係又怕會重覆，

好勁呀真係，

有靚女陪我扭頭個３個都無重覆，

第４個係瀟男幫手扭架，

都無重覆，

第５個啦，

呼∼∼好彩都無事，係我自己扭架∼！！

到左最尾一個啦，

型男話佢都要幫下我手，

於是乎．．．　．．．

都無事∼！！哈哈∼！！

結果６個都係唔同既，

一個重覆既都無∼！！

好勁呢∼！！

我亦都開心到「嗌」左出來∼！！

哈哈∼！

你睇下，我同埋６個蛋蛋呢∼！

幾咁開心∼！
 

（一對手都拎唔晒，但係都要拎∼！！呵呵∼！！）

 想唔想知道係咩扭蛋令我咁瘋狂呢？！

之唔係就係佢之嘛．．．　．．．

佢係ｗｉｉ既手制呢∼哈哈！！

佢係非一般既ｗｉｉ手制喔，

當你按住１號制個陣，

佢會有個影像投射出來呢∼！！
 

呢個就係我第一個扭到，

而且最鍾意既一個啦∼！！！
 

而呢個就係開左之後先覺得得意既∼！！

係Mario入面隻鬼鬼呢∼！
 

 
真係好想再扭多一個呢兩隻呢∼！！！

咁我就可以拆出來掛啦∼！

哈哈∼！！